헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 14, chapter 9)

ταῦτα μαθὼν ὁ τῶν Ῥωμαίων δικτάτωρ Κάμιλλοσ, συγκαλέσασ τοὺσ ἀμφ’ αὑτὸν ἐδημηγόρησε πολλὰ παρορμῶντα εἰσ τόλμαν, ἐν οἷσ καὶ τάδε· ὅπλα κρείττονα τῶν βαρβαρικῶν ἡμῖν μεμηχάνηται, θώρακεσ καὶ κράνη καὶ κνημῖδεσ καὶ κραταιοὶ θυρεοί, ὑφ’ ὧν ὅλα τὰ σώματα ἔχομεν ἐν φυλακῇ, ξίφη τε ἀμφίστομα καὶ ἀντὶ λόγχησ ὑσσόσ, ἄφυκτον βέλοσ·

τὰ μὲν σκεπαστήρια, οἱᾶ μὴ ῥαδίωσ ταῖσ πληγαῖσ εἴκειν, τὰ δ’ ἀμυντήρια, ὡσ διὰ πάσησ φέρεσθαι προβολῆσ. τῶν δὲ γυμναὶ μὲν αἱ κεφαλαί, γυμνὰ δὲ τὰ στέρνα καὶ αἱ λαγόνεσ, γυμνοὶ δὲ μηροὶ καὶ σκέλη μέχρι ποδῶν, ἔρυμά τε οὐδὲν ἕτερον, ὅ τι μὴ θυρεοί· λόγχαι καὶ μάχαιραι κοπίδεσ ὑπερμήκεισ.

τό τε χωρίον, ἐν ᾧ τὸν ἀγῶνα ποιησόμεθα, σύνεργον ἡμῖν τοῖσ ἀπὸ μετεώρου κατιοῦσιν ἐπὶ τὸ πρανέσ, ἐκείνοισ δὲ πολέμιον τοῖσ ἐκ τοῦ χθαμαλοῦ πρὸσ τὰ μετέωρα χωρεῖν ἀναγκαζομένοισ.

φοβείσθω δὲ μηδεὶσ ὑμῶν μήτε τὸ πλῆθοσ τῶν πολεμίων μήτε τὸ μέγεθοσ, μηδ’ εἰσ ταῦτά τισ πλεονεκτήματα αὐτῶν ὁρῶν ἀθυμότεροσ πρὸσ τὸν ἀγῶνα ἔστω, ἀλλ’ ἐνθυμείσθω πρῶτον μέν, ὅτι κρεῖττόν ἐστιν ἔλαττον στράτευμα ἐπιστάμενον, ἃ δεῖ πράττειν, ἢ πολὺ ἀμαθέσ· ἔπειθ’ ὅτι τοῖσ μὲν ὑπὲρ τῶν ἰδίων ἀγωνιζομένοισ ἡ φύσισ αὐτὴ θάρσοσ τέ τι πρὸσ τοὺσ κινδύνουσ παρίστησι, καὶ πνεῦμα ἐνθουσιῶδεσ ὥσπερ τοῖσ θεοφορήτοισ παρέχει, τοῖσ δ’ ἁρπάσαι τὰ ἀλλότρια προθυμουμένοισ μαλακώτεραι πρὸσ τὰ δεινὰ αἱ τόλμαι φιλοῦσι γίνεσθαι. ἀλλὰ μὴν οὐδ’ οἷσ δεδίττονται τοὺσ πολεμίουσ καὶ πρὶν εἰσ χεῖρασ ἐλθεῖν ἐκδειματοῦσιν, ὀρρωδητέα ἡμῖν ἐστιν, ὥσπερ ἀπείροισ πολέμου.

λογισμοῦ παρὰ τὰ δεινὰ ἑστῶσι φόβον;

ταῦτα δὴ διανοηθέντεσ, ὅσοι τε ὑμῶν ἐν τῷ κατὰ Κελτῶν προτέρῳ πολέμῳ παρεγένεσθε καὶ ὅσοι διὰ νεότητα ἀπελείφθητε αὐτοῦ, οἱ μὲν ἵνα τὴν τότε ἀρετὴν μὴ καταισχύνητε τῇ νῦν δειλίᾳ, οἱ δ’ ἵνα μηδὲν ἐνδεέστεροι γένησθε τῶν πρεσβυτέρων ἐν ἐπιδείξει καλῶν ἔργων, ἴτε, ὦ γενναῖοι παῖδεσ ἀγαθῶν ζηλωταὶ πατέρων, ἴτε ἀκαταπλήκτωσ ἐπ’ αὐτοὺσ θεούσ τε ἀρωγοὺσ ἔχοντεσ, οἳ παρέξουσιν ὑμῖν ἐξουσίαν, οἱάσ ἐβούλεσθε παρὰ τῶν ἐχθίστων ἀναπράξασθαι δίκασ, καὶ στρατηγὸν ἐμέ, ᾧ πολλὴν μὲν εὐβουλίαν μαρτυρεῖτε, πολλὴν δ’ εὐποτμίαν·

μακάριον μὲν ἕξοντεσ τὸν ἀπὸ τοῦδε χρόνον, οἷσ ἂν ἐγγένηται τὸν ἐπιφανέστατον τῇ πατρίδι στέφανον καταγαγεῖν, καλὴν δὲ καὶ ἀθάνατον εὐκλείαν καταλείψοντεσ ἀντὶ τοῦ θνητοῦ σώματοσ νηπίοισ παισὶ καὶ γηραιοῖσ γονεῦσιν, οἱ ταύτην ἐκπληρώσοντεσ τὴν τοῦ βίου τελευτήν.

οὐκ οἶδ’ ὅ τι δεῖ πλείω λέγειν· κινεῖται γὰρ ἤδη τὸ βάρβαρον στράτευμα χωροῦν ἐφ’ ἡμᾶσ. ἀλλ’ ἄπιτε καὶ καθίστασθε εἰσ τάξιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 14, chapter 9

(디오니시오스, Antiquitates Romanae, Books X-XX, book 14, chapter 9)

상위

목록

SEARCH

MENU NAVIGATION