헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 14, chapter 6)

ὅτι οἱ Ῥωμαῖοι μεγαλοπρεπεῖσ. ἄλλων ὀλίγου δεῖν πάντων ἔν τε τοῖσ κοινοῖσ τῶν πόλεων πράγμασι καὶ ἐν τοῖσ ἰδίοισ βίοισ πρὸσ τὰ τελευταῖα τῶν συμβαινόντων τὰσ διανοίασ μεθαρμοττομένων καὶ πολλάκισ ἔχθρασ τε μεγάλασ διὰ τὰσ τυχούσασ φιλανθρωπίασ καταλυομένων καὶ φιλίασ πολυχρονίουσ διὰ μικρὰ καὶ φαῦλα προσκρούματα διαιρούντων ἐκεῖνοι τοὐναντίον ἐπὶ τῶν φίλων ᾤοντο χρῆναι ποιεῖν, ταῖσ τε παλαιαῖσ εὐεργεσίαισ χαρίζεσθαι τὰσ ἐπὶ τοῖσ προσφάτοισ ἐγκλήμασιν ὀργάσ.

θαυμαστὸν μὲν δὴ καὶ τοῦτο τῶν ἀνδρῶν·

λέγω δὲ τὸ μηδενὶ μνησικακῆσαι τῶν Τυσκλάνων, ἀλλὰ πάντασ ἀφεῖναι τοὺσ ἐξαμαρτόντασ ἀζημίουσ· πολλῷ δ’ ἔτι τούτου θαυμασιώτερον, ὃ μετὰ τὴν ἄφεσιν τῶν ἐγκλημάτων αὐτοῖσ ἐχαρίσαντο. σκοπούμενοι γάρ, ὡσ μηδὲν ἔτι τοιοῦτον ἐν τῇ πόλει γενήσεται μηδ’ ἀφορμὴν νεωτερισμοῦ λήψονταί τινεσ, οὔτε φρουρὰν εἰσ τὴν ἀκρόπολιν αὐτῶν ᾤοντο δεῖν εἰσάγειν, οὔτε παρὰ τῶν ἐπιφανεστάτων ἀνδρῶν ὅμηρα λαμβάνειν, οὔτε ὅπλα τοὺσ ἔχοντασ ἀφελέσθαι, οὔτ’ ἄλλο σημεῖον οὐδὲν ἀπιστουμένησ φιλίασ ποιῆσαι·

οὐ τὴν αὐτὴν διάνοιαν λαβόντεσ τοῖσ ἀξιοῦσι τῆσ Ἑλλάδοσ ἄρχειν οὔτ’ Ἀθηναίοισ οὔτε Λακεδαιμονίοισ·

τί γὰρ δεῖ περὶ τῶν ἄλλων Ἑλλήνων λέγειν;

ἑαυτῶν ὄντασ, Λακεδαιμόνιοι δὲ Μεσσηνίουσ ἀδελφῶν οὐδὲν διαφέροντασ, ἐπειδὴ προσέκρουσαν αὐτοῖσ τι, διαλυσάμενοι τὴν συγγένειαν οὕτωσ ὠμῶσ διεχειρίσαντο καὶ θηριωδῶσ, ἐπειδὴ τὰσ πόλεισ αὐτῶν ὑποχειρίουσ ἔλαβον, ὥστε μηδὲ τοῖσ ἀγριωτάτοισ τῶν βαρβάρων ὑπερβολὴν τῆσ εἰσ τὰ ὁμόφυλα παρανομίασ παραλιπεῖν.

μυρία τοιαῦτα λέγειν ἄν τισ ἔχοι ταῖσ πόλεσι ταύταισ ἡμαρτημένα, ἃ παρίημι, ἐπεὶ καὶ τούτων μεμνημένοσ ἄχθομαι·

προαιρέσει, μάλιστα δὲ τῷ μηδὲν τῶν ὑπὲρ τὴν ἀνθρωπίνην φύσιν εἰσ ἀλλήλουσ παρανομεῖν.

ὅσοισ μὲν οὖν ταῦτα ἐπὶ πλεῖον ὑπῆρξεν ἐν τῇ φύσει, τούτουσ οἶμαι δεῖν λέγειν Ἕλληνασ, ὅσοισ δὲ τἀναντία βαρβάρουσ. καὶ τὰσ μὲν ἐπιεικεῖσ καὶ φιλανθρώπουσ διανοίασ τε καὶ πράξεισ αὐτῶν Ἑλληνικὰσ εἶναι λογίζομαι, τὰσ δ’ ὠμὰσ καὶ θηριώδεισ, ἄλλωσ τε κἂν περὶ συγγενεῖσ τε καὶ φίλουσ γίνωνται, βαρβαρικάσ.

Τυσκλανοὶ μὲν δὴ πρὸσ τῷ μηδὲν ἀφαιρεθῆναι τῶν σφετέρων ἁλούσησ τῆσ πόλεωσ, καὶ τὰ τῶν κεκρατηκότων ἀγαθὰ προσλαβόντεσ ἀπῄεσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 14, chapter 6

(디오니시오스, Antiquitates Romanae, Books X-XX, book 14, chapter 6)

상위

목록

SEARCH

MENU NAVIGATION