Dionysius of Halicarnassus, Antiquitates Romanae, Books X-XX, book 12, chapter 4

(디오니시오스, Antiquitates Romanae, Books X-XX, book 12, chapter 4)

τῶν δὲ δημοτικῶν οἱ <μὲν οὐ> συμβουλεύ‐ σαντεσ τῇ καταλύσει τῆσ πολιτείασ ἠγανάκτουν καὶ δι’ ὀργῆσ τὴν ἐπιχείρησιν τοῦ ἀνδρὸσ ἐλάμβανον, οἱ δὲ κοινωνήσαντεσ τῆσ συνωμοσίασ ἀφειμένοι τοῦ φόβου χαίρειν τε προσεποιοῦντο καὶ τὸ συνέδριον τῶν βου‐ λευμάτων ἐπῄνουν· ὀλίγοι δέ τινεσ ἐξ αὐτῶν οἱ πονη‐ ρότατοι λογοποιεῖν ἐτόλμων ἐν ταῖσ ἑξῆσ ἡμέραισ ὡσ ἀνηρπασμένου πρὸσ τῶν δυνατῶν τοῦ Μαιλίου καὶ διαστασιάζειν τὸν δῆμον ἐπεχείρουν· οὓσ ἀφανεῖ θανάτῳ διαχρησάμενοσ ὁ δικτάτωρ, ἐπειδὴ κατέπαυσε τοῦ θορύβου, τὴν ἀρχὴν ἀποτίθεται. οἱ μὲν δὴ τὰ πιθανώτατά μοι δοκοῦντεσ γράφειν περὶ τῆσ Μαιλίου τελευτῆσ οὕτω παραδεδώκασι·

λεγέσθω δὲ καὶ ὁ δοκῶν ἧττον εἶναί μοι πιθανὸσ λόγοσ, ᾧ κέχρηται Κίγκιοσ καὶ Καλπούρνιοσ, ἐπιχώριοι συγγραφεῖσ· οἵ φασιν οὔτε δικτάτορα ὑπὸ τῆσ βουλῆσ ἀποδειχθῆναι τὸν Κοίντιον οὔτε ἱππάρχην ὑπὸ τοῦ κοιντίου τὸν Σερουίλιον. γενομένησ δὲ μηνύσεωσ ὑπὸ τοῦ Μηνυκίου τοὺσ παρόντασ ἐν τῷ συνεδρίῳ πιστεύσαντασ ἀληθῆ τὰ λεγόμενα εἶναι, γνώμην ἀποδειξαμένου τῶν πρεσβυτέρων τινὸσ ἄκριτον ἦ μὴν ἀποκτεῖναι τὸν ἄνδρα παραχρῆμα πεισθέντασ, οὕτω τὸν Σερουίλιον ἐπὶ τοῦτο τάξαι τὸ ἔργον, νέον ὄντα καὶ κατὰ χεῖρα γενναῖον.

τοῦτον δέ φασι λαβόντα τὸ ξιφίδιον ὑπὸ μάλησ ἐλθεῖν πρὸσ τὸν Μαίλιον πορευόμενον ἐκ τῆσ ἀγορᾶσ καὶ προσελθόντα εἰπεῖν, ὅτι βούλεται περὶ πράγματοσ ἀπορρήτου καὶ μεγάλου διαλεχθῆναι πρὸσ αὐτόν.

κελεύσαντοσ δὲ τοῦ Μαιλίου μικρὸν ἀποχωρῆσαι τοὺσ ἐγγὺσ αὐτῷ παρόντασ, ἐπειδὴ μονωθέντα τῆσ φυλακῆσ ἔλαβε, γυμνώσαντα τὸ ξίφοσ βάψαι κατὰ τῆσ σφαγῆσ· τοῦτο δὲ πράξαντα δρόμῳ χωρεῖν εἰσ τὸ βουλευτήριον ἔτι συγκαθημένων τῶν συνέδρων, ἔχοντα τὸ ξίφοσ ᾑμαγμένον κεκραγότα πρὸσ τοὺσ διώκοντασ, ὅτι κελευσθεὶσ ὑπὸ τῆσ βουλῆσ ἀνῄρηκε τὸν τύραννον. ἀκούσαντασ δὲ τὸ τῆσ βουλῆσ ὄνομα τοὺσ ὡρμηκότασ παίειν τε καὶ βάλλειν αὐτὸν ἀποτραπέσθαι καὶ μηδὲν εἰσ αὐτὸν παρανομῆσαι.

ἐκ τούτου καὶ τὴν ἐπωνυμίαν τὸν Ἄλαν αὐτῷ τεθῆναι λέγουσιν, ὅτι τὸ ξίφοσ ἔχων ὑπὸ μάλησ ἦλθεν ἐπὶ τὸν ἄνδρα· ἄλασ γὰρ καλοῦσι Ῥωμαῖοι τὰσ μάλασ. ἀναιρεθέντοσ δὲ τοῦ ἀνδρὸσ καθ’ ἕτερον τρόπον συνελθοῦσα ἡ βουλὴ τήν τε οὐσίαν αὐτοῦ εἶναι δημοσίαν ἐψηφίσατο καὶ τὴν οἰκίαν ἑώσ ἐδάφουσ κατασκαφῆναι.

οὗτοσ ὁ τόποσ ἔτι καὶ εἰσ ἐμὲ ἦν ἐν πολλαῖσ ταῖσ πέριξ οἰκίαισ μόνοσ ἀνειμένοσ ἔρημοσ, καλούμενοσ ὑπὸ Ῥωμαίων Αἰκυμήλιον· ὡσ ἂν ἡμεῖσ εἴποιμεν ἰσόπεδον Μήλιον. αἶκον γὰρ ὑπὸ Ῥωμαίων τὸ μηδεμίαν ἔχον ἐξοχὴν καλεῖται· τόπον οὖν τινα Αἶκον Μήλιον ἐξ ἀρχῆσ κληθέντα, ὕστερον συμφθαρέντων ἀλλήλοισ κατὰ τὴν μίαν ἐκφορὰν τῶν ὀνομάτων Αἰκυμήλιον ἐκάλεσαν. τῷ δὲ τὴν κατὰ τοῦ Μαιλίου μήνυσιν ἀποδόντι Μηνυκίῳ στάσιν ἀνδριάν‐ τοσ ἐψηφίσατο ἡ βουλή.

일치하는 문장이 없습니다.

SEARCH

MENU NAVIGATION