헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 20, chapter 2)

ὡσ δὲ τὰσ ἁπάντων γνώμασ ἔλαβεν, ἐπιστρέψασ αὖθισ εἰσ τὸν σύλλογον ἔλεξεν· ἡμῖν μέν, ὦ Τύλλε, τὴν μὲν πατρίδα καταλιπεῖν οὐ δοκεῖ οὐδ’ ἐξερημοῦν ἱερὰ πατρῷα καὶ προγονικὰσ ἑστίασ καὶ τόπον, ὃν ἐγγὺσ ἐτῶν πεντακοσίων οἱ πατέρεσ ἡμῶν κατέσχον, καὶ ταῦτα μὴ πολέμου κατειληφότοσ ἡμᾶσ μηδ’ ἄλλησ θεοπέμπτου συμφορᾶσ μηδεμιᾶσ· ἓν δὲ καταστήσασθαι βουλευτήριον καὶ μίαν εἶναἰ τὴν ἄρξουσαν τῆσ ἑτέρασ πόλιν οὐκ ἀπαρέσκει. ἐπεὶ δὲ τὰ σημεῖα τῆσ μάχησ ἀνεδείχθη, παιανίσαντεσ οἱ στρατιῶται καὶ τῷ Ἐνυαλίῳ ἀλαλάξαντεσ ἐχώρουν ὁμόσε καὶ συμπεσόντεσ ἐμάχοντο πᾶσαν ἀποδεικνύμενοι τὴν ἐνόπλιον ἐπιστήμην.

οἱ μὲν ἱππεῖσ οἱ παρὰ ἀμφότερα τεταγμένοι τὰ κέρατα προειδότεσ, ἐν οἷσ ἐπλεονέκτουν αὐτοὶ τῶν πολεμίων, εἰσ ταῦτα κατέφευγον, Ῥωμαῖοι μὲν εἰσ τὴν ἐκ χειρὸσ καὶ σταδιαίαν μάχην, τὸ δὲ τῶν Ἑλλήνων ἱππικὸν εἰσ τὰσ περιελάσεισ καὶ τοὺσ ἐξελιγμούσ· καὶ οἱ μὲν ὁπότε διώκοιντο ὑπὸ τῶν Ἑλλήνων, ἐπιστρέψαντεσ τοὺσ ἵππουσ καὶ τοὺσ χαλινοὺσ κατασχόντεσ ἐπεζομάχουν, οἱ δὲ ὁπότε τοὺσ Ῥωμαίουσ μάθοιεν εἰσ ἀντίπαλα καθισταμένουσ, ἐπὶ δόρυ κλίναντεσ καὶ δι’ ἀλλήλων ἐξελίξαντεσ περιεδίνουν τοὺσ ἵππουσ αὖθισ ἐπὶ τὸ μέτωπον καὶ τὰ κέντρα προσβαλόντεσ ἐχώρουν ὁμόσε.

ἡ μὲν οὖν δὴ τῶν ἱππέων μάχη τοιαύτη τισ ἦν, ἡ δὲ τῶν πεζῶν τῇ μὲν ἐμφερὴσ ἐκείνῃ, τῇ δὲ διάφοροσ.

ἐμφερὴσ μὲν κατὰ τὸ σύμπαν, διάφοροσ δὲ κατὰ τὰ μέρη. τὸ μὲν γὰρ δεξιὸν κέρασ ἐπιρρεπέστερον ὑπῆρχεν ἑκατέροισ, τὸ δ’ ἀριστερὸν ὑποδεέστερον. οὐ μέντοι σὺν τῷ ἀσχήμονι τὰ νῶτα τοῖσ πολεμίοισ ἐνέκλιναν οὐδέτεροι, ἀλλὰ σὺν κόσμῳ καὶ παρὰ ταῖσ σημείαισ μένοντεσ ἑκάτεροι καὶ τὴν προβολὴν φυλάττοντεσ κατὰ μικρὸν ὑπεχώρουν ὀπίσω. οἱ δὲ ἀριστεύσαντεσ ἦσαν ἐκ μὲν τῆσ βασιλικῆσ στρατιᾶσ Μακεδόνεσ ‐ οὗτοι γὰρ ἀνέστειλαν τὸ πρῶτον τῶν Ῥωμαίων στρατόπεδον καὶ τοὺσ σὺν αὐτοῖσ ταχθέντασ Λατίνουσ ‐ ἐκ δὲ τῆσ Ῥωμαικῆσ οἱ συνελθόντεσ εἰσ τὸ δεύτερον τάγμα Μολοττοῖσ καὶ Θεσπρωτοῖσ καὶ Χάοσιν ἐναντίοι.

κελεύσαντοσ δὲ τοῦ βασιλέωσ τοὺσ ἐλέφαντασ ἐπὶ τὸ κάμνον τῆσ στρατιᾶσ ἄγειν, μαθόντεσ τὴν ἔφοδον τῶν θηρίων οἱ ταῖσ κεραιοφόροισ ἐπιβεβηκότεσ ἁμάξαισ ἤλαυνον ὁμόσε. οὗτοι τὸ μὲν πρῶτον ἐπέσχον τῆσ ὁρμῆσ τὰ θηρία, παίοντεσ ταῖσ μηχαναῖσ καὶ τὰσ πυρφόρουσ χεῖρασ ἐσ τὰσ ὄψεισ αὐτῶν ἐντρέποντεσ.

ἔπειτα οὐκέτι προσαγόντων τὰ θηρία τῶν ἐφεστηκότων τοῖσ πύργοισ, ἀλλὰ ταῖσ λόγχαισ βαλλόντων ἄνωθεν καὶ τῶν ψιλῶν διακοπτόντων τὰ περικείμενα γέρρα ταῖσ ἁμάξαισ καὶ νευροτομούντων τοὺσ βόασ καταπηδῶντεσ ἀπὸ τῶν ὀχημάτων οἱ πρὸσ ταῖσ μηχαναῖσ κατέφευγον εἰσ τοὺσ ἔγγιστα πεζοὺσ καὶ πολλὴν παρεῖχον αὐτοῖσ ταραχήν. οἱ δὲ ἐν μέσῃ τῇ βασιλικῇ φάλαγγι ταχθέντεσ Λευκανοὶ καὶ Βρέττιοι χρόνον οὐ πολὺν ἀγωνισάμενοι τρέπονται πρὸσ φυγὴν ὑπὸ τοῦ τετάρτου Ῥωμαικοῦ τάγματοσ ἀνασταλέντεσ.

ὡσ δὲ ἅπαξ ἐνέκλιναν οὗτοι, καὶ διερράγη τὸ κατ’ αὐτοὺσ μέροσ τῆσ φάλαγγοσ, οὐδὲ οἱ τὴν πλησίον αὐτῶν λαβόντεσ στάσιν Ταραντῖνοι παρέμενον, ἀλλὰ ἐντρέψαντεσ κἀκεῖνοι τὰ νῶτα τοῖσ πολεμίοισ ἔφευγον. ατη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 20, chapter 2

(디오니시오스, Antiquitates Romanae, Books X-XX, book 20, chapter 2)

상위

목록

SEARCH

MENU NAVIGATION