헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 20, chapter 5)

ὑπὲρ ἁπάσασ δὲ τὰσ ἄλλασ ἀποικίασ, αἷσ μέχρι τοῦ παρόντοσ οὐδὲν ἐγκαλοῦμεν, τῆσ ὑμετέρασ οἰόμεθα δεῖν πόλεωσ ἄρχειν οὐ πρὸ πολλοῦ τὴν ἀποικίαν εἰσ αὐτὴν ἀπεσταλκότεσ, ὥστε ἐξίτηλον εἶναι ἤδη τὸ ἀφ’ ἡμῶν γένοσ ὑπὸ χρόνου παλαιωθέν, ἀλλὰ τῇ τρίτῃ πρὸ ταύτησ γενεᾷ. ἐὰν δὲ ἀναστρέψασα τὰσ ἀνθρωπίνασ δικαιώσεισ ἡ φύσισ τὰ νέα τάξῃ τῶν πρεσβυτέρων ἄρχειν καὶ τὰ ἔκγονα τῶν προγόνων, τότε καὶ ἡμεῖσ ἀνεξόμεθα τὴν μητρόπολιν ὑπὸ τῆσ ἀποικίασ ἀρχομένην, πρότερον δὲ οὔ. ἡ δὲ βουλὴ μαθοῦσα τὰ περὶ τοὺσ Ῥηγίνουσ πάθη παρὰ τῶν διαφυγόντων τὸν ὄλεθρον οὐδὲ τὸν ἐλάχιστον ἀναμείνασα χρόνον ἀποστέλλει στρατιὰν νεοσύλλεκτον ἄγοντα ἑτέραν τὸν κατὰ πόλιν στρατηγόν.

φθάσασα δὲ τὴν Ῥωμαίων ἄφιξιν ἡ τοῦ δαιμονίου πρόνοια τὸν ἡγεμόνα τῆσ φρουρᾶσ Δέκιον ἀντὶ τῶν ἀνοσίων βουλευμάτων εἰσ τὰ κυριώτατα τοῦ ζῆν ἐτιμωρήσατο μέρη, νόσον εἰσ τοὺσ ὀφθαλμοὺσ ἐμβαλοῦσα δεινὰσ περιωδυνίασ φέρουσαν·

ἣν ἰάσασθαι προθυμούμενοσ ἅνθρωποσ ἐκ Μεσσήνησ ἰατρὸν μεταπέμπεται, Δεξικράτην ὄνομα, πυνθανόμενοσ ἄριστον εἶναι τῶν κατὰ τὴν αὐτὴν ἡλικίαν ἰατρῶν, ἀγνοῶν δὲ ὅτι Ῥηγῖνοσ ἦν τὸ γένοσ· ὃσ ἀφικόμενοσ εἰσ τὸ Ῥήγιον ἐναλείφει τοὺσ ὀφθαλμοὺσ αὐτοῦ καυστικῷ φαρμάκῳ καὶ διακελευσάμενοσ ἀνέχεσθαι τὰσ περιωδυνίασ, ἑώσ ἂν ἀφίκηται, καταβὰσ ἐπὶ θάλατταν εἰσ τὸ παρεσκευασμένον πορθμεῖον ἐνέβη καὶ πρὶν αἰσθέσθαι τινὰ τὸ πραχθὲν εἰσ Μεσσήνην ἀπέπλευσεν. Δέκιοσ δὲ μέχρι μέν τινοσ ἐκκαιομένησ τῆσ ὁράσεωσ ἀλγηδόνασ τε δεινὰσ ὑπομένων ἠνείχετο τὸν ἰατρὸν προσδεχόμενοσ, ὡσ δὲ πολὺσ ἐγίγνετο ὁ χρόνοσ καὶ τὰσ περιωδυνίασ ἀδύνατοσ ἦν ἔτι φέρειν, σπογγίσασ τὸ φάρμακον καὶ τοὺσ ὀφθαλμοὺσ ἀνοίξασ ἔγνω τὰσ ὄψεισ ἐκκεκαυμένοσ καὶ τὸν ἐξ ἐκείνου χρόνον διέμεινε τυφλόσ·

ἡμέρασ τε ὀλίγασ ἔτι περιενέγκασ ὑποχείριοσ τοῖσ Ῥωμαίοισ γίγνεται συλληφθεὶσ ὑπὸ τῶν ἰδίων. ταύτην γὰρ οἰόμενοί τινεσ ἀπολογίαν τήν τε πόλιν ἀνέῳξαν τῷ στρατηγῷ καὶ τὸν Δέκιον δήσαντεσ παρέδοσαν Φαβρικίῳ.

ὁ δὲ τὴν μὲν πόλιν ἀποδίδωσι τοῖσ περιοῦσι Ῥηγίνων, τοὺσ δὲ φρουροὺσ ἅπαντα καταλιπεῖν αὐτόθι κελεύσασ ἀπήγαγεν οὐδὲν ἐπιφερομένουσ ἔξω τῶν ὅπλων· ἐξ ὧν τοὺσ κορυφαιοτάτουσ ἄνδρασ ἐπιλεξάμενοσ, οὓσ ἀπέφαινον οἱ λοιποὶ τῶν ἀνοσίων βουλευμάτων εἶναι κοινωνούσ, δεσμίουσ εἰσ Ῥώμην ἤγαγεν·

οὓσ ἐν ἀγορᾷ μάστιξιν αἰκισάμενοι, ὡσ ἦν πάτριον ἐπὶ τοῖσ κακούργοισ κείμενον, ἀπέκτειναν τῷ πελέκει τὰσ κεφαλὰσ ἀποκοπέντασ, ἐκτὸσ Δεκίου καὶ τοῦ γραμματέωσ· οὗτοι δὲ παρακρουσάμενοι τοὺσ φυλάττοντασ ἢ χρήμασιν ὠνησάμενοι τὸ μὴ μεθ’ ὕβρεωσ ἀποθανεῖν ἑαυτοὺσ διεχειρίσαντο. καὶ ταῦτα μὲν ἐπὶ τούτοισ. εσξ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 20, chapter 5

(디오니시오스, Antiquitates Romanae, Books X-XX, book 20, chapter 5)

상위

목록

SEARCH

MENU NAVIGATION