헬라어 문장 검색 - Διογεν́Λιϝεσοφ́6́05́

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΕΚΤΟΝ, Kef. e'. KRATHS)

Κράτησ Ἀσκώνδου Θηβαῖοσ. καὶ οὗτοσ τῶν ἐλλογίμων τοῦ κυνὸσ μαθητῶν. Ἱππόβοτοσ δέ φησιν οὐ Διογένουσ αὐτὸν μαθητὴν γεγονέναι, ἀλλὰ Βρύσωνοσ τοῦ Ἀχαιοῦ. τούτου Παίγνια φέρεται τάδε· Πήρη τισ πόλισ ἐστὶ μέσῳ ἐνὶ οἴνοπι τύφῳ, καλὴ καὶ πίειρα, περίρρυποσ, οὐδὲν ἔχουσα, εἰσ ἣν οὔτε τισ εἰσπλεῖ ἀνὴρ μωρὸσ παράσιτοσ, οὔτε λίχνοσ πόρνησ ἐπαγαλλόμενοσ πυγῇσιν· ἀλλὰ θύμον καὶ σκόρδα φέρει καὶ σῦκα καὶ ἄρτουσ, ἐξ ὧν οὐ πολεμοῦσι πρὸσ ἀλλήλουσ περὶ τούτων, οὐχ ὅπλα κέκτηνται περὶ κέρματοσ, οὐ περὶ δόξησ. Ἔστι καὶ ἐφημερὶσ ἡ θρυλουμένη οὕτωσ ἔχουσα·

ἐὰν δὲ τούτοισ μὴ δύνῃ χρῆσθαι, βρόχοσ. τίθει μαγείρῳ μνᾶσ δέκ’, ἰατρῷ δραχμήν, κόλακι τάλαντα πέντε, συμβούλῳ καπνόν, πόρνῃ τάλαντον, φιλοσόφῳ τριώβολον. Ἐκαλεῖτο δὲ καὶ Θυρεπανοίκτησ διὰ τὸ εἰσ πᾶσαν εἰσιέναι οἰκίαν καὶ νουθετεῖν· ἔστιν αὐτοῦ καὶ τόδε· ταῦτ’ ἔχω ὅσσ’ ἔμαθον καὶ ἐφρόντισα καὶ μετὰ Μουσῶν σέμν’ ἐδάην· τὰ δὲ πολλὰ καὶ ὄλβια τῦφοσ ἔμαρψεν. καὶ ὅτι ἐκ φιλοσοφίασ αὐτῷ περιγένοιτο θέρμων τε χοῖνιξ καὶ τὸ μηδενὸσ μέλειν. φέρεται δ’ αὐτοῦ κἀκεῖνο· ἔρωτα παύει λιμόσ, εἰ δὲ μή, χρόνοσ· Ἤκμαζε δὲ κατὰ τὴν τρίτην καὶ δεκάτην καὶ ἑκατοστὴν Ὀλυμπιάδα.

Τοῦτόν φησιν Ἀντισθένησ ἐν ταῖσ Διαδοχαῖσ θεασάμενον ἔν τινι τραγῳδίᾳ Τήλεφον σπυρίδιον ἔχοντα καὶ τἄλλα λυπρὸν ᾆξαι ἐπὶ τὴν κυνικὴν φιλοσοφίαν· ἐξαργυρισάμενόν τε τὴν οὐσίαν‐‐καὶ γὰρ ἦν τῶν ἐπιφανῶν‐‐ἀθροίσαντα πρὸσ τὰ [ἑκατὸν] διακόσια τάλαντα, τοῖσ πολίταισ διανεῖμαι ταῦτα. αὐτὸν δὲ καρτερῶσ οὕτω φιλοσοφεῖν ὡσ καὶ Φιλήμονα τὸν κωμικὸν αὐτοῦ μεμνῆσθαι. φησὶ γοῦν· καὶ τοῦ θέρουσ μὲν εἶχεν ἱμάτιον δασύ, ἵν’ ὡσ Κράτησ ᾖ, τοῦ δὲ χειμῶνοσ ῥάκοσ. φησὶ δὲ Διοκλῆσ πεῖσαι αὐτὸν Διογένην τὴν οὐσίαν μηλόβοτον ἀνεῖναι καὶ εἴ τι ἀργύριον εἰή, εἰσ θάλατταν βαλεῖν. Καὶ Κράτητοσ μέν, φησίν, ὁ οἶκοσ ὑπ’ Ἀλεξάνδρου ·

· Ἱππαρχίασ δὲ ὑπὸ Φιλίππου. πολλάκισ τε τῇ βακτηρίᾳ τῶν συγγενῶν τινασ προσιόντασ καὶ ἀποτρέποντασ ἐδίωκε καὶ ἦν γενναῖοσ. φησὶ δὲ Δημήτριοσ ὁ Μάγνησ τραπεζίτῃ τινὶ παρακαταθέσθαι τἀργύριον, συνθέμενον, εἰ μὲν οἱ παῖδεσ ἰδιῶται γένοιντο, αὐτοῖσ ἀποδοῦναι· εἰ δὲ φιλόσοφοι, τῷ δήμῳ διανεῖμαι· μηδενὸσ γὰρ ἐκείνουσ δεήσεσθαι φιλοσοφοῦντασ. Ἐρατοσθένησ δέ φησιν, ἐξ Ἱππαρχίασ, περὶ ἧσ λέξομεν, γενομένου παιδὸσ αὐτῷ ὄνομα Πασικλέουσ, ὅτ’ ἐξ ἐφήβων ἐγένετο, ἀγαγεῖν αὐτὸν ἐπ’ οἴκημα παιδίσκησ καὶ φάναι τοῦτον αὐτῷ πατρῷον εἶναι τὸν γάμον· τοὺσ δὲ τῶν μοιχευόντων τραγικούσ, φυγὰσ <γὰρ> καὶ φόνουσ ἔχειν ἔπαθλον·

τοὺσ δὲ τῶν ἑταίραισ προσιόντων κωμικούσ· ἐξ ἀσωτίασ γὰρ καὶ μέθησ μανίαν ἀπεργάζεσθαι. Τούτου γέγονε Πασικλῆσ ἀδελφόσ, μαθητὴσ Εὐκλείδου. Χάριεν δ’ αὐτοῦ Φαβωρῖνοσ ἐν δευτέρῳ τῶν Ἀπομνημονευμάτων φέρει. φησὶ γάρ· παρακαλῶν περί του τὸν γυμνασίαρχον, τῶν ἰσχίων αὐτοῦ ἥπτετο· ἀγανακτοῦντοσ δέ, ἔφη, "τί γάρ; οὐχὶ καὶ ταῦτα σά ἐστι καθάπερ καὶ τὰ γόνατα; ἔλεγέ τ’ ἀδύνατον εἶναι ἀδιάπτωτον εὑρεῖν, ἀλλ’ ὥσπερ ἐν ῥοιᾷ καὶ σαπρόν τινα κόκκον εἶναι. Νικόδρομον ἐξερεθίσασ τὸν κιθαρῳδὸν ὑπωπιάσθη· προσθεὶσ οὖν πιττάκιον τῷ μετώπῳ ἐπέγραψε, "Νικόδρομοσ ἐποίει. τὰσ πόρνασ ἐπίτηδεσ ἐλοιδόρει, συγγυμνάζων ἑαυτὸν πρὸσ τὰσ βλασφημίασ.

Δημήτριον τὸν Φαληρέα πέμψαντα αὐτῷ ἄρτουσ καὶ οἶνον ὠνείδισεν εἰπών, "εἴθε γὰρ αἱ κρῆναι καὶ ἄρτουσ ἔφερον. " δῆλον οὖν ὡσ ὕδωρ ἔπινεν. ὑπὸ τῶν Ἀθήνησιν ἀστυνόμων ἐπιτιμηθεὶσ ὅτι σινδόνα ἠμφίεστο, ἔφη, "καὶ Θεόφραστον ὑμῖν δείξω σινδόνα περιβεβλημένον· ἀπιστούντων δέ, ἀπήγαγεν ἐπὶ κουρεῖον καὶ ἔδειξε κειρόμενον. ἐν Θήβαισ ὑπὸ τοῦ γυμνασιάρχου μαστιγωθείσ‐‐οἱ δέ, ἐν Κορίνθῳ ὑπ’ Εὐθυκράτουσ‐‐καὶ ἑλκόμενοσ τοῦ ποδὸσ ἐπέλεγεν ἀφροντιστῶν, ἕλκε ποδὸσ τεταγὼν διὰ βηλοῦ θεσπεσίοιο. Διοκλῆσ δέ φησιν ἑλχθῆναι αὐτὸν ὑπὸ Μενεδήμου τοῦ Ἐρετρικοῦ.

ἐπειδὴ γὰρ εὐπρεπὴσ ἦν καὶ ἐδόκει χρησιμεύειν Ἀσκληπιάδῃ τῷ Φλιασίῳ, ἁψάμενοσ αὐτοῦ τῶν μηρῶν ὁ Κράτησ ἔφη, "ἔνδον Ἀσκληπιάδησ. " ἐφ’ ᾧ δυσχεράναντα τὸν Μενέδημον ἕλκειν αὐτόν, τὸν δὲ τοῦτο ἐπιλέγειν. Ζήνων δ’ αὖ ὁ Κιτιεὺσ ἐν ταῖσ Χρείαισ καὶ κώδιον αὐτόν φησί ποτε προσράψαι τῷ τρίβωνι ἀνεπιστρεπτοῦντα. ἦν δὲ καὶ τὴν ὄψιν αἰσχρὸσ καὶ γυμναζόμενοσ ἐγελᾶτο. εἰώθει δὲ λέγειν ἐπαίρων τὰσ χεῖρασ, "θάρρει, Κράτησ, ὑπὲρ ὀφθαλμῶν καὶ τοῦ λοιποῦ σώματοσ· τούτουσ δ’ ὄψει τοὺσ καταγελῶντασ, ἤδη καὶ συνεσπασμένουσ ὑπὸ νόσου καί σε μακαρίζοντασ, αὑτοὺσ δὲ καταμεμφομένουσ ἐπὶ τῇ ἀργίᾳ.

" ἔλεγε δὲ μέχρι τούτου δεῖν φιλοσοφεῖν, μέχρι ἂν δόξωσιν οἱ στρατηγοὶ εἶναι ὀνηλάται. ἐρήμουσ ἔλεγε τοὺσ μετὰ κολάκων ὄντασ ὥσπερ τοὺσ μόσχουσ ἐπειδὰν μετὰ λύκων ὦσιν· οὔτε γὰρ ἐκείνοισ τοὺσ προσήκοντασ οὔτε τούτοισ συνεῖναι, ἀλλὰ τοὺσ ἐπιβουλεύοντασ. συν‐ αισθανόμενοσ ὅτι ἀποθνήσκει, ἐπῇδε πρὸσ ἑαυτὸν λέγων, στείχεισ δή, φίλε κυρτών, βαίνεισ τ’ εἰσ Αἰ̈́δαο δόμουσ κυφὸσ διὰ γῆρασ. ἦν γὰρ κυφὸσ ὑπὸ χρόνου. Πρὸσ Ἀλέξανδρον πυθόμενον εἰ βούλεται αὐτοῦ τὴν πατρίδα ἀνορθωθῆναι, ἔφη, "καὶ τί δεῖ;

πάλιν γὰρ ἴσωσ Ἀλέξανδροσ ἄλλοσ αὐτὴν κατασκάψει. " ἔχειν δὲ πατρίδα ἀδοξίαν καὶ πενίαν ἀνάλωτα τῇ τύχῃ καὶ Διογένουσ εἶναι πολίτησ ἀνεπιβουλεύτου φθόνῳ. μέμνηται δὲ αὐτοῦ καὶ Μένανδροσ ἐν Διδύμαισ οὕτωσ· συμπεριπατήσεισ γὰρ τρίβων’ ἔχουσ’ ἐμοί, ὥσπερ Κράτητι τῷ κυνικῷ ποθ’ ἡ γυνή, καὶ θυγατέρ’ ἐξέδωκ’ ἐκεῖνοσ, ὡσ ἔφη αὐτόσ, ἐπὶ πείρᾳ δοὺσ τριάκονθ’ ἡμέρασ. Μαθηταὶ δ’ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΕΚΤΟΝ, Kef. e'. KRATHS

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΕΚΤΟΝ, Kef. e'. KRATHS)

상위

목록

SEARCH

MENU NAVIGATION