Dionysius of Halicarnassus, Antiquitates Romanae, Books X-XX, book 20, chapter 15 2:

οἱ Βρέττιοι ἑκόντεσ ὑποταγέντεσ Ῥωμαίοισ τὴν ἡμίσειαν τῆσ ὀρεινῆσ παρέδωκαν αὐτοῖσ, ἣ καλεῖται μὲν Σίλα, μεστὴ δ’ ἐστὶν ὕλησ εἰσ οἰκοδομάσ τε καὶ ναυπηγίασ καὶ πᾶσαν ἄλλην κατασκευὴν εὐθέτου· πολλὴ μὲν γὰρ ἐλάτη πέφυκεν οὐρανομήκησ ἐν αὐτῇ, πολλὴ δὲ αἴγειροσ, πολλὴ δὲ πίειρα πεύκη ὀξύη τε καὶ πίτυσ καὶ φηγὸσ ἀμφιλαφὴσ καὶ μελίαι ταῖσ διαρρεούσαισ λιβάσι πιαινόμεναι, καὶ πᾶσα ἄλλη βαθεῖα συνυφαινομένη τοῖσ κλάδοισ ὕλη σκιερὸν ἀποτελοῦσα δἰ ὅλησ ἡμέρασ τὸ ὄροσ.