Dionysius of Halicarnassus, Antiquitates Romanae, Books X-XX, book 20, chapter 1 6:

πολλαῖσ δ’ αὐτῶν χεῖρεσ προσήρτηντο πυρφόροι στυππία πολλῇ πίττῃ λελιπασμένα περὶ αὑτὰσ ἔχουσαι, προεκκείμεναι τῶν ἁμαξῶν, αἷσ ἔμελλον ἑστηκότεσ ἐπ’ αὐτῶν τινεσ, ὅτε πλησίον γένοιντο τῶν θηρίων, πλήσαντεσ πυρὸσ ἐπὶ τὰσ προβοσκίδασ αὐτῶν καὶ τὰ πρόσωπα τὰσ πληγὰσ φέρειν. ἐφεστήκεσαν δὲ ταῖσ ἁμάξαισ τετρακύκλοισ ὑπαρχούσαισ καὶ τῶν ψιλῶν συχνοὶ τοξόται καὶ χερμάται καὶ τριβόλων σιδηρῶν σφενδονῆται καὶ παρ’ αὐτὰσ κάτωθεν ἔτι πλείουσ ἕτεροι.