Diogenes Laertius, Lives of Eminent Philosophers, G, PLATWN 23:

(디오게네스 라에르티오스, Lives of Eminent Philosophers, G, PLATWN 23:)

ὅτε καὶ ἀνιόντι αὐτῷ εἰσ τὴν ἀκρόπολιν σὺν τῷ Χαβρίᾳ Κρωβύλοσ ὁ συκοφάντησ ἀπαντήσασ φησίν· "ἄλλῳ συναγορεύσων ἥκεισ, ἀγνοῶν ὅτι καὶ σὲ τὸ Σωκράτουσ κώνειον ἀναμένει; τὸν δὲ φάναι· "καὶ ὅτε ὑπὲρ τῆσ πατρίδοσ ἐστρατευόμην, ὑπέμενον τοὺσ κινδύνουσ, καὶ νῦν ὑπὲρ τοῦ καθήκοντοσ διὰ φίλον ὑπομενῶ. " Οὗτοσ πρῶτοσ ἐν ἐρωτήσει λόγον παρήνεγκεν, ὥσ φησι Φαβωρῖνοσ ἐν ὀγδόῃ Παντοδαπῆσ ἱστορίασ. καὶ πρῶτοσ τὸν κατὰ τὴν ἀνάλυσιν τῆσ ζητήσεωσ τρόπον εἰσηγήσατο Λεωδάμαντι τῷ Θασίῳ. καὶ πρῶτοσ ἐν φιλοσοφίᾳ ἀντίποδασ ὠνόμασε καὶ στοιχεῖον καὶ διαλεκτικὴν καὶ ποιότητα καὶ τοῦ ἀριθμοῦ τὸν προμήκη καὶ τῶν περάτων τὴν ἐπίπεδον ἐπιφάνειαν καὶ θεοῦ πρόνοιαν.

일치하는 문장이 없습니다.

SEARCH

MENU NAVIGATION