헬라어 문장 검색 - Διονψσ́ΑδΑμμαέ04́

(디오니시오스, Ad Ammaeum, chapter 4)

οὗτοσ ἐγεννήθη μὲν ἐνιαυτῷ πρότερον τῆσ ἑκατοστῆσ Ὀλυμπιάδοσ· ἄρχοντοσ δὲ Τιμοκράτουσ. εἰσ ἔτοσ ἦν ἐμβεβηκὼσ ἑπτακαιδέκατον δημοσίουσ δὲ λόγουσ ἤρξατο γράφειν ἐπὶ Καλλιστράτου ἄρχοντοσ εἰκοστὸν καὶ πέμπτον ἔτοσ ἔχων. καὶ ἔστιν αὐτοῦ πρῶτοσ τῶν ἐν δικαστηρίῳ κατασκευασθέντων ἀγώνων ὁ κατὰ Ἀνδροτίωνοσ, ὃν ἔγραφε Διοδώρῳ τῷ κρίνοντι τὸ ψήφισμα παρανόμων, καὶ κατὰ τὸν αὐτὸν χρόνον ἕτεροσ , ὁ περὶ τῶν ἀτελειῶν, ὃν αὐτὸσ διέθετο, χαριέστατοσ ἁπάντων τῶν λόγων καὶ γραφικώτατοσ. ἐπὶ δὲ Διοτίμου τοῦ μετὰ Καλλίστρατον ἐν Ἀθηναίοισ πρώτην εἶπε δημηγορίαν, ἣν ἐπιγράφουσιν οἱ τοὺσ ῥητορικοὺσ πίνακασ συντάξαντεσ περὶ τῶν συμμοριῶν· ἐν ᾗ παρεκάλει τοὺσ Ἀθηναίουσ μὴ λύειν τὴν πρὸσ βασιλέα γενομένην εἰρήνην μηδὲ προτέρουσ ἄρχειν τοῦ πολέμου, ἐὰν μὴ παρασκευάσωνται τὴν ναυτικὴν δύναμιν, ἐν ᾗ πλείστην εἶχον ἰσχύν, καὶ τὸν τρόπον τῆσ παρασκευῆσ αὐτὸσ ὑποτίθεται. ἐπὶ δὲ Θουδήμου τοῦ μετὰ Διότιμον ἄρξαντοσ τόν τε κατὰ Τιμοκράτουσ λόγον ἔγραψε Διοδώρῳ τῷ κρίνοντι παρανόμων τὸν Τιμοκράτη καὶ τὸν περὶ τῆσ Μεγαλοπολιτῶν βοηθείασ δημηγορικὸν αὐτὸσ ἀπήγγειλε. μετὰ δὲ Θούδημον ἔστιν Ἀριστόδημοσ ἄρχων, ἐφ’ οὗ τῶν κατὰ Φιλίππου δημηγοριῶν ἤρξατο, καὶ λόγον ἐν τῷ δήμῳ διέθετο περὶ τῆσ ἀποστολῆσ τοῦ ξενικοῦ στρατεύματοσ καὶ τῶν δέκα φυγαδικῶν τριηρῶν εἰσ Μακεδονίαν. ἐν τούτῳ τῷ χρόνῳ καὶ τὸν κατὰ Ἀριστοκράτουσ ἔγραψε λόγον Εὐθυκλεῖ τῷ διώκοντι παρανόμων τὸ ψήφισμα. ἐπὶ δὲ Θεέλλου τοῦ μετὰ Ἀριστόδημον τὴν περὶ Ῥοδίων ἀπήγγειλε δημηγορίαν, ἐν ᾗ πείθει τοῦσ Ἀθηναίουσ καταλῦσαι τὴν ὀλιγαρχίαν αὐτῶν καὶ τὸν δῆμον ἐλευθερῶσαι.

ἐπὶ δὲ Καλλιμάχου τοῦ τρίτου μετὰ Θέελλον ἄρξαντοσ τρεῖσ διέθετο δημηγορίασ παρακαλῶν Ἀθηναίουσ βοήθειαν Ὀλυνθίοισ ἀποστεῖλαι τοῖσ πολεμουμένοισ ὑπὸ Φιλίππου, πρώτην μὲν ἧσ ἐστιν ἀρχὴ ἐπὶ πολλῶν μὲν ἰδεῖν ἄν τισ ὦ ἄνδρεσ Ἀθηναῖοί μοι δοκεῖ· δευτέραν δὲ Οὑ̓χὶ ταὐτὰ παρίσταταί μοι γιγνώσκειν ὦ ἄνδρεσ Ἀθηναῖοἰ· τρίτην δὲ ἀντὶ πολλῶν ἂν ὦ ἄνδρεσ Ἀθηναῖοι χρημάτων. κατὰ τοῦτον γέγραπται τὸν ἄρχοντα καὶ ὁ κατὰ Μειδίου λόγοσ, ὃν συνετάξατο μετὰ τὴν χειροτονίαν, ἣν ὁ δῆμοσ αὐτᾷ κατεχειροτόνησε. μέχρι τοῦδ’ εὑρισκομένων δώδεκα λόγων, ὧν εἴρηκα, δημοσίων, ἐν οἷσ εἰσι δημηγορικοὶ μὲν ἑπτά, δικανικοὶ δὲ πέντε, ἅπαντεσ ἐγένοντο πρότεροι τῶν Ἀριστοτέλουσ τεχνῶν, ὡσ ἔκ τε τῶν ἱστορουμένων περὶ τοῦ ἀνδρὸσ ἀποδείξω καὶ ἐκ τῶν ὑπ’ αὐτοῦ γραφέντων, ἐντεῦθεν ἀρξάμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Ad Ammaeum, chapter 4

(디오니시오스, Ad Ammaeum, chapter 4)

상위

목록

SEARCH

MENU NAVIGATION