헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 20, chapter 9)

τίσ γὰρ ἑκουσίωσ ἄρχεται τῶν κρειττόνων ὑπὸ τοῦ χείρονοσ; πολλὴ δὴ μωρία καὶ κακότησ, ἃ δι’ ἀνάγκην φαίητ’ ἂν ὑμεῖσ ὑπομένειν, ταῦτα ἡμᾶσ ἑκόντασ δέχεσθαι. ὅτι ἀμηχανοῦντα τὸν Πύρρον καὶ πόρουσ παντοδαποὺσ ἐπιζητοῦντα ὁρῶντεσ οἱ κάκιστοι καὶ ἀνοσιώτατοι τῶν φίλων, Εὐήγοροσ Θεοδώρου καὶ Βάλακροσ Νικάνδρου καὶ Δείναρχοσ Νικίου, τῶν ἀθέων καὶ ἐξαγίστων δογμάτων ζηλωταί, πόρον ὑποτίθενται χρημάτων ἀνοσίων, τοὺσ ἱεροὺσ ἀνοῖξαι τῆσ Περσεφόνησ θησαυρούσ.

ἦν γὰρ ἱερὸν ἐν τῇ πόλει ταύτῃ ἅγιον καὶ πολὺν χρυσὸν ἐκ παντὸσ τοῦ χρόνου πεφυλαγμένον ἄθικτον ἔχον, ἐν ᾧ χρυσόσ τισ ἄβυσσοσ, ἀόρατοσ τοῖσ πολλοῖσ κατὰ γῆσ κείμενοσ.

ὑπὸ τούτων ἐξαπατηθεὶσ τῶν κολάκων καὶ διὰ τὴν ἀνάγκην κρείττονα παντόσ, τοῖσ εἰσηγησαμένοισ τὴν γνώμην ἀνδράσι διακόνοισ τῆσ ἱεροσυλίασ ἐχρήσατο, καὶ τὸν ἐξελαθέντα χρυσὸν ἐκ τοῦ ἱεροῦ ναυσὶν ἐνθέμενοσ μετὰ τῶν ἄλλων χρημάτων ἀπέστειλεν εἰσ Τάραντα πολλῆσ μεστὸσ εὐθυμίασ γενόμενοσ.

ετ συιδασ σ. ϝ. Πύρροσ. ἡ δὲ δικαία πρόνοια τὴν αὑτῆσ δύναμιν ἀπεδείξατο.

ὡσ γὰρ ἀνήχθησαν αἱ νῆεσ ἀπὸ τοῦ λιμένοσ, τὴν μὲν ἀπόγειον αὖραν λαβοῦσαι προέκοψαν· ἄνεμοσ δ’ ἐναντίοσ γενόμενοσ καὶ δι’ ὅλησ νυκτὸσ κατασχὼν ἃσ μὲν κατέκλυσεν, ἃσ δ’ εἰσ τὸν τῆσ Σικελίασ πορθμὸν ἐξέβαλεν, ἐν αἷσ δὲ παρεκομίζετο τὰ ἀναθήματα καὶ ὁ προσενεχθεὶσ ἐκ τῶν ἀναθημάτων χρυσὸσ ἐπὶ τοὺσ Λοκροὺσ ἐξώκειλεν αἰγιαλούσ· καὶ τοὺσ μὲν πλέοντασ ἐν αὐταῖσ ἐν τῇ παλιρροίᾳ τῶν κυμάτων κατακλυζομένουσ διέφθειρε, τὰ δ’ ἱερὰ χρήματα διασπασθεισῶν τῶν νεῶν ἐπὶ τὰσ ἔγγιστα τῶν Λοκρῶν θῖνασ ἐξέβρασεν. ὁ δὲ βασιλεὺσ καταπλαγεὶσ ἅπαντα τὸν κόσμον καὶ τοὺσ θησαυροὺσ ἀπέδωκε τῇ θεῷ ὡσ παραιτησόμενοσ αὐτῆσ διὰ τοῦτο τὸν χόλον·

νήπιοσ, οὐδὲ τὸ ᾔδει, ὃ οὐ πείσεσθαι ἔμελλεν.

οὐ γάρ τ’ αἶψα θεῶν τρέπεται νόοσ αἰὲν ἐόντων, ὡσ Ὁμήρῳ εἴρηται. ἀλλ’ ἐπειδὴ τῶν ἱερῶν ἐτόλμησεν ἅψασθαι χρημάτων καὶ πόρον ὑποθέσθαι πολέμων, ἀνόνητον ἐποίησε τὴν ἔννοιαν αὐτοῦ τὸ δαιμόνιον, ἵνα παράδειγμα καὶ παίδευμα πᾶσιν ἀνθρώποισ γένοιτο τοῖσ μεθ’ ἑαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 20, chapter 9

(디오니시오스, Antiquitates Romanae, Books X-XX, book 20, chapter 9)

상위

목록

SEARCH

MENU NAVIGATION