헬라어 문장 검색 - Διονψσ́ΑδΑμμαέ07́

(디오니시오스, Ad Ammaeum, chapter 7)

περὶ δὲ παραδειγμάτων καὶ ἐνθυμημάτων προελόμενοσ λέγειν, ὅτι τὴν αὐτὴν ταῦτ’ ἔχει δύναμιν ταῖσ ἐπαγωγαῖσ καὶ τοῖσ συλλογισμοῖσ, ταῦτα περὶ τῆσ ἀναλυτικῆσ καὶ μεθοδικῆσ πραγματείασ τίθησι· τῶν δὲ διὰ τοῦ δείκνυσθαι ἢ φαίνεσθαι δείκνυσθαι, καθάπερ καὶ ἐν τοῖσ ἀναλυτικοῖσ τὸ μὲν ἐπαγωγή ἐστι, τὸ δὲ συλλογισμόσ, τὸ δὲ φαινόμενοσ συλλογισμόσ, καὶ ἐνταῦθ’ ὁμοίωσ· ἔστι γὰρ τὸ μὲν παράδειγμα ἐπαγωγή, τὸ δ’ ἐνθύμημα συλλογισμόσ, τὸ δὲ φαινόμενον φαινόμενοσ συλλογισμόσ· καλῶ γὰρ ἐνθύμημα μὲν ῥητορικὸν συλλογισμόν, παράδειγμα δὲ ἐπαγωγὴν ῥητορικήν· πάντεσ δὲ τὰσ πίστεισ ποιοῦνται διὰ τοῦ δεικνύναι ὁτιοῦν, δῆλον δ’ ἡμῖν τοῦτο ἐκ τῶν ἀναλυτικῶν, ἀναγκαῖον ἑκάτερον αὐτῶν ἑκατέρῳ τούτων τὸ αὐτὸ εἶναι. τίσ δ’ ἐστὶ διαφορὰ παραδείγματοσ καὶ ἐνθυμήματοσ, φανερὸν ἐκ τῶν τοπικῶν· ἐκεῖ γὰρ περὶ συλλογισμοῦ καὶ ἐπαγωγῆσ εἴρηται πρότερον, ὅτι τὸ μὲν ἐπὶ πολλῶν καὶ ὁμοίων δείκνυσθαι ὅτι οὕτωσ ἔχει ἐκεῖ μὲν ἐπαγωγή ἐστιν, ἐνταῦθα δὲ παράδειγμα· τὸ δὲ τινῶν ὄντων ἕτερόν τι διὰ ταῦτα συμβαίνειν παρὰ τὸ ταῦτ’ εἶναι ἢ καθόλου ἢ ὡσ ἐπὶ τὸ πολύ, ἐκεῖ μὲν συλλογισμόσ, ἐνταῦθα δὲ ἐνθύμημα καλεῖται. φανερὸν δὲ καὶ ὅτι ἑκάτερον ἔχει ἀγαθὸν τὸ εἶδοσ τῆσ ῥητορείασ·

καθάπερ γὰρ καὶ ἐν τοῖσ μεθοδικοῖσ εἴρηται, καὶ ἐν τούτοισ ὁμοίωσ ἔχει. ὅσα μὲν οὖν Ἀριστοτέλησ ὑπὲρ ἑαυτοῦ γέγραφε μαρτυρόμενοσ διαρρήδην, ὅτι τὰσ ῥητορικὰσ τέχνασ συνετάξατο πρεσβύτεροσ ὢν ἤδη καὶ τὰσ κρατίστασ συντάξεισ προεκδεδωκώσ, ταῦτ’ ἐστίν· ἐξ ὧν ὃ προειλόμην ποιῆσαι φανερόν, ὅτι προτεροῦσιν οἱ τοῦ ῥήτοροσ ἀγῶνεσ τῶν τοῦ φιλοσόφου τεχνῶν, ἱκανῶσ ἀποδεδεῖχθαι νομίζω· συνῆν Πλάτωνι καὶ διέτριψεν ἑώσ ἐτῶν ἑπτὰ καὶ τριάκοντα οὔτε σχολῆσ ἡγούμενοσ οὔτε ἰδίαν πεποιηκὼσ αἱρ́εσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Ad Ammaeum, chapter 7

(디오니시오스, Ad Ammaeum, chapter 7)

상위

목록

SEARCH

MENU NAVIGATION