헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 20, chapter 3)

γραφέσθω δὴ καὶ τοῦτο τὸ μέροσ ἐν ταῖσ συνθήκαισ, ει δοκεῖ, καὶ πᾶσα ἀναιρείσθω πολέμου πρόφασισ. ὡσ δὲ συνέβησαν ἐπὶ τούτοισ, περὶ τῆσ μελλούσησ τὴν ἡγεμονίαν παραλήψεσθαι πόλεωσ διεφέροντο, καὶ πολλοὶ ἐλέχθησαν εἰσ τοῦτο λόγοι παρ’ ἀμφοτέρων δικαιοῦντοσ ἑκατέρου τὴν αὑτοῦ πόλιν ἄρχειν τῆσ ἑτέρασ. ὁ μὲν οὖν Ἀλβανὸσ τοιαῦτα προίσχετο δίκαια· βασιλεὺσ δὲ Πύρροσ ὡσ ἔμαθεν, ὅτι Λευκανοὶ καὶ Βρέττιοι καὶ Ταραντῖνοι φεύγουσι προτροπάδην, καὶ λελώβηται τὸ κατ’ ἐκείνουσ μέροσ ἡ φάλαγξ, ἐκ τῆσ καθ’ ἑαυτὸν ἴλησ μέροσ τι παραδοὺσ ἑτέροισ ἡγεμόσι, καὶ ἀπὸ τοῦ δεξιοῦ κέρατοσ ἑτέρουσ ἱππεῖσ, ὅσουσ ὑπέλαβεν ἀρκεῖν, ἀποστέλλει βοηθοὺσ τοῖσ ὑπὸ τῶν Ῥωμαίων διωκομένοισ.

ἐν οἷσ δὲ ταῦτα ἐγίνετο χρόνοισ, παρὰ τοῦ δαιμονίου βοήθεια τοῖσ Ῥωμαίοισ ἔκδηλοσ γίνεται. Δαυνίων γάρ τινεσ ἐκ πόλεωσ Ἀργυρίππων, ἣν νῦν Ἄρπουσ καλοῦσι, πεζοὶ μὲν τετρακισχίλιοι, ἱππεῖσ δὲ ἀμφὶ τοὺσ τετρακοσίουσ, ἐπίκουροι τοῖσ ὑπάτοισ ἀποσταλέντεσ, ὡσ ἐγένοντο πλησίον τοῦ βασιλικοῦ στρατοπέδου τὴν κατὰ νώτου τῶν πολεμίων ἄγουσαν ὁδὸν ἀπὸ ταὐτομάτου πορευόμενοι καὶ τὸ πεδίον εἶδον μεστὸν ἀνθρώπων, ὀλίγον ἐπισχόντεσ αὐτόθι χρόνον καὶ λογισμοὺσ παντοδαποὺσ λαβόντεσ, καταβαίνειν μὲν ἀπὸ τῶν μετεώρων καὶ συλλαμβάνειν τῆσ μάχησ ἀπέγνωσαν, οὔτε ὅπη τι φίλιόν ἐστιν εἰδότεσ οὔτε ὅπη πολέμιον, οὔτ’ ἐν ᾧ χωρίῳ στάντεσ ὠφέλειάν τινα παρέξουσι τοῖσ σφετέροισ δυνάμενοι συλλαβεῖν, κράτιστον δὲ ὑπέλαβον εἶναι περιστάντεσ τὸ στρατόπεδον τῶν πολεμίων ἐξελεῖν, ὡσ αὐτοί τε πολλὰσ καὶ καλὰσ ἕξοντεσ ὠφελείασ, εἰ κρατήσειαν τῶν ἀποσκευῶν, καὶ μεγάλην παρέξοντεσ τοῖσ πολεμίοισ ταραχήν, εἰ θεάσαιντο καιόμενον ἄφνω τὸν χάρακα·

ἀπεῖχε δὲ τὸ χωρίον τῆσ μάχησ οὐ πλέον εἴκοσι σταδίων. ταῦτά τε δὴ βουλευσάμενοι καὶ παρὰ αἰχμαλώτων τινῶν ἀκούσαντεσ, οὓσ ἐπὶ ξυλισμὸν ἐλθόντασ εἰλήφεσαν, ὅτι κομιδῆ τινεσ ὀλίγοι φυλάττουσι τὸν χάρακα, προσέβαλον αὐτοῖσ πανταχόθεν.

ὑπὲρ ὧν ἐπιγνοὺσ ὁ Πύρροσ ἱππέωσ τινὸσ ἀπαγγείλαντοσ, ὃσ ἀρξαμένου πολιορκεῖσθαι τοῦ χάρακοσ διεξελάσασ τὸν ἵππον καὶ τὰ κέντρα προσβαλὼν παρῆν διὰ ταχέων ‐ τὴν μὲν γὰρ ἄλλην δύναμιν ἐν τῷ πεδίῳ κατέχειν ἔγνω καὶ μήτε ἀνακαλεῖν μήτε κινεῖν τὴν φάλαγγα ‐ τοὺσ ἐλέφαντασ καὶ ἀπὸ τῶν ἱππέων τοὺσ εὐτολμοτάτουσ ἐπιλεξάμενοσ ἀποστέλλει βοηθοὺσ τῷ χάρακι. ἔτι δὲ τούτων πορευομένων ἐκπολιορκηθεὶσ % ἄφνω ὁ χάραξ ἀνάπτεται.

καὶ οἱ διαπραξάμενοι τὸ ἔργον, ὡσ ἔμαθον ἀπὸ τῶν μετεώρων ἐπιόντασ σφίσι τοὺσ ὑπὸ τοῦ βασιλέωσ ἀπεσταλμένουσ, εἰσ ὄρουσ τινὸσ κορυφὴν ἔφυγον, ἔνθα οὔτε τοῖσ θηρίοισ ἀνελθεῖν ῥᾴδιον ἦν οὔτε τοῖσ ἵπποισ. οἱ δὲ βασιλικοὶ τοῦ καιροῦ τῆσ βοηθείασ ὑστερήσαντεσ ἐπὶ τοὺσ ἐκ τοῦ τρίτου καὶ τετάρτου τάγματοσ Ῥωμαίουσ ἐτράποντο πολὺ προεληλυθότασ ἀπὸ τῶν ἄλλων, ὅτε τοὺσ κατὰ σφᾶσ πολεμίουσ ἐτρέψαντο.

προιδόντεσ δὲ αὐτῶν οἱ Ῥωμαῖοι τὴν ἔφοδον εἰσ ὑψηλόν τι καὶ λάσιον χωρίον ἀναδραμόντεσ εἰσ τάξιν καθίσταντο. οἱ μὲν οὖν ἐλέφαντεσ οὐ δυνάμενοι πρὸσ τὸν ὄχθον ἀναβαίνειν οὐδὲν αὐτοὺσ ἠδίκουν, οὐδὲ αἱ τῶν ἱππέων ἶλαι, οἱ δὲ τοξόται καὶ σφενδονῆται βάλλοντεσ πανταχόθεν κατετίτρωσκόν τε καὶ διέφθειρον ἐξ αὐτῶν συχνούσ.

αἰσθήσεωσ δὲ γενομένησ τοῖσ ἡγεμόσι τῶν ἐκεῖ πραττομένων Πύρροσ μὲν ἐκ τῆσ ἀσπιστικῆσ φάλαγγοσ Ἀθαμᾶνάσ τε καὶ Ἀκαρνᾶνασ καὶ τῶν Σαυνιτῶν τινασ ἀποστέλλει ὁ δὲ τῶν Ῥωμαίων ὕπατοσ ἴλασ τινὰσ ἱππέων, ἐπειδὴ τοιαύτησ ἔδει τοῖσ πεζοῖσ συμμαχίασ. καὶ κατὰ τὸν αὐτὸν χρόνον ἑτέρα πάλιν ἐκεῖ γίνεται μάχη πεζῶν τε καὶ ἱππέων, καὶ φόνοσ ἔτι πλείων. ἀρξαμένου δὲ τοῦ βασιλέωσ καὶ οἱ τῶν Ῥωμαίων ὕπατοι τοὺσ ἑαυτῶν ἀνεκάλουν περὶ καταφορὰν ὄντοσ τοῦ ἡλίου καὶ διαβιβάσαντεσ τὸν ποταμὸν ἀπῆγον εἰσ τὸν χάρακα συσκοτάζοντοσ ἤδη.

ἡ δὲ τοῦ Πύρρου δύναμισ ἀπολωλεκυῖα σκηνάσ τε καὶ ὑποζύγια καὶ ἀνδράποδα καὶ τὴν ἀποσκευὴν ἅπασαν ἐπὶ μετεώρου τινὸσ χώρου παρενέβαλεν, ἔνθα τὴν ἐπιοῦσαν νύκτα διήγαγεν ὑπαίθριοσ, ἀσκευήσ, ἀθεράπευτοσ, οὐδὲ τῆσ ἀναγκαίασ εὐποροῦσα τροφῆσ, ὥστε καὶ διαφθαρῆναι συχνοὺσ τραυματίασ, οἷσ ἐνῆν ἔτι σώζεσθαι βοηθείασ τε καὶ κηδεμονίασ μεταλαβοῦσιν. τοιούτου τέλουσ ἔτυχεν ἡ δευτέρα μάχη Ῥωμαίοισ πρὸσ Πύρρον περὶ πόλιν Ἄσκλον. ατη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 20, chapter 3

(디오니시오스, Antiquitates Romanae, Books X-XX, book 20, chapter 3)

상위

목록

SEARCH

MENU NAVIGATION