헬라어 문장 검색 - Διογεν́Λιϝεσοφ́6́09́

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΕΚΤΟΝ, Kef. q'. MENEDHMOS)

Μενέδημοσ Κωλώτου τοῦ Λαμψακηνοῦ μαθητήσ. οὗτοσ, καθά φησιν Ἱππόβοτοσ, εἰσ τοσοῦτον τερατείασ ἤλασεν ὥστε Ἐρινύοσ ἀναλαβὼν σχῆμα περιῄει, λέγων ἐπίσκοποσ ἀφῖχθαι ἐξ ᾅδου τῶν ἁμαρτανομένων, ὅπωσ πάλιν κατιὼν ταῦτα ἀπαγγέλλοι τοῖσ ἐκεῖ δαίμοσιν. ἦν δὲ αὐτῷ ἡ ἐσθὴσ αὕτη· χιτὼν φαιὸσ ποδήρησ, περὶ αὐτῷ ζώνη φοινικῆ, πῖλοσ Ἀρκαδικὸσ ἐπὶ τῆσ κεφαλῆσ ἔχων ἐνυφασμένα τὰ δώδεκα στοιχεῖα, ἐμβάται τραγικοί, πώγων ὑπερμεγέθησ, ῥάβδοσ ἐν τῇ χειρὶ μειλίνη. Καὶ οὗτοι μὲν οἱ βίοι τῶν κυνικῶν ἑκάστου.

προσυπογράψομεν δὲ καὶ τὰ κοινῇ ἀρέσκοντα αὐτοῖσ, αἱρ́εσιν καὶ ταύτην εἶναι ἐγκρίνοντεσ τὴν φιλοσοφίαν, οὐ, καθά φασί τινεσ, ἔνστασιν βίου. ἀρέσκει οὖν αὐτοῖσ τὸν λογικὸν καὶ τὸν φυσικὸν τόπον περιαιρεῖν, ἐμφερῶσ Ἀρίστωνι τῷ Χίῳ, μόνῳ δὲ προσέχειν τῷ ἠθικῷ. καὶ ὅπερ τινὲσ ἐπὶ Σωκράτουσ, τοῦτο Διοκλῆσ ἐπὶ Διογένουσ ἀναγράφει, τοῦτον φάσκων λέγειν, Δεῖ ζητεῖν ὅττι τοι ἐν μεγάροισι κακόν τ’ ἀγαθόν τε τέτυκται. παραιτοῦνται δὲ καὶ τὰ ἐγκύκλια μαθήματα. γράμματα γοῦν μὴ μανθάνειν ἔφασκεν ὁ Ἀντισθένησ τοὺσ σώφρονασ γενομένουσ, ἵνα μὴ διαστρέφοιντο τοῖσ ἀλλοτρίοισ. περιαιροῦσι δὲ καὶ γεωμετρίαν καὶ μουσικὴν καὶ πάντα τὰ τοιαῦτα.

ἔνιοι γοῦν καὶ βοτάναισ καὶ παντάπασιν ὕδατι χρῶνται ψυχρῷ σκέπαισ τε ταῖσ τυχούσαισ καὶ πίθοισ, καθάπερ Διογένησ, ὃσ ἔφασκε θεῶν μὲν ἴδιον εἶναι μηδενὸσ δεῖσθαι, τῶν δὲ θεοῖσ ὁμοίων τὸ ὀλίγων χρῄζειν. ὁ γοῦν Διογένησ πρὸσ τὸν ἐπιδεικνύντα αὐτῷ ὡροσκοπεῖον, "χρήσιμον," ἔφη, "τὸ ἔργον πρὸσ τὸ μὴ ὑστερῆσαι δείπνου. " πρὸσ τὸν ἐπιδεικνύμενον αὐτῷ μουσικὸν ἔφη· γνώμαισ γὰρ ἀνδρῶν εὖ μὲν οἰκοῦνται πόλεισ, εὖ δ’ οἶκοσ, οὐ ψαλμοῖσι καὶ τερετίσμασιν. Ἀρέσκει δ’ αὐτοῖσ καὶ τέλοσ εἶναι τὸ κατ’ ἀρετὴν ζῆν, ὡσ Ἀντισθένησ φησὶν ἐν τῷ Ἡρακλεῖ, ὁμοίωσ τοῖσ στωικοῖσ· ἐπεὶ καὶ κοινωνία τισ ταῖσ δύο ταύταισ αἱρέσεσίν ἐστιν. ὅθεν καὶ τὸν κυνισμὸν εἰρήκασι σύντομον ἐπ’ ἀρετὴν ὁδόν. καὶ οὕτωσ ἐβίω καὶ Ζήνων ὁ Κιτιεύσ. Ἀρέσκει δ’ αὐτοῖσ καὶ λιτῶσ βιοῦν, αὐτάρκεσι χρωμένοισ σιτίοισ καὶ τρίβωσι μόνοισ, πλούτου καὶ δόξησ καὶ εὐγενείασ καταφρονοῦσιν. Ἀρέσκει δ’ αὐτοῖσ καὶ τὴν ἀρετὴν διδακτὴν εἶναι, καθά φησιν Ἀντισθένησ ἐν τῷ Ἡρακλεῖ, καὶ ἀναπόβλητον ὑπάρχειν·

ἀξιέραστόν τε τὸν σοφὸν καὶ ἀναμάρτητον καὶ φίλον τῷ ὁμοίῳ, τύχῃ τε μηδὲν ἐπιτρέπειν. τὰ δὲ μεταξὺ ἀρετῆσ καὶ κακίασ ἀδιάφορα λέγουσιν ὁμοίωσ Ἀρίστωνι τῷ Χίῳ. Καὶ οὗτοι μὲν οἱ κυνικοί· μετιτέον δ’ ἐπὶ τοὺσ στωικούσ, ὧν ἦρξε Ζήνων, μαθητὴσ γενόμενοσ Κράτητοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΕΚΤΟΝ, Kef. q'. MENEDHMOS

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΕΚΤΟΝ, Kef. q'. MENEDHMOS)

상위

목록

SEARCH

MENU NAVIGATION