Dionysius of Halicarnassus, Antiquitates Romanae, Books X-XX, book 20, chapter 16 4:

κυρωθέντοσ δὲ τοῦ περὶ τῆσ τιμωρίασ δόγματοσ πάτταλοί τε κατεπάγησαν ἐν τῇ ἀγορᾷ, καὶ παραγόμενοι κατὰ τριακοσίουσ ἄνδρασ, περιηγμένοι τοὺσ ἀγκῶνασ ὀπίσω προσεδοῦντο τοῖσ παττάλοισ γυμνοί· ἔπειτα μάστιξιν αἰκισθέντεσ ἁπάντων ὁρώντων ἀπεκόπτοντο τῷ πελέκει τοὺσ ὑπὸ ταῖσ κεφαλαῖσ νωτιαίουσ τένοντασ· καὶ μετὰ τούτουσ ἕτεροι τριακόσιοι, καὶ αὖθισ ἄλλοι τοσοῦτοι διεφθάρησαν, οἱ σύμπαντεσ τετρακισχίλιοι καὶ πεντακόσιοι. καὶ οὐδὲ ταφῆσ ἔτυχον, ἀλλ’ ἑλκυσθέντεσ ἐκ τῆσ ἀγορᾶσ εἰσ ἀναπεπταμένον τι πρὸ τῆσ πόλεωσ χωρίον ὑπὸ οἰωνῶν καὶ κυνῶν διεφορήθησαν.