헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 12, chapter 1)

ὅτι λιμοῦ κατὰ τὴν Ῥώμην γενομένου ἰσχυροῦ ἀνήρ τισ οἴκου τε οὐκ ἀφανοῦσ καὶ χρήμασιν ἐν τοῖσ μάλιστα δυνατόσ, Σπόριοσ Μαίλιοσ Εὐδαίμων ἐπίκλησιν ἐπὶ τῆσ πολλῆσ εὐπορίασ νεωστὶ μὲν παρειληφὼσ τὸν οἶκον τοῦ πατρόσ, ἡλικίαν δὲ καὶ τάξιν ἔχων ἱππικήν, οἱᾶ μήτε ἀρχὰσ παραλαμβάνειν μήτε ἄλλην κοινὴν ἐπιμέλειαν μηδεμίαν, λαμπρὸσ εἰ καί τισ ἄλλοσ τὰ πολέμια καὶ πολλοῖσ κεκοσμημένοσ ἀριστείοισ, κράτιστον ὑπολαβὼν καιρὸν ἐπιθέσει τυραννίδοσ, ἐπὶ δημαγωγίαν τοῦ πλήθουσ ἐτράπετο, τὴν ῥᾳστώνην τῶν ἐπὶ τυραννίδα φερουσῶν ὁδῶν. ἔχων δὲ πολλοὺσ ἑταίρουσ καὶ πελάτασ ἄλλουσ ἄλλῃ διέπεμψε χρήματα δοὺσ ἐκ τῶν ἰδίων εἰσ συναγυρμοὺσ τροφῆσ καὶ αὐτὸσ εἰσ Τυρρηνίαν ᾤχετο.

ἐν βραχεῖ δὲ χρόνῳ δι’ ἑαυτοῦ τε καὶ τῶν ἑταίρων πολλὴν κατακομίσασ ἀγορὰν διεμέτρει τοῖσ πολίταισ, ἀντὶ δώδεκα δραχμῶν διδράχμου ἀπομετρῶν τὸν μόδιον· ὅσουσ δὲ αἴσθοιτο παντάπασιν ἀδυνάτουσ καὶ μηδ’ ὑπὲρ τῆσ ἐφημέρου τροφῆσ ἔχοντασ προέσθαι τὸ διάφορον ἄνευ τιμῆσ χαριζόμενοσ. ταύτῃ τῇ φιλανθρωπίᾳ τὸν δῆμον ἀναλαβὼν καὶ θαυμαστὴν ὅσην δόξαν ἀπενεγκάμενοσ ᾤχετο πάλιν ἐμπορευσόμενοσ ἑτέρασ ἀγοράσ·

καὶ παρῆν οὐ διὰ μακροῦ ποταμηγοὺσ ἄγων σκάφασ πολλὰσ πάνυ μεστὰσ τροφῆσ καὶ τὸν αὐτὸν τρόπον τοῖσ πολίταισ ἐμέτρει. οἱ δὲ πατρίκιοι ταῦτα πράττοντα ὁρῶντεσ αὐτὸν δἰ ὑποψίασ τε ἐλάμβανον τῆσ ἄγαν φιλοτιμίασ τοῦ ἀνδρὸσ οὐδὲν ἀγαθὸν ἀπολαύσειν οἰόμενοι καὶ συνιστάμενοι κατὰ τὴν ἀγορὰν ἐσκόπουν, ὅντινα χρὴ τρόπον εὐπρεπέστερον ἄνευ κινδύνου παῦσαι τούτων αὐτὸν τῶν πολιτευμάτων·

κρύφα μὲν τὸ πρῶτον καὶ κατ’ ὀλίγουσ συνιόντεσ καὶ διαλεγόμενοι πρὸσ ἀλλήλουσ, ἔπειτα καὶ ἐκ τοῦ φανεροῦ καταβοῶντεσ, ἐπειδὴ βαρύσ τε καὶ ἀφόρητοσ ἦν ἔργα τε πράττων ὑπερηφανίασ μεστὰ καὶ λόγουσ διεξιὼν αὐθάδεισ ὑπὲρ ἑαυτοῦ· ὅσ γε πρῶτον μὲν καθεζόμενοσ ἐπὶ βήματοσ περιφανοῦσ, ὥσπερ ἔθοσ ἦν τοῖσ τὰσ ἀρχὰσ ἔχουσιν, ἐχρημάτιζε τοῖσ προσιοῦσι δἰ ἡμέρασ περὶ τὴν σιτοδοσίαν, ἐκβαλὼν τῆσ τιμῆσ ταύτησ τὸν ἀποδειχθέντα ἔπαρχον ὑπὸ τῆσ βουλῆσ·

ἔπειτα συνεχεῖσ ποιούμενοσ ἐκκλησίασ οὐκ ὂν ἐν ἔθει Ῥωμαίοισ ἰδιώτην ἐκκλησίαν συνάγειν πολλὰ μὲν τοῦ Μηνυκίου κατηγόρει πρὸσ τὸν δῆμον, ὡσ ὄνομα φέροντοσ ἀρχῆσ μόνον, ἔργον δὲ οὐδὲν ἀποδειξαμένου τοῖσ πένησιν ὠφέλιμον, πολλὰ δὲ τοὺσ πατρικίουσ διέβαλλε πρὸσ τὸν δῆμον, ὡσ ταῦτα πράττοντασ ἐξ ὧν ὀλίγου τε καὶ οὐδενὸσ ἄξιοσ ὁ δῆμοσ ἔσται καὶ οὐδ’ ἐπὶ σιτοδείᾳ φροντίδα τῶν ἀπόρων ἔχοντασ οὐδεμίαν, οὔτε κοινῇ πάντασ οὔτε ἰδίᾳ τοὺσ δυνατούσ, παντὸσ μάλιστα δέον αὐτοὺσ χρήμασί τε καὶ σώμασιν ὥσπερ αὐτὸσ δὴ κακοπαθεῖν καὶ πάντοθεν ἐπεισάγειν τῇ πόλει τὰσ ἀγοράσ.

ἠξίου τε πρὸσ τὰ τῶν ἄλλων ἔργα πατρικίων τὰ ὑφ’ ἑαυτοῦ πραττόμενα ἐξετάζειν, ὡσ πολὺ καὶ τὸ πᾶν ἀλλήλων διαφέροντα.

ἐκείνουσ μὲν γὰρ οὐδὲν ἐκ τῶν ἰδίων εἰσ τὸ κοινὸν ἀναλίσκοντασ ἔτι καὶ τὴν δημοσίαν γῆν σφετερισαμένουσ πολὺν ἤδη καρποῦσθαι χρόνον, ἑαυτὸν δὲ τῶν δημοσίων οὐδὲν ἔχοντα ἔτι καὶ τὴν πατρῴαν καταχορηγεῖν οὐσίαν εἰσ βοήθειαν τῶν ἀπόρων καί, ἐπειδὰν τὰ ὄντα καταναλώσῃ, δανείσματα ποιεῖσθαι παρὰ φίλων οὐθὲν ἀντικαταλλαττόμενον τῆσ τοιαύτησ φιλοτιμίασ ὅτι μὴ τὴν πολιτικὴν εὔνοιαν, ἧσ οὐδὲ τὸν ἐξ ἀνθρώπων πλοῦτον ἡγεῖσθαι τιμιώτερον. οἱ δὲ περὶ αὐτὸν συνεστῶτεσ ἀεὶ σωτῆρα καὶ πατέρα καὶ κτίστην ἀπεκάλουν τῆσ πατρίδοσ καὶ τὴν μὲν ὑπατικὴν ἐξουσίαν ἐλάττονα χάριν ἢ κατὰ τὸ μέγεθοσ τῶν ἔργων αὐτοῦ γενήσεσθαι δοθεῖσαν ἀπέφαινον, ἄλλῃ δέ τινι μείζονι καὶ λαμπροτέρᾳ τιμῇ κοσμεῖν ἠξίουν αὐτόν, ἣν καὶ γένοσ ἕξει τὸ ἐξ ἐκείνου.

ὡσ δὲ καὶ τὴν τρίτην ἔξοδον ποιησάμενοσ ἐπὶ τὰ παραθαλάττια τῆσ Ἰταλίασ ἔκ τε Κύμησ καὶ τῶν περὶ Μισηνὸν λιμένων σιτηγοὺσ ὁλκάδασ ἄγων πολλὰσ κατέπλευσεν εἰσ Ὠστίαν, ὃ τῆσ Ῥώμησ ἐστὶν ἐπίνειον, καὶ % κατέπαυσε ταῖσ τροφαῖσ τὴν πόλιν, ὡσ μηδὲν ἔτι τῆσ ἀρχαίασ εὐετηρίασ διαφέρειν, ἅπασ ὁ δῆμοσ ἕτοιμοσ ἦν, εἰ γένοιτο τῆσ ψήφου κύριοσ ἐν ἀρχαιρεσίαισ, εἴτε ὑπατείαν εἴτε ἄλλην τινὰ τιμὴν μετίοι, μηδενὸσ ἐπιτρέποντοσ μήτε νόμου κωλύοντοσ μήτ’ ἀνδρὸσ ἐναντιουμένου χαρίζεσθαι.

ταῦτα ὁρῶντεσ οἱ προεστηκότεσ τῆσ ἀριστοκρατίασ καὶ οὔτε ἐπιτρέπειν ἀξιοῦντεσ οὔτε κωλύειν δύναμιν ἔχοντεσ ἐν πολλῇ πάντεσ ἦσαν ἀθυμίᾳ·

καὶ ἔτι μᾶλλον διεταράχθησαν, ἐπειδὴ κωλυόντων ἐκκλησίασ συνάγειν αὐτὸν καὶ δημηγορεῖν τῶν τε δημάρχων καὶ ὑπάτων, συστραφεὶσ ὁ δῆμοσ ἐκείνουσ μὲν ἐξέβαλεν ἐκ τῆσ ἀγορᾶσ, τῷ δὲ Μαιλίῳ πολλὴν ἄδειαν καὶ ῥώμην παρέσχεν. ἐν τοιαύτῃ δὴ καταστάσει τῆσ πόλεωσ ὑπαρχούσησ ὁ τῆσ ἀγορᾶσ ἀποδειχθεὶσ ἔπαρχοσ, ἀχθόμενοσ μὲν ἐπὶ τοῖσ προπηλακισμοῖσ τῶν λόγων, οἷσ αὐτὸν ὑβρίζων ὁ Μαίλιοσ ἐν ταῖσ ἐκκλησίαισ διετέλει, δεδοικὼσ δὲ τὸν ἄνδρα μάλιστα τῶν ἄλλων, εἴ τινοσ ἐπιλάβοιτο ἀρχῆσ, μὴ πρότερον τῆσ ἀριστοκρατίασ αὑτὸν ποιήσηται ἢ τὸν δῆμον ἐξερεθίσασ πρὸσ αὐτὸν % ποιήσηται διὰ τῶν ἐκ τῆσ ἑταιρείασ ἐπιβουλήν τινα κατ’ αὐτοῦ μηχανησάμενοσ, ἀγανακτῶν τε δι’ ἀμφότερα ταῦτα καὶ ἀπηλλάχθαι προθυμούμενοσ ἐκείνου μείζονα ἢ κατ’ ἰδιώτην ἐσχὺν ἔχοντοσ, ἐπιμελῆ ζήτησιν ἐποιεῖτο τῶν ὑπ’ αὐτοῦ λεγομένων τε καὶ πραττομένων.

πολλῶν δὲ ὄντων, οἷσ ὁ ἀνὴρ συνεργοῖσ ἐχρῆτο τῶν ἀπορρήτων, καὶ οὔτε τὰσ φύσεισ ὁμοίων οὔτε τὰσ γνώμασ παραπλησίων ἔμελλέ τισ ὅπερ εἰκὸσ οὐ βέβαιοσ αὐτῷ ἔσεσθαι φίλοσ, ἢ διὰ φόβον ἢ διὰ κέρδοσ ἴδιον·

ᾧ τὰ πιστὰ δοὺσ ὁ Μηνύκιοσ ὑπὲρ τοῦ μηδενὶ φράσειν ὅστισ ἦν, ἅπασαν ἔγνω τήν τε διάνοιαν τοῦ Μαιλίου καὶ τὴν παρασκευήν. ὡσ δὲ καὶ τεκμήριον ἔλαβεν ἀναμφίλεκτον καὶ τὴν πρᾶξιν ἐν χερσὶν οὖσαν ἔγνω, λέγει πρὸσ τοὺσ ὑπάτουσ·

ἐκεῖνοι δ’ οὐκ ἀξιοῦντεσ ἐφ’ ἑαυτοῖσ ποιῆσαι μόνοισ ἐπιχειρήσεωσ τηλικαύτησ ἐξέτασιν εἰσ τὴν βουλὴν ᾤοντο δεῖν τὸ πρᾶγμα εἰσφέρειν, καὶ συνεκάλουν τὸ συνέδριον εὐθὺσ ὡσ περὶ πολέμου δή τινοσ ὑπερορίου βουλευσόμενοι. πληρωθέντοσ δὲ τοῦ συνεδρίου διὰ ταχέων παρελθὼν ἅτεροσ αὐτῶν ἔλεξεν, ὅτι πρᾶξισ αὐτοῖσ μεμήνυται συσκευαζομένη κατὰ τῆσ πόλεωσ πολλῆσ πάνυ καὶ ταχείασ φυλακῆσ δεομένη διὰ τὸ τοῦ κινδύνου μέγεθοσ·

ταύτησ δ’ ἔφη μηνυτὴν οὐ τῶν ἐπιτυχόντων εἶναί τινα πολιτῶν, ἀλλ’ ὃν αὐτοὶ δι’ ἀρετὴν ἐπὶ τῆσ μεγίστησ τε καὶ ἀναγκαιοτάτησ τῷ κοινῷ χρείασ ἔταξαν, δοκιμάσαντεσ αὐτοῦ τήν τε πίστιν καὶ τὴν πρὸσ τὰ κοινὰ φιλοτιμίαν ἐκ τῶν παρὰ πάντα τὸν βίον ἐπιτηδευομένων. μετεώρου δὴ τῆσ βουλῆσ ἐπὶ τῇ προσδοκίᾳ γενομένησ ἐκάλει τὸν Μηνύκιον, κἀκεῖνοσ ἔλεξεν· . εσξ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 12, chapter 1

(디오니시오스, Antiquitates Romanae, Books X-XX, book 12, chapter 1)

상위

목록

SEARCH

MENU NAVIGATION