헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 14, chapter 1)

ἡ δὲ Κελτικὴ κεῖται μὲν ἐν τῷ πρὸσ τὴν ἑσπέραν καθήκοντι τῆσ Εὐρώπησ μέρει μεταξὺ τοῦ τε βορείου πόλου καὶ τῆσ ἰσημερινῆσ δύσεωσ· τετράγωνοσ δὲ οὖσα τῷ σχήματι τοῖσ μὲν Ἀλπείοισ ὄρεσι μεγίστοισ οὖσι τῶν Εὐρωπείων συνάπτει κατὰ τὰσ ἀνατολάσ, τοῖσ δὲ Πυρρηναίοισ κατὰ μεσημβρίαν τε καὶ νότον ἄνεμον, τῇ δὲ ἔξω στηλῶν Ἡρακλείων θαλάττῃ κατὰ τὰσ δύσεισ, τῷ δὲ Σκυθικῷ τε καὶ Θρᾳκίῳ γένει κατὰ βορέαν ἄνεμον καὶ ποταμὸν Ἴστρον, ὃσ ἀπὸ τῶν Ἀλπείων καταβαίνων ὀρῶν μέγιστοσ τῶν τῇδε ποταμῶν καὶ πᾶσαν τὴν ὑπὸ τοῖσ ἄρκτοισ ἤπειρον διελθὼν εἰσ τὸ Ποντικὸν ἐξερεύγεται πέλαγοσ. τοσαύτη δὲ οὖσα τὸ μέγεθοσ, ὅση μὴ πολὺ ἀποδεῖν τετάρτη λέγεσθαι μοῖρα τῆσ Εὐρώπησ, εὐύδρόσ τε καὶ πίειρα καὶ καρποῖσ δαψιλὴσ καὶ κτήνεσιν ἀρίστη νέμεσθαι, σχίζεται μέση ποταμῷ Ῥήνῳ, μεγίστῳ μετὰ τὸν Ἴστρον εἶναι δοκοῦντι τῶν κατὰ τὴν Εὐρώπην ποταμῶν.

καλεῖται δ’ ἡ μὲν ἐπὶ τάδε τοῦ Ῥήνου Σκύθαισ καὶ Θρᾳξὶν ὁμοροῦσα Γερμανία, μέχρι δρυμοῦ Ἑρκυνίου καὶ τῶν Ῥιπαίων ὀρῶν καθήκουσα, ἡ δ’ ἐπὶ θάτερα τὰ πρὸσ μεσημβρίαν βλέποντα μέχρι Πυρρήνησ ὄρουσ, ἡ τὸν Γαλατικὸν κόλπον περιλαμβάνουσα, Γαλατία τῆσ θαλάττησ ἐπώνυμοσ.

κοινῷ δ’ ὀνόματι ἡ σύμπασα πρὸσ Ἑλλήνων καλεῖται Κελτική, ὡσ μέν τινέσ φασιν, ἀπό τινοσ γίγαντοσ Κελτοῦ αὐτόθι δυναστεύσαντοσ, ἄλλοι δὲ ἐξ Ἡρακλέουσ καὶ Ἀστερόπησ τῆσ Ἀτλαντίδοσ δύο γενέσθαι μυθολογοῦσι παῖδασ, Ἴβηρον καὶ Κελτόν, οὓσ θέσθαι ταῖσ χώραισ, ὧν ἦρξαν ἀμφότεροι, τὰσ ὀνομασίασ ἀφ’ αὑτῶν.

οἱ δὲ ποταμὸν εἶναί τινα λέγουσι Κελτὸν ἐκ τῆσ Πυρρήνησ ἀναδιδόμενον, ἀφ’ οὗ πρῶτον μὲν τὴν συνεγγύσ, ἔπειτα δὲ καὶ τὴν ἄλλην χώραν σὺν χρόνῳ κληθῆναι Κελτικήν.

φασὶ δὲ καί τινεσ, ὅτι τοῖσ πρώτοισ Ἕλλησιν εἰσ τήνδε τὴν γῆν περαιουμένοισ αἱ νῆεσ ἀνέμῳ βιαίῳ φερόμεναι κατὰ τὸν κόλπον ἔκελσαν τὸν Γαλατικόν, οἱ δ’ ἄνδρεσ, ἐπειδὴ τοῦ αἰγιαλοῦ ἐλάβοντο, Κελσικὴν ἀπὸ τοῦ συμβάντοσ αὐτοῖσ πάθουσ τὴν χώραν ἐκάλεσαν, ἣν ἑνὸσ ἀλλαγῇ γράμματοσ οἱ μεταγενέστεροι Κελτικὴν ὠνόμασαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 14, chapter 1

(디오니시오스, Antiquitates Romanae, Books X-XX, book 14, chapter 1)

상위

목록

SEARCH

MENU NAVIGATION