헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 12, chapter 2)

ὡσ δ’ ἐμηνύθη τῇ βουλῇ, δικτάτορα προχειρίζονται, ὁ δὲ τὸν ἱππάρχην ἐκέλευσεν ἔχοντι τοὺσ ἱππεῖσ ἥκειν ὡσ αὐτὸν περὶ μέσασ νύκτασ, τοῖσ δὲ βουλευταῖσ εἰσ τὸ Καπιτώλιον ἑώθεν ἔτι συλλέγεσθαι, τῷ δὲ Μηνυκίῳ τόν τε μηνυτὴν ἄγοντι καὶ τὰσ ἄλλασ ἀποδείξεισ κομίζοντι πρὸσ τὸ βῆμα παρεῖναι, ἅπασι δὲ φυλάττειν ἀπόρρητα πρὸσ τοὺσ ἔξω τοῦ συνεδρίου τὰ βουλεύματα· μίαν εἶναι λέγων ἀσφάλειαν, εἰ μηδὲν ὁ Μαίλιοσ ἀκούσειε τῶν περὶ αὐτοῦ λεγομένων τε καὶ πραττομένων. διατάξασ δὲ τἆλλα ὅσων ἐδεῖτο, μέχρι δύσεωσ ἡλίου πάντασ ἐν τῷ βουλευτηρίῳ κατασχὼν σκότουσ ὄντοσ ἤδη διέλυσε τὸν σύλλογον·

ὡσ δὲ μέση νὺξ ἐγένετο, προελθὼν ἐκ τῆσ οἰκίασ . . . ἐξῄει περὶ τὸν ὄρθρον τοὺσ ἐπιλέκτουσ ἀμφοτέρων τῶν ὑπάτων ἐπαγόμενοσ καὶ αὐτοὺσ τοὺσ ὑπάτουσ. οὗτοι μὲν οὖν τὸ Καπιτώλιον ἅμα τοῖσ βουλευταῖσ ἑώθεν κατειληφότεσ ἐφρούρουν·

ὁ δὲ Μαίλιοσ οὐδὲν ἀκηκοὼσ τούτων ἡμέρασ γενομένησ προελθὼν εἰσ τὴν ἀγορὰν ἐχρημάτιζε τοῖσ δεομένοισ ἐπὶ τοῦ βήματοσ καθεζόμενοσ· καὶ μετ’ οὐ πολὺ παρῆν ὁ ἵππαρχοσ Σερουίλιοσ πρὸσ αὐτὸν ἄγων τοὺσ ἀκμαιοτάτουσ τῶν ἱππέων ἔχοντασ ὑπὸ τοῖσ ἱματίοισ ξίφη καὶ στὰσ πλησίον αὐτοῦ λέγει· ὁ δικτάτωρ σε κελεύει, Μαίλιε, πρὸσ αὐτὸν ἥκειν·

κἀκεῖνοσ ὑποτυχών, ποῖοσ, ἔφη, κελεύει με, Σερουίλιε, δικτάτωρ πρὸσ αὐτὸν ἐλθεῖν, ὁ ποῦ καὶ πότε γενόμενοσ; καὶ ἅμα διαταραχθεὶσ περιέβλεψεν εἰσ τοὺσ περὶ τὸ βῆμα. ἀφασίασ δὲ ἅπαντασ κατασχούσησ διὰ τὸ μηδένα γιγνώσκειν τὰ πραχθέντα ὑπὸ τῆσ βουλῆσ λέγει πάλιν ὁ Σερουίλιοσ· εἰσηγγέλθησ χθὲσ εἰσ τὴν βουλήν, ὦ Μαίλιε, νεωτέροισ ἐπιχειρεῖν πράγμασιν, ἴσωσ οὐκ ἀληθῶσ· οὐδενὸσ γὰρ ἄξιον ἀπὸ τῆσ αἰτίασ προκαταγιγνώσκειν. ταύτην ἐξετάσαι τὴν μήνυσιν ἡ βουλὴ προελομένη δικτάτοροσ ἔφησε δεῖν τοῖσ πράγμασιν, ὡσ οὐ τὸν ἐλάχιστον τῶν κινδύνων τρέχουσα, καὶ ἀπέδειξε τῆσ ἐξουσίασ ταύτησ κύριον Λεύκιον Κοίντιον Κικιννᾶτον, ὃν οἶσθα δήπου καὶ σὺ κράτιστον ὄντα τῶν πατρικίων καὶ δὶσ ἤδη ταύτην ἀνεπιλήπτωσ τετελεκότα τὴν ἀρχήν.

οὗτοσ ὁ ἀνὴρ δικαστήριόν σοι καθίσαι καὶ λόγον ἀποδοῦναι βουλόμενοσ ἀπέσταλκεν ἡμᾶσ, ἐμὲ τὸν ἵππαρχον ἅμα τοῖσδε τοῖσ ἀνδράσιν, ἄξοντασ σε ἀσφαλῶσ ἐπὶ τὴν ἀπολογίαν.

εἰ δὲ μηδὲν ἀδικεῖν πέποιθασ, ἴθι καὶ λέγε τὰ δίκαια περὶ σαυτοῦ πρὸσ ἄνδρα φιλόπολιν, ὃσ οὔτε διὰ τὸν κοινὸν φθόνον οὔτε δι’ ἄλλην ἄδικον πρόφασιν οὐδεμίαν ἐκποδὼν ποιῆσαί σε βουλήσεται. ὁ δ’ ὡσ ἤκουσεν, ἀναπηδᾷ τε καὶ με‐ γάλα ἀναβοήσασ, ἄνδρεσ, ἔφη, δημοτικοί, βοηθεῖτέ μοι συναρπαζομένῳ διὰ τὴν πρὸσ ὑμᾶσ εὔνοιαν ὑπὸ τῶν δυνατῶν·

οὐ γὰρ ἐπὶ δίκην πρὸσ αὐ‐ τῶν, ἀλλ’ ἐπὶ θάνατον καλοῦμαι. βοῆσ δὲ γενομένησ καὶ θορύβου πολλοῦ περὶ τὸ βῆμα συγγνούσ, ὅτι πλεί‐ ουσ εἰσὶ τῶν βοηθούντων οἱ συλλαμβάνειν μέλλον‐ τεσ αὐτόν, καὶ οὐ μακρὰν ἑτέρουσ ὑποκαθῆσθαι ἐν ὅπλοισ, καταπηδᾷ ταχέωσ ἀπὸ τοῦ βήματοσ καὶ διὰ τῆσ ἀγορᾶσ ἐχώρει δρόμῳ σπεύδων εἰσ τὴν οἰκίαν κατα‐ φυγεῖν. καταλαμβανόμενοσ δ’ ὑπὸ τῶν ἱππέων εἰσ ἐργαστήριον εἰστρέχει μαγειρικὸν καὶ κοπίδα τῶν κρεοκόπων ἁρπάσασ παίει τὸν πρῶτον αὐτῷ προσ‐ ελθόντα. ἔπειτα πολλῶν ἐπιπεσόντων ἀθρόων ἀμυνό‐ μενοσ καὶ βραχὺν ἀντισχὼν χρόνον ἀπεκόπη ὑπό τινοσ τὸν βραχίονα καὶ πίπτει καὶ κατακοπεὶσ ὥσπερ θηρίον ἀποθνήσκει.

Μαίλιοσ μὲν δὴ μεγάλων ὀρεχθεὶσ πραγ‐ μάτων καὶ μικροῦ πάνυ δεήσασ τὴν Ῥωμαίων ἡγε‐ μονίαν κατασχεῖν οὕτωσ ἀζήλου καὶ πικρᾶσ κατα‐ στροφῆσ ἔτυχεν.

ἐξενεχθέντοσ δ’ εἰσ τὴν ἀγορὰν τοῦ νεκροῦ καὶ γενηθέντοσ πᾶσι φανεροῦ δρόμοσ ἦν καὶ βοὴ καὶ θόρυβοσ ἁπάντων τῶν κατὰ τὴν ἀγορὰν τῶν μὲν οἰκτειρόντων, τῶν δὲ ἀγανακτούντων, τῶν δὲ ὁμόσε τοῖσ δεδρακόσι χωρεῖν ἐσπουδακότων. τοιαύτησ δὲ ταραχῆσ γενομένησ μαθὼν ὁ δικτάτωρ, ὅτι διαπέ‐ πρακται τοῖσ ἱππεῦσι τὸ προσταχθὲν ἔργον, κατέβαινεν ἀπὸ τῆσ ἄκρασ εἰσ τὴν ἀγορὰν τούσ τε βουλευτὰσ ἐπαγόμενοσ ἅπαντασ καὶ τοὺσ ἱππεῖσ περὶ ἑαυτὸν ἔχων γυμνὰ φαίνοντασ ξίφη·

καὶ δημηγορήσασ ἐπ’ ἐκκλησίασ ἀπέλυσε τὸν ὄχλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 12, chapter 2

(디오니시오스, Antiquitates Romanae, Books X-XX, book 12, chapter 2)

상위

목록

SEARCH

MENU NAVIGATION