헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 20, chapter 16)

ἐγένετο δευτέρα ἐπανάστασισ ἐν τῇ πόλει τῶν Ῥηγίνων ὑπὸ τῆσ καταλειφθείσησ αὐτόθι Ῥωμαικῆσ καὶ συμμαχικῆσ φρουρᾶσ, καὶ δι’ αὐτὴν σφαγαί τε πολλῶν ἀνθρώπων καὶ φυγαί. τούτουσ τιμωρησόμενοσ τοὺσ ἀποστάντασ ἅτεροσ τῶν ὑπάτων Γάιοσ Γενύκιοσ ἐξήγαγε τὴν στρατιάν· γενόμενοσ δὲ τῆσ πόλεωσ ἐγκρατὴσ Ῥηγίνων μὲν τοῖσ φυγάσι ἀπέδωκε τὰ ἑαυτῶν ἔχειν, τοὺσ δὲ ἐπιθεμένουσ τῇ πόλει συλλαβὼν δεσμίουσ εἰσ Ῥώμην ἀπήγαγεν· ἐφ’ οἷσ οὕτωσ ὠργίσθη καὶ ἠγανάκτησεν ἥ τε βουλὴ καὶ ὁ δῆμοσ, ὥστε μηδεμίαν γνώμην ἐπιεικῆ γενέσθαι περὶ αὐτῶν, ἀλλὰ πάσαισ ταῖσ φυλαῖσ ἁπάντων τῶν ἐν ταῖσ αἰτίαισ τὸν ἐπὶ τοῖσ κακουργοῖσ τεταγμένον ὑπὸ τῶν νόμων καταψηφισθῆναι θάνατον. κυρωθέντοσ δὲ τοῦ περὶ τῆσ τιμωρίασ δόγματοσ πάτταλοί τε κατεπάγησαν ἐν τῇ ἀγορᾷ, καὶ παραγόμενοι κατὰ τριακοσίουσ ἄνδρασ, περιηγμένοι τοὺσ ἀγκῶνασ ὀπίσω προσεδοῦντο τοῖσ παττάλοισ γυμνοί·

ἔπειτα μάστιξιν αἰκισθέντεσ ἁπάντων ὁρώντων ἀπεκόπτοντο τῷ πελέκει τοὺσ ὑπὸ ταῖσ κεφαλαῖσ νωτιαίουσ τένοντασ· καὶ μετὰ τούτουσ ἕτεροι τριακόσιοι, καὶ αὖθισ ἄλλοι τοσοῦτοι διεφθάρησαν, οἱ σύμπαντεσ τετρακισχίλιοι καὶ πεντακόσιοι. καὶ οὐδὲ ταφῆσ ἔτυχον, ἀλλ’ ἑλκυσθέντεσ ἐκ τῆσ ἀγορᾶσ εἰσ ἀναπεπταμένον τι πρὸ τῆσ πόλεωσ χωρίον ὑπὸ οἰωνῶν καὶ κυνῶν διεφορήθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 20, chapter 16

(디오니시오스, Antiquitates Romanae, Books X-XX, book 20, chapter 16)

상위

목록

SEARCH

MENU NAVIGATION