헬라어 문장 검색 - Διονψσ́ΑδΑμμαέ09́

(디오니시오스, Ad Ammaeum, chapter 9)

οὑτωσὶ μὲν δὴ σαφῶσ αὐτὸσ ὁ φιλόσοφοσ ἀποδεικνύει μετὰ τὸν Ὀλυνθιακὸν πόλεμον γεγραμμένασ ὑπ’ αὐτοῦ τὰσ τέχνασ. οὗτοσ δ’ ἐπὶ Καλλιμάχου γέγονεν ἄρχοντοσ, ὡσ δηλοῖ Φιλόχοροσ ἐν ἕκτῃ βύβλῳ τῆσ Ἀτθίδοσ κατὰ λέξιν οὕτω γράφων· Καλλίμαχοσ Περγασῆθεν· ἐπὶ τούτου Ὀλυνθίοισ πολεμουμένοισ ὑπὸ Φιλίππου καὶ πρέσβεισ Ἀθήναζε πέμψασιν οἱ Ἀθηναῖοι συμμαχίαν τε ἐποιήσαντο καὶ βοήθειαν ἔπεμψαν πελταστὰσ δισχιλίουσ, τριήρεισ δὲ τριάκοντα τὰσ μετὰ Χάρητοσ καὶ ἃσ συνεπλήρωσαν ὀκτώ. ἔπειτα διεξελθὼν ὀλίγα τὰ μεταξὺ γενόμενα τίθησι ταυτί· περὶ δὲ τὸν αὐτὸν χρόνον Χαλκιδέων τῶν ἐπὶ Θρᾴκησ θλιβομένων τῷ πολέμῳ καὶ πρεσβευσαμένων Ἀθήναζε Χαρίδημον αὐτοῖσ ἔπεμψαν οἱ Ἀθηναῖοι τὸν ἐν Ἑλλησπόντῳ στρατηγόν· ὃσ ἔχων ὀκτωκαίδεκα τριήρεισ καὶ πελταστὰσ τετρακισχιλίουσ, ἱππεῖσ δὲ πεντήκοντα καὶ ἑκατὸν ἦλθεν εἰσ τήν τε Παλλήνην καὶ τὴν Βοττιαίαν μετ’ Ὀλυνθίων καὶ τὴν χώραν ἐπόρθησεν. ἔπειθ’ ὑπὲρ τῆσ τρίτησ συμμαχίασ λέγει ταυτί· πάλιν δὲ τῶν Ὀλυνθίων πρέσβεισ ἀποστειλάντων εἰσ τὰσ Ἀθήνασ καὶ δεομένων μὴ περιιδεῖν αὐτοὺσ καταπολεμηθέντασ, ἀλλὰ πρὸσ ταῖσ ὑπαρχούσαισ δυνάμεσι πέμψαι βοήθειαν μὴ ξενικὴν ἀλλ’ αὐτῶν Ἀθηναίων, ἔπεμψεν αὐτοῖσ ὁ δῆμοσ τριήρεισ μὲν ἑτέρασ ἑπτακαίδεκα καὶ τῶν πολιτῶν ὁπλίτασ δισχιλίουσ καὶ ἱππεῖσ τριακοσίουσ ἐν ναυσὶν ἱππηγοῖσ, στρατηγὸν δὲ Χάρητα τοῦ στόλου παντόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Ad Ammaeum, chapter 9

(디오니시오스, Ad Ammaeum, chapter 9)

상위

목록

SEARCH

MENU NAVIGATION