헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 12, chapter 11)

ἐν δὲ τῷ μεταξὺ χρόνῳ Οὐιεντανῶν τισ ἔμπειροσ τῆσ ἐπιχωρίου μαντικῆσ διὰ προγόνων ἐτύγχανε φυλακὴν ἔχων τοῦ τείχουσ, ἐγεγόνει δέ τισ αὐτῷ τῶν ἀπὸ τῆσ Ῥώμησ λοχαγῶν ἐκ παλαιοῦ γνώριμοσ. οὗτοσ ὁ λοχαγὸσ ἐγγὺσ τοῦ τείχουσ ποτὲ γενόμενοσ καὶ τοὺσ συνήθεισ ἀσπασμοὺσ τῷ ἀνδρὶ ἀποδοὺσ οἰκτείρειν αὐτὸν ἔφη τῆσ καταληψομένησ ἅμα τοῖσ ἄλλοισ συμφορᾶσ, ἐὰν ἡ πόλισ ἁλῷ. καὶ ὁ Τυρρηνὸσ ἀκηκοὼσ τὴν ὑπέρχυσιν τῆσ Ἀλβανίδοσ λίμνησ καὶ τὰ παλαιὰ περὶ αὐτῆσ προειδὼσ θέσφατα ἀναγελάσασ·

οἱο͂ν, ἔφησεν, ἐστὶν ἀγαθὸν τὸ προειδέναι τὰ μέλλοντα. ὑμεῖσ δὲ κατὰ τὴν ἀγνωσίαν τῶν ἀποβησομένων πόλεμον ἀτελῆ καὶ πόνουσ ἀνηνύτουσ ἀντλεῖτε τὴν Οὐιεντανῶν πόλιν ἀναστήσειν οἰόμενοι. εἰ δέ τισ ὑμῖν ἐδήλωσεν, ὅτι τῇ πόλει τῇδε τότε πέπρωται ἁλῶναι, ὅταν ἡ πρὸσ Ἀλβανῷ λίμνη σπανίσασα τῶν αὐθιγενῶν ναμάτων μηκέτι μίσγηται θαλάττῃ, ἐπαύσασθε ἂν αὐτοί τε δαπανώμενοι καὶ ἡμᾶσ ἐνοχλοῦντεσ. τῇ δ’ ἑξῆσ προειπὼν τοῖσ χιλιάρχοισ, ἃ διενοεῖτο, παρῆν ἐπὶ τὸν αὐτὸν τόπον ἄνοπλοσ, ὥστε μηδεμίαν ὑποψίαν ἐπιβουλῆσ τὸν Τυρρηνὸν ὑπὲρ αὐτοῦ λαβεῖν.

χρησάμενοσ δὲ τοῖσ συνήθεσιν ἀσπασμοῖσ πρῶτον μὲν ὑπὲρ τῆσ κατεχούσησ τὸ Ῥωμαικὸν στρατόπεδον ἀμηχανίασ διελέγετο ἄλλ’, ἐφ’ οἷσ ἡσθήσεσθαι τὸν Τυρρηνὸν ὑπελάμβανεν, ἔπειτα ἐξηγητὴν αὑτῷ γενέσθαι ἠξίου σημείων τινῶν καὶ τεράτων νεωστὶ τοῖσ χιλιάρχοισ γεγονότων. πείθεται τοῖσ λόγοισ ὁ μάντισ οὐδεμίαν δεδοικὼσ ἐξαπάτην καὶ τοὺσ συνόντασ αὐτῷ μεταστῆναι κελεύσασ αὐτὸσ ἠκολούθει μόνοσ τῷ λοχαγῷ.

ὁ δὲ Ῥωμαῖοσ ὑπαγόμενοσ αὐτὸν ἀπωτέρω τοῦ τείχουσ διὰ τῶν πρὸσ ἀπάτην μηχανηθέντων λόγων, ὡσ ἐγγὺσ ἐγένετο τοῦ περιτειχίσματοσ, περιλαβὼν ταῖσ χερσὶν ἀμφοτέραισ μέσον αἴρεταί τε καὶ πρὸσ τὸ Ῥωμαικὸν ἀποφέρεται στρατόπεδον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 12, chapter 11

(디오니시오스, Antiquitates Romanae, Books X-XX, book 12, chapter 11)

상위

목록

SEARCH

MENU NAVIGATION