Diogenes Laertius, Lives of Eminent Philosophers, G, PLATWN 2:

(디오게네스 라에르티오스, Lives of Eminent Philosophers, G, PLATWN 2:)

Σπεύσιπποσ δ’ ἐν τῷ ἐπιγραφομένῳ Πλάτωνοσ περιδείπνῳ καὶ Κλέαρχοσ ἐν τῷ Πλάτωνοσ ἐγκωμίῳ καὶ Ἀναξιλαΐδησ ἐν τῷ δευτέρῳ Περὶ φιλοσόφων φασίν, ὡσ Ἀθήνησιν ἦν λόγοσ, ὡραίαν οὖσαν τὴν Περικτιόνην βιάζεσθαι τὸν Ἀρίστωνα καὶ μὴ τυγχάνειν· παυόμενόν τε τῆσ βίασ ἰδεῖν τὴν τοῦ Ἀπόλλωνοσ ὄψιν· ὅθεν καθαρὰν γάμου φυλάξαι ἑώσ τῆσ ἀποκυήσεωσ. Καὶ γίνεται Πλάτων, ὥσ φησιν Ἀπολλόδωροσ ἐν Χρονικοῖσ, ὀγδόῃ καὶ ὀγδοηκοστῇ Ὀλυμπιάδι, Θαργηλιῶνοσ ἑβδόμῃ, καθ’ ἣν Δήλιοι τὸν Ἀπόλλωνα γενέσθαι φασί. τελευτᾷ δὲ‐‐ὥσ φησιν Ἕρμιπποσ, ἔν γάμοισ δειπνῶν‐‐τῷ πρώτῳ ἔτει τῆσ ὀγδόησ καὶ ἑκατοστῆσ Ὀλυμπιάδοσ, βιοὺσ ἔτοσ ἓν πρὸσ τοῖσ ὀγδοήκοντα. Νεάνθησ δέ φησιν αὐτὸν τεττάρων καὶ ὀγδοήκοντα τελευτῆσαι ἐτῶν. ἔστιν οὖν Ἰσοκράτουσ νεώτεροσ ἔτεσιν ἕξ· ὁ μὲν γὰρ ἐπὶ Λυσιμάχου, Πλάτων δὲ ἐπὶ Ἀμεινίου γέγονεν, ἐφ’ οὗ Περικλῆσ ἐτελεύτησεν. ἦν δὲ τῶν δήμων Κολλυτεύσ, ὥσ φησιν Ἀντιλέων ἐν δευτέρῳ Περὶ χρόνων. καὶ ἐγεννήθη κατά τινασ ἐν Αἰγίνῃ‐‐ἐν τῇ Φειδιάδου οἰκίᾳ τοῦ Θάλητοσ, ὥσ φησι Φαβωρῖνοσ ἐν Παντοδαπῇ ἱστορίᾳ‐‐τοῦ πατρὸσ αὐτοῦ μετὰ καὶ ἄλλων πεμφθέντοσ κληρούχου καὶ ἐπανελθόντοσ εἰσ Ἀθήνασ, ὁπόθ’ ὑπὸ Λακεδαιμονίων ἐξεβλήθησαν βοηθούντων Αἰγινήταισ. ἀλλὰ καὶ ἐχορήγησεν Ἀθήνησι Δίωνοσ ἀναλίσκοντοσ, ὥσ φησιν Ἀθηνόδωροσ ἐν η’ Περιπάτων.

일치하는 문장이 없습니다.

SEARCH

MENU NAVIGATION