헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 20, chapter 1)

ταῦτ’ ἀκούσασ ὁ Φουφέττιοσ χρόνον εἰσ βουλὴν ᾐτήσατο, καὶ μεταστὰσ ἐκ τοῦ συλλόγου μετὰ τῶν παρόντων Ἀλβανῶν εἰ χρὴ δέχεσθαι τὰσ αἱρέσεισ ἐσκόπει. συνθέμενοι δὲ διὰ κηρύκων τὸν χρόνον, ἐν ᾧ διαγωνιοῦνται, κατέβαινον ἐκ τῶν στρατοπέδων καὶ εἰσ τάξιν καθίσταντο τοιάνδε·

βασιλεὺσ μὲν Πύρροσ τὴν Μακεδονικὴν φάλαγγα πρώτην ἔταξεν ἐπὶ τοῦ δεξιοῦ κέρατοσ καὶ μετ’ αὐτὴν τοὺσ ἐκ τοῦ Τάραντοσ μισθοφόρουσ Ἰταλιώτασ. ἔπειτα τοὺσ ἐξ Ἀμπρακίασ καὶ μετ’ αὐτοὺσ τὴν Ταραντίνων λεύκασπιν φάλαγγα, ἑξῆσ δὲ τὸ Βρεττίων καὶ Λευκανῶν συμμαχικόν.

ἐπὶ μέσησ δὲ τῆσ φάλαγγοσ Θεσπρωτούσ τε καὶ Χάονασ, τούτοισ δὲ συνεχεῖσ τοὺσ Αἰτωλῶν καὶ Ἀκαρνάνων καὶ Ἀθαμάνων μισθοφόρουσ, τελευταίουσ δὲ Σαυνίτασ τὸ λαιὸν ἐκπληροῦντασ κέρασ. τῆσ δὲ ἵππου τὴν μὲν Σαυνῖτιν καὶ Θετταλικὴν καὶ Βρεττίαν καὶ τὴν ἐκ τοῦ Τάραντοσ μισθοφόρον ἐπὶ τοῦ δεξιοῦ κέρατοσ ἔστησεν, τὴν δὲ Ἀμπρακιῶτιν καὶ Λευκανὴν καὶ Ταραντίνην καὶ τὴν Ἑλληνικὴν μισθοφόρον, ἣν ἐξεπλήρουν Ἀκαρνᾶνέσ τε καὶ Αἰτωλοὶ καὶ Μακεδόνεσ καὶ Ἀθαμᾶνεσ ἐπὶ τοῦ λαιοῦ.

τοὺσ δὲ ψιλοὺσ καὶ τοὺσ ἐλέφαντασ διχῇ νείμασ ἀμφοτέρων κατόπιν ἔστησε τῶν κεράτων, σύμμετρόν τι χωρίον ἀφεστῶτασ ὀλίγον ἐπανεστηκὸσ τοῦ πεδίου.

αὐτὸσ δὲ τὸ καλούμενον βασιλικὸν ἄγημα τῶν ἐπιλέκτων ἱππέων ὁμοῦ τι δισχιλίων περὶ αὑτὸν ἔχων ἐκτὸσ ἦν τάξεωσ, ὥστε τοῖσ κάμνουσιν αἰεὶ τῶν σφετέρων ἐξ ἑτοίμου παρεῖναι. οἱ δὲ ὕπατοι κατὰ μὲν τὸ λαιὸν κέρασ ἔστησαν τάγμα τὸ καλούμενον πρῶτον ἐναντίον τῇ Μακεδονικῇ καὶ Ἀμπρακιωτικῇ φάλαγγι καὶ τοῖσ μισθοφόροισ τῶν Ταραντίνων. ἑπόμενον δὲ τῷ πρώτῳ τάγματι τὸ τρίτον, καθ’ ὃ μέροσ ἡ λεύκασπισ ἦν τῶν Ταραντίνων φάλαγξ καὶ τὸ Βρεττίων καὶ τὸ Λευκανῶν συμμαχικόν. συναφὲσ δὲ τῷ τρίτῳ τὸ τέταρτον ἔστησαν κατὰ τοὺσ Μολοττούσ τε καὶ Χάονασ καὶ Θεσπρωτούσ·

τὸ δὲ δεύτερον ἐπὶ τοῦ δεξιοῦ κέρωσ ἐναντίον τοῖσ μισθοφόροισ τοῖσ ἀπὸ τῆσ Ἑλλάδοσ Αἰτωλοῖσ καὶ Ἀκαρνᾶσι καὶ Ἀθαμᾶσι καὶ τῇ Σαυνιτῶν θυρεαφόρῳ φάλαγγι. Λατίνουσ δὲ καὶ Καμπανοὺσ καὶ Σαβίνουσ καὶ Ὀμβρικοὺσ καὶ Οὐολούσκουσ καὶ Μαρουγκίνουσ καὶ Πελίγνουσ καὶ Φρεντανοὺσ καὶ τοὺσ ἄλλουσ ὑπηκόουσ, εἰσ τέτταρα διελόντεσ μέρη, τοῖσ Ῥωμαικοῖσ παρενέβαλον τάγμασιν, ἵνα μηδὲν αὐτοῖσ ἀσθενὲσ εἰή μέροσ. τὴν δὲ ἵππον τήν τ’ οἰκείαν καὶ τὴν συμμαχικὴν διελόντεσ ἐπ’ ἀμφοτέρων ἔταξαν τῶν κεράτων.

ἐκτὸσ δὲ τάξεωσ τούσ τε ψιλοὺσ κατέστησαν καὶ τὰσ ἁμάξασ τριακοσίασ τὸν ἀριθμόν, ἃσ παρεσκευάσαντο πρὸσ τὴν τῶν ἐλεφάντων μάχην. αὗται κεραίασ εἶχον ἐπιβεβηκυίασ στώμιξιν ὀρθαῖσ πλαγίασ, εὐτρόχουσ, ὅπη βουληθείη τισ ἅμα νοήματι περιάγεσθαι δυναμένασ, ἐπ’ ἄκρων δὲ τῶν κεραιῶν ἢ τριόδοντεσ ἦσαν ἢ κέστροι μαχαιροειδεῖσ ἢ δρέπανα ὁλοσίδηρα, ἢ καταρράκτασ τινὰσ ἐπιρριπτοῦντασ ἄνωθεν βαρεῖσ κόρακασ. πολλαῖσ δ’ αὐτῶν χεῖρεσ προσήρτηντο πυρφόροι στυππία πολλῇ πίττῃ λελιπασμένα περὶ αὑτὰσ ἔχουσαι, προεκκείμεναι τῶν ἁμαξῶν, αἷσ ἔμελλον ἑστηκότεσ ἐπ’ αὐτῶν τινεσ, ὅτε πλησίον γένοιντο τῶν θηρίων, πλήσαντεσ πυρὸσ ἐπὶ τὰσ προβοσκίδασ αὐτῶν καὶ τὰ πρόσωπα τὰσ πληγὰσ φέρειν.

ἐφεστήκεσαν δὲ ταῖσ ἁμάξαισ τετρακύκλοισ ὑπαρχούσαισ καὶ τῶν ψιλῶν συχνοὶ τοξόται καὶ χερμάται καὶ τριβόλων σιδηρῶν σφενδονῆται καὶ παρ’ αὐτὰσ κάτωθεν ἔτι πλείουσ ἕτεροι. τάξισ μὲν αὕτη τῶν στρατευσάντων ἦν ἀμφοτέρων, ἀριθμὸσ δὲ τοῦ βασιλικοῦ μυριάδεσ ἑπτὰ πεζῶν, ἐν οἷσ Ἕλληνεσ οἱ τὸν Ιὄνιον κόλπον διαπεράσαντεσ ἐπὶ μυρίοισ ἦσαν ἑξακισχίλιοι·

τοῦ δὲ Ῥωμαικοῦ πλείουσ τῶν ἑπτὰ μυριάδων· ἐξ αὐτῆσ μέντοι τῆσ Ῥώμησ ὁμοῦ τι δισμύριοι. ἱππεῖσ δὲ παρεγένοντο Ῥωμαίοισ μὲν ἀμφὶ τοὺσ ὀκτακισχιλίουσ, Πύρρῳ δὲ μικρῷ πλείουσ καὶ θηρία ἑνὸσ δέοντα εἴκοσι. ατη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 20, chapter 1

(디오니시오스, Antiquitates Romanae, Books X-XX, book 20, chapter 1)

상위

목록

SEARCH

MENU NAVIGATION