헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 12, chapter 4)

τῶν δὲ δημοτικῶν οἱ <μὲν οὐ> συμβουλεύ‐ σαντεσ τῇ καταλύσει τῆσ πολιτείασ ἠγανάκτουν καὶ δι’ ὀργῆσ τὴν ἐπιχείρησιν τοῦ ἀνδρὸσ ἐλάμβανον, οἱ δὲ κοινωνήσαντεσ τῆσ συνωμοσίασ ἀφειμένοι τοῦ φόβου χαίρειν τε προσεποιοῦντο καὶ τὸ συνέδριον τῶν βου‐ λευμάτων ἐπῄνουν· ὀλίγοι δέ τινεσ ἐξ αὐτῶν οἱ πονη‐ ρότατοι λογοποιεῖν ἐτόλμων ἐν ταῖσ ἑξῆσ ἡμέραισ ὡσ ἀνηρπασμένου πρὸσ τῶν δυνατῶν τοῦ Μαιλίου καὶ διαστασιάζειν τὸν δῆμον ἐπεχείρουν· οὓσ ἀφανεῖ θανάτῳ διαχρησάμενοσ ὁ δικτάτωρ, ἐπειδὴ κατέπαυσε τοῦ θορύβου, τὴν ἀρχὴν ἀποτίθεται. οἱ μὲν δὴ τὰ πιθανώτατά μοι δοκοῦντεσ γράφειν περὶ τῆσ Μαιλίου τελευτῆσ οὕτω παραδεδώκασι·

λεγέσθω δὲ καὶ ὁ δοκῶν ἧττον εἶναί μοι πιθανὸσ λόγοσ, ᾧ κέχρηται Κίγκιοσ καὶ Καλπούρνιοσ, ἐπιχώριοι συγγραφεῖσ· οἵ φασιν οὔτε δικτάτορα ὑπὸ τῆσ βουλῆσ ἀποδειχθῆναι τὸν Κοίντιον οὔτε ἱππάρχην ὑπὸ τοῦ κοιντίου τὸν Σερουίλιον. γενομένησ δὲ μηνύσεωσ ὑπὸ τοῦ Μηνυκίου τοὺσ παρόντασ ἐν τῷ συνεδρίῳ πιστεύσαντασ ἀληθῆ τὰ λεγόμενα εἶναι, γνώμην ἀποδειξαμένου τῶν πρεσβυτέρων τινὸσ ἄκριτον ἦ μὴν ἀποκτεῖναι τὸν ἄνδρα παραχρῆμα πεισθέντασ, οὕτω τὸν Σερουίλιον ἐπὶ τοῦτο τάξαι τὸ ἔργον, νέον ὄντα καὶ κατὰ χεῖρα γενναῖον.

τοῦτον δέ φασι λαβόντα τὸ ξιφίδιον ὑπὸ μάλησ ἐλθεῖν πρὸσ τὸν Μαίλιον πορευόμενον ἐκ τῆσ ἀγορᾶσ καὶ προσελθόντα εἰπεῖν, ὅτι βούλεται περὶ πράγματοσ ἀπορρήτου καὶ μεγάλου διαλεχθῆναι πρὸσ αὐτόν.

κελεύσαντοσ δὲ τοῦ Μαιλίου μικρὸν ἀποχωρῆσαι τοὺσ ἐγγὺσ αὐτῷ παρόντασ, ἐπειδὴ μονωθέντα τῆσ φυλακῆσ ἔλαβε, γυμνώσαντα τὸ ξίφοσ βάψαι κατὰ τῆσ σφαγῆσ· τοῦτο δὲ πράξαντα δρόμῳ χωρεῖν εἰσ τὸ βουλευτήριον ἔτι συγκαθημένων τῶν συνέδρων, ἔχοντα τὸ ξίφοσ ᾑμαγμένον κεκραγότα πρὸσ τοὺσ διώκοντασ, ὅτι κελευσθεὶσ ὑπὸ τῆσ βουλῆσ ἀνῄρηκε τὸν τύραννον. ἀκούσαντασ δὲ τὸ τῆσ βουλῆσ ὄνομα τοὺσ ὡρμηκότασ παίειν τε καὶ βάλλειν αὐτὸν ἀποτραπέσθαι καὶ μηδὲν εἰσ αὐτὸν παρανομῆσαι.

ἐκ τούτου καὶ τὴν ἐπωνυμίαν τὸν Ἄλαν αὐτῷ τεθῆναι λέγουσιν, ὅτι τὸ ξίφοσ ἔχων ὑπὸ μάλησ ἦλθεν ἐπὶ τὸν ἄνδρα· ἄλασ γὰρ καλοῦσι Ῥωμαῖοι τὰσ μάλασ. ἀναιρεθέντοσ δὲ τοῦ ἀνδρὸσ καθ’ ἕτερον τρόπον συνελθοῦσα ἡ βουλὴ τήν τε οὐσίαν αὐτοῦ εἶναι δημοσίαν ἐψηφίσατο καὶ τὴν οἰκίαν ἑώσ ἐδάφουσ κατασκαφῆναι.

οὗτοσ ὁ τόποσ ἔτι καὶ εἰσ ἐμὲ ἦν ἐν πολλαῖσ ταῖσ πέριξ οἰκίαισ μόνοσ ἀνειμένοσ ἔρημοσ, καλούμενοσ ὑπὸ Ῥωμαίων Αἰκυμήλιον· ὡσ ἂν ἡμεῖσ εἴποιμεν ἰσόπεδον Μήλιον. αἶκον γὰρ ὑπὸ Ῥωμαίων τὸ μηδεμίαν ἔχον ἐξοχὴν καλεῖται· τόπον οὖν τινα Αἶκον Μήλιον ἐξ ἀρχῆσ κληθέντα, ὕστερον συμφθαρέντων ἀλλήλοισ κατὰ τὴν μίαν ἐκφορὰν τῶν ὀνομάτων Αἰκυμήλιον ἐκάλεσαν. τῷ δὲ τὴν κατὰ τοῦ Μαιλίου μήνυσιν ἀποδόντι Μηνυκίῳ στάσιν ἀνδριάν‐ τοσ ἐψηφίσατο ἡ βουλή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 12, chapter 4

(디오니시오스, Antiquitates Romanae, Books X-XX, book 12, chapter 4)

상위

목록

SEARCH

MENU NAVIGATION