헬라어 문장 검색 - Διογεν́Λιϝεσοφ́6́07́

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΕΚΤΟΝ, Kef. z'. IPPARXIA)

Ἐθηράθη δὲ τοῖσ λόγοισ καὶ ἡ ἀδελφὴ τοῦ Μητροκλέουσ Ἱππαρχία. Μαρωνεῖται δ’ ἦσαν ἀμφότεροι. Καὶ ἤρα τοῦ Κράτητοσ καὶ τῶν λόγων καὶ τοῦ βίου, οὐδενὸσ τῶν μνηστευομένων ἐπιστρεφομένη, οὐ πλούτου, οὐκ εὐγενείασ, οὐ κάλλουσ· ἀλλὰ πάντ’ ἦν Κράτησ αὐτῇ. καὶ δὴ καὶ ἠπείλει τοῖσ γονεῦσιν ἀναιρήσειν αὑτήν, εἰ μὴ τούτῳ δοθείη. Κράτησ μὲν οὖν παρακαλούμενοσ ὑπὸ τῶν γονέων αὐτῆσ ἀποτρέψαι τὴν παῖδα, πάντ’ ἐποίει, καὶ τέλοσ μὴ πείθων, ἀναστὰσ καὶ ἀποθέμενοσ τὴν ἑαυτοῦ σκευὴν ἀντικρὺ αὐτῆσ ἔφη, "ὁ μὲν νυμφίοσ οὗτοσ, ἡ δὲ κτῆσισ αὕτη, πρὸσ ταῦτα βουλεύου"· οὐδὲ γὰρ ἔσεσθαι κοινωνόν, εἰ μὴ καὶ τῶν αὐτῶν ἐπιτηδευμάτων γενηθείη. Εἵλετο ἡ παῖσ καὶ ταὐτὸν ἀναλαβοῦσα σχῆμα συμπεριῄει τἀνδρὶ καὶ ἐν τῷ φανερῷ συνεγίνετο καὶ ἐπὶ τὰ δεῖπνα ἀπῄει.

ὅτε καὶ πρὸσ Λυσίμαχον εἰσ τὸ συμπόσιον ἦλθεν, ἔνθα Θεόδωρον τὸν ἐπίκλην Ἄθεον ἐπήλεγξε, σόφισμα προτείνασα τοιοῦτον· ὃ ποιῶν Θεόδωροσ οὐκ ἂν ἀδικεῖν λέγοιτο, οὐδ’ Ἱππαρχία ποιοῦσα τοῦτο ἀδικεῖν λέγοιτ’ ἄν· Θεόδωροσ δὲ τύπτων ἑαυτὸν οὐκ ἀδικεῖ, οὐδ’ ἄρα Ἱππαρχία Θεόδωρον τύπτουσα ἀδικεῖ. ὁ δὲ πρὸσ μὲν τὸ λεχθὲν οὐδὲν ἀπήντησεν, ἀνέσυρε δ’ αὐτῆσ θοιμάτιον· ἀλλ’ οὔτε κατεπλάγη Ἱππαρχία οὔτε διεταράχθη ὡσ γυνή. ἀλλὰ καὶ εἰπόντοσ αὐτῇ, αὕτη ’στὶν ἡ τὰσ παρ’ ἱστοῖσ ἐκλιποῦσα κερκίδασ;

"ἐγώ," φησίν, "εἰμί, Θεόδωρε· ἀλλὰ μὴ κακῶσ σοι δοκῶ βεβουλεῦσθαι περὶ αὑτῆσ, εἰ, τὸν χρόνον ὃν ἔμελλον ἱστοῖσ προσαναλώσειν, τοῦτον εἰσ παιδείαν κατεχρησάμην; καὶ ταῦτα μὲν καὶ ἄλλα μυρία τῆσ φιλοσόφου. Φέρεται δὲ τοῦ Κράτητοσ βιβλίον Ἐπιστολαί, ἐν αἷσ ἄριστα φιλοσοφεῖ, τὴν λέξιν ἔστιν ὅτε παραπλήσιοσ Πλάτωνι. γέγραφε καὶ τραγῳδίασ ὑψηλότατον ἐχούσασ φιλοσοφίασ χαρακτῆρα, οἱο͂́ν ἐστι κἀκεῖνο· οὐχ εἷσ πάτρασ μοι πύργοσ, οὐ μία στέγη, πάσησ δὲ χέρσου καὶ πόλισμα καὶ δόμοσ ἕτοιμοσ ἡμῖν ἐνδιαιτᾶσθαι πάρα. Ἐτελεύτησε δὲ γηραιὸσ καὶ ἐτάφη ἐν Βοιωτίᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΕΚΤΟΝ, Kef. z'. IPPARXIA

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΕΚΤΟΝ, Kef. z'. IPPARXIA)

상위

목록

SEARCH

MENU NAVIGATION