헬라어 문장 검색 - Διονψσ́ΑδΑμμαέ10́

(디오니시오스, Ad Ammaeum, chapter 10)

ἀπόχρη μὲν οὖν καὶ ταῦτα ῥηθέντα φανερὰν ποιῆσαι τὴν φιλοτιμίαν τῶν ἀξιούντων τὰσ Ἀριστοτέλουσ ἐζηλωκέναι τέχνασ τὸν Δημοσθένη, ὃσ ἤδη τέτταρασ μὲν ἔτυχεν εἰρηκὼσ δημηγορίασ Φιλιππικάσ, τρεῖσ δὲ Ἑλληνικάσ, πέντε δὲ λόγουσ δημοσίουσ εἰσ δικαστήρια γεγραφώσ, οὓσ οὐδεὶσ ἂν ἔχοι διαβαλεῖν ὡσ εὐτελεῖσ τινασ καὶ φαύλουσ καὶ μηδὲν ἐπιφαίνοντασ τεχνικόν, ἐπειδὴ πρὸ τῶν Ἀριστοτέλουσ συνετάχθησαν τεχνῶν. οὐ μὴν ἔγωγε μέχρι τούτου προελθὼν στήσομαι, ἀλλὰ καὶ τοὺσ ἄλλουσ αὐτοῦ λόγουσ τοὺσ μάλιστ’ εὐδοκιμοῦντασ ἐπιδείξω τούσ τε δημηγορικοὺσ καὶ τοὺσ δικανικοὺσ πρότερον ἀπηγγελμένουσ τῆσ ἐκδόσεωσ τούτων τῶν τεχνῶν, μάρτυρι πάλιν αὐτῷ χρώμενοσ Ἀριστοτέλει. μετὰ γὰρ ἄρχοντα Καλλίμαχον, ἐφ’ οὗ τὰσ εἰσ Ὄλυνθον βοηθείασ ἀπέστειλαν Ἀθηναῖοι πεισθέντεσ ὑπὸ Δημοσθένουσ, Θεόφιλοσ ἔστιν ἄρχων, καθ’ ὃν ἐκράτησε τῆσ Ὀλυνθίων πόλεωσ Φίλιπποσ. ἔπειτα Θεμιστοκλῆσ, ἐφ’ οὗ τὴν πέμπτην τῶν κατὰ Φιλίππου δημηγοριῶν ἀπήγγειλε Δημοσθένησ περὶ τὴσ φυλακῆσ τῶν νησιωτῶν καὶ τῶν ἐν Ἑλλησπόντῳ πόλεων, ἧσ ἐστιν ἀρχή· ἃ μὲν ἡμεῖσ ὦ ἄνδρεσ Ἀθηναῖοι δεδυνήμεθα εὑρεῖν, ταῦτ’ ἐστίν.

μετὰ δὲ Θεμιστοκλέα Ἀρχίασ, ἐφ’ οὗ παραινεῖ τοῖσ Ἀθηναίοισ μὴ κωλύειν Φίλιππον τῆσ Ἀμφικτυονίασ μετέχειν μηδὲ ἀφορμὴν διδόναι πολέμου νεωστὶ πεποιημένουσ τὴν πρὸσ αὐτὸν εἰρήνην· ἀρχὴ δὲ ταύτησ τῆσ δημηγορίασ ἐστὶν ἥδε· ὁρῶ μὲν ὦ ἄνδρεσ Ἀθηναῖοι τὰ παρόντα πράγματα. μετὰ δὲ Ἀρχίαν ἔστιν Εὔβουλοσ· εἶτα Λυκίσκοσ, ἐφ’ οὗ τὴν ἑβδόμην τῶν Φιλιππικῶν δημηγοριῶν διέθετο πρὸσ τὰσ ἐκ Πελοποννήσου πρεσβείασ, ταύτην τὴν ἀρχὴν ποιησάμενοσ· ὅταν ὦ ἄνδρεσ Ἀθηναῖοι λόγοι γίγνωνται. μετὰ Λυκίσκον ἔστιν ἄρχων Πυθόδοτοσ, ἐφ’ οὗ τὴν ὀγδόην τῶν Φιλιππικῶν δημηγοριῶν διέθετο πρὸσ τοὺσ Φιλίππου πρέσβεισ, ἧσ ἐστιν ἀρχή ὦ ἄνδρεσ Ἀθηναῖοι, οὐκ ἔστιν, ὅπωσ αἱ αἰτίαι, καὶ τὸν κατ’ Αἰσχίνου συνετάξατο λόγον, ὅτε τὰσ εὐθύνασ ἐδίδου τῆσ δευτέρασ πρεσβείασ τῆσ ἐπὶ τοὺσ ὁρ́κουσ. μετὰ Πυθόδοτον ἔστι Σωσιγένησ, ἐφ’ οὗ τὴν ἐνάτην διελήλυθεν κατὰ Φιλίππου δημηγορίαν περὶ τῶν ἐν Χερρονήσῳ στρατιωτῶν, ἵνα μὴ διαλυθῇ τὸ μετὰ Διοπείθουσ ξενικόν, ἀρχὴν ἔχουσαν ταύτην· ἔδει μὲν ὦ ἄνδρεσ Ἀθηναῖοι τοὺσ λέγοντασ ἅπαντασ·

καὶ κατὰ τὸν αὐτὸν ἄρχοντα τὴν δεκάτην, ἐν ᾗ πειρᾶται διδάσκειν, ὅτι λύει τὴν εἰρήνην Φίλιπποσ καὶ πρότεροσ ἐκφέρει τὸν πόλεμον, ἧσ ἐστιν ἀρχή· πολλῶν ὦ ἄνδρεσ Αθηναῖοι λόγων γιγνομένων. μετὰ Σωσιγένην ἄρχων ἔστι Νικόμαχοσ, ἐφ’ οὗ τὴν ἑνδεκάτην δημηγορίαν διελήλυθε περὶ τοῦ λελυκέναι τὴν εἰρήνην Φίλιππον καὶ τοὺσ Ἀθηναίουσ πείθει Βυζαντίοισ ἀποστεῖλαι βοήθειαν, ἧσ ἐστιν ἀρχή· καὶ σπουδαῖα νομίζων ὦ ἄνδρεσ Ἀθηναῖοι. ἕπεται Νικομάχῳ Θεόφραστοσ ἄρχων, ἐφ’ οὗ πείθει τοὺσ Ἀθηναίουσ γενναίωσ ὑπομεῖναι τὸν πόλεμον ὡσ κατηγγελκότοσ αὐτὸν ἤδη Φιλίππου· καὶ ἔστιν αὕτη τελευταία τῶν κατὰ Φιλίππου δημηγοριῶν, ἀρχὴν ἔχουσα ταύτην· ὅτι μὲν ὦ ἄνδρεσ Ἀθηναῖοι Φίλιπποσ οὐκ ἐποιήσατο τὴν εἰρήνην πρὸσ ὑμᾶσ, ἀλλ’ ἀνεβάλετο τὸν πόλεμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Ad Ammaeum, chapter 10

(디오니시오스, Ad Ammaeum, chapter 10)

상위

목록

SEARCH

MENU NAVIGATION