헬라어 문장 검색 - Διογεν́Λιϝεσοφ́2́11́

(디오게네스 라에르티오스, Lives of Eminent Philosophers, B, Kef. ia'. STILPWN)

Στίλπων Μεγαρεὺσ τῆσ Ἑλλάδοσ διήκουσε μὲν τῶν ἀπ’ Εὐκλείδου τινῶν· οἱ δὲ καὶ αὐτοῦ Εὐκλείδου ἀκοῦσαί φασιν αὐτόν, ἀλλὰ καὶ Θρασυμάχου τοῦ Κορινθίου, ὃσ ἦν Ἰχθύα γνώριμοσ, καθά φησιν Ἡρακλείδησ. τοσοῦτον δ’ εὑρεσιλογίᾳ καὶ σοφιστείᾳ προῆγε τοὺσ ἄλλουσ, ὥστε μικροῦ δεῆσαι πᾶσαν τὴν Ἑλλάδα ἀφορῶσαν εἰσ αὐτὸν μεγαρίσαι. περὶ τούτου φησὶ Φίλιπποσ ὁ Μεγαρικὸσ κατὰ λέξιν οὕτω· "παρὰ μὲν γὰρ Θεοφράστου Μητρόδωρον τὸν θεωρητικὸν καὶ Τιμαγόραν τὸν Γελῶον ἀπέσπασε, παρ’ Ἀριστοτέλουσ δὲ τοῦ Κυρηναϊκοῦ Κλείταρχον καὶ Σιμμίαν· ἀπὸ δὲ τῶν διαλεκτικῶν Παιώνειον μὲν ἀπ’ Ἀριστείδου, Δίφιλον δὲ τὸν Βοσποριανὸν Εὐφάντου καὶ Μύρμηκα τὸν Ἐξαινέτου παραγενομένουσ ὡσ ἐλέγξοντασ ἀμφοτέρουσ ζηλωτὰσ ἔσχε. χωρὶσ τοίνυν τούτων Φρασίδημον μὲν τὸν περιπατητικὸν καὶ φυσικῶν ἔμπειρον ὄντα προσηγάγετο, καὶ τὸν ῥητορικὸν Ἄλκιμον, ἁπάντων πρωτεύοντα τῶν ἐν τῇ Ἑλλάδι ῥητόρων, Κράτητά τε καὶ ἄλλουσ πλείστουσ ὅσουσ ἐθήρασε·

καὶ δὴ καὶ Ζήνωνα τὸν Φοίνικα μετὰ τούτων ἀφείλετο. Ἦν δὲ καὶ πολιτικώτατοσ. Καὶ γυναῖκα ἠγάγετο· καὶ ἑταίρᾳ συνῆν Νικαρέτῃ, ὥσ φησί που καὶ Ὀνήτωρ. καὶ θυγατέρα ἀκόλαστον ἐγέννησεν, ἣν ἔγημε γνώριμόσ τισ αὐτοῦ Σιμμίασ Συρακόσιοσ. ταύτησ οὐ κατὰ τρόπον βιούσησ εἶπέ τισ πρὸσ τὸν Ζτίλπωνα, ὡσ καταισχύνοι αὐτόν· ὁ δέ, "οὐ μᾶλλον," εἶπεν, "ἢ ἐγὼ ταύτην κοσμῶ. Ἀπεδέχετο δ’ αὐτόν, φασί, καὶ Πτολεμαῖοσ ὁ Ζωτήρ.

καὶ ἐγκρατὴσ Μεγάρων γενόμενοσ ἐδίδου τε ἀργύριον αὐτῷ καὶ παρεκάλει εἰσ Αἴγυπτον συμπλεῖν· ὁ δὲ μέτριον μέν τι τἀργυριδίου προσήκατο, ἀρνησάμενοσ δὲ τὴν ὁδὸν μετῆλθεν εἰσ Αἴγιναν, ἑώσ ἐκεῖνοσ ἀπέπλευσεν. ἀλλὰ καὶ Δημήτριοσ ὁ Ἀντιγόνου καταλαβὼν τὰ Μέγαρα τήν τε οἰκίαν αὐτῷ φυλαχθῆναι καὶ πάντα τὰ ἁρπασθέντα προὐνόησεν ἀποδοθῆναι. ὅτε καὶ βουλομένῳ παρ’ αὐτοῦ τῶν ἀπολωλότων ἀναγραφὴν λαβεῖν ἔφη μηδὲν τῶν οἰκείων ἀπολωλεκέναι· παιδείαν γὰρ μηδένα ἐξενηνοχέναι, τόν τε λόγον ἔχειν καὶ τὴν ἐπιστήμην. Καὶ αὐτῷ διαλεχθεὶσ περὶ ἀνθρώπων εὐεργεσίασ οὕτωσ εἷλεν ὥστε προσέχειν αὐτῷ.

τοῦτόν φασιν περὶ τῆσ Ἀθηνᾶσ τῆσ τοῦ Φειδίου τοιοῦτόν τινα λόγον ἐρωτῆσαι· "ἆρά γε ἡ τοῦ Διὸσ Ἀθηνᾶ θεόσ ἐστι; φήσαντοσ δέ, "ναί," "αὕτη δέ γε," εἶπεν, "οὐκ ἔστι Διόσ, ἀλλὰ Φειδίου· συγχωρουμένου δέ, "οὐκ ἄρα," εἶπε, "θεόσ ἐστιν. " ἐφ’ ᾧ καὶ εἰσ Ἄρειον πάγον προσκληθέντα μὴ ἀρνήσασθαι, φάσκειν δ’ ὀρθῶσ διειλέχθαι· μὴ γὰρ εἶναι αὐτὴν θεόν, ἀλλὰ θεάν· θεοὺσ δὲ εἶναι τοὺσ ἄρρενασ. καὶ μέντοι τοὺσ Ἀρεοπαγίτασ εὐθέωσ αὐτὸν κελεῦσαι τῆσ πόλεωσ ἐξελθεῖν. ὅτε καὶ Θεόδωρον τὸν ἐπίκλην θεὸν ἐπισκώπτοντα εἰπεῖν, "πόθεν δὲ τοῦτ’ ᾔδει Στίλπων; ἢ ἀνασύρασ αὐτῆσ τὸν κῆπον ἐθεάσατο; ἦν δ’ ἀληθῶσ οὗτοσ μὲν θρασύτατοσ· Στίλπων δὲ κομψότατοσ. Κράτητοσ τοίνυν αὐτὸν ἐρωτήσαντοσ εἰ οἱ θεοὶ χαίρουσι ταῖσ προσκυνήσεσι καὶ εὐχαῖσ, φασὶν εἰπεῖν, "περὶ τούτων μὴ ἐρώτα, ἀνόητε, ἐν ὁδῷ, ἀλλὰ μόνον.

" τὸ δ’ αὐτὸ καὶ Βίωνα ἐρωτηθέντα εἰ θεοί εἰσιν εἰπεῖν· οὐκ ἀπ’ ἐμοῦ σκεδάσεισ ὄχλον, ταλαπείριε πρέσβυ; Ἦν δ’ ὁ Στίλπων καὶ ἀφελὴσ καὶ ἀνεπίπλαστοσ πρόσ τε τὸν ἰδιώτην εὔθετοσ. Κράτητοσ γοῦν ποτε τοῦ κυνικοῦ πρὸσ μὲν τὸ ἐρωτηθὲν οὐκ ἀποκρινα‐ μένου, ἀποπαρδόντοσ δέ, "ᾔδειν," ἔφη, "ὡσ πάντα μᾶλλον φθέγξῃ ἢ ἃ δεῖ. ἀλλὰ καὶ ἰσχάδα προτείναντοσ αὐτῷ ποτε καὶ ἐρώτημα, δεξάμενον καταφαγεῖν·

τοῦ δέ, "ὦ Ἡράκλεισ," εἰπόντοσ, "ἀπολώλεκα τὴν ἰσχάδα· "οὐ μόνον," ἔφη, "ἀλλὰ καὶ τὸ ἐρώτημα, οὗ ἦν ἀρραβὼν ἡ ἰσχάσ. " πάλιν δὲ ἰδὼν τὸν Κράτητα χειμῶνοσ συγκεκαυμένον, "ὦ Κράτησ," εἶπε, "δοκεῖσ μοι χρείαν ἔχειν ἱματίου καινοῦ. " [ὅπερ ἦν νοῦ καὶ ἱματίου. ] καὶ τὸν ἀχθεσθέντα παρῳδῆσαι εἰσ αὐτὸν οὕτω· καὶ μὴν Στίλπων’ εἰσεῖδον χαλέπ’ ἄλγε’ ἔχοντα ἐν Μεγάροισ, ὅθι φασὶ Τυφωέοσ ἔμμεναι εὐνάσ. ἔνθα τ’ ἐρίζεσκεν, πολλοὶ δ’ ἀμφ’ αὐτὸν ἑταῖροι· τὴν δ’ ἀρετὴν παρὰ γράμμα διώκοντεσ κατέτριβον. Λέγεται δ’ οὕτωσ Ἀθήνησιν ἐπιστρέψαι τοὺσ ἀνθρώπουσ, ὥστ’ ἀπὸ τῶν ἐργαστηρίων συνθεῖν ἵνα αὐτὸν θεάσαιντο.

καί τινοσ εἰπόντοσ, "Στίλπων, θαυμάζουσί σε ὡσ θηρίον," "οὐ μὲν οὖν," εἰπεῖν, "ἀλλ’ ὡσ ἄνθρωπον ἀληθινόν. " δεινὸσ δ’ ἄγαν ὢν ἐν τοῖσ ἐριστικοῖσ ἀνῄρει καὶ τὰ εἴδη· καὶ ἔλεγε τὸν λέγοντα ἄνθρωπον εἶναι μηδένα· οὔτε γὰρ τόνδε εἶναι οὔτε τόνδε· τί γὰρ μᾶλλον τόνδε ἢ τόνδε; οὐδ’ ἄρα τόνδε. καὶ πάλιν· τὸ λάχανον οὐκ ἔστι τὸ δεικνύμενον· λάχανον μὲν γὰρ ἦν πρὸ μυρίων ἐτῶν· οὐκ ἄρα ἐστὶ τοῦτο λάχανον. φασὶ δ’ αὐτὸν ὁμιλοῦντα Κράτητι μετάξὺ σπεῦσαι ἰχθῦσ πρίασθαι· τοῦ δ’ ἐπισπωμένου καὶ φάσκοντοσ, "καταλείπεισ τὸν λόγον; "οὐκ ἔγωγε," ἔφη, "ἀλλὰ τὸν μὲν λόγον ἔχω, σὲ δὲ καταλείπω· ὁ μὲν γὰρ λόγοσ περιμενεῖ, τὸ δ’ ὄψον πεπράσεται. Φέρονται δ’ αὐτοῦ διάλογοι ἐννέα ψυχροί·

Στίλπωνόσ ἐστι βύσμαθ’ ὁ Χαρίνου λόγοσ. Μόσχοσ, Ἀρίστιπποσ ἢ Καλλίασ, Πτολεμαῖοσ, Χαιρεκράτησ, Μητροκλῆσ, Ἀναξιμένησ, Ἐπιγένησ, Πρὸσ τὴν ἑαυτοῦ θυγατέρα, Ἀριστοτέλησ. τούτου φησὶν Ἡρακλείδησ καὶ τὸν Ζήνωνα ἀκοῦσαι τὸν τῆσ στοᾶσ κτίστην. γηραιὸν δὲ τελευτῆσαί φησιν Ἕρμιπποσ, οἶνον προσενεγκάμενον ὅπωσ θᾶττον ἀποθάνοι. Ἔστι δὲ καὶ εἰσ τοῦτον ἡμῶν· τὸν Μεγαρέα Στίλπωνα, γιγνώσκεισ δ’ ἴσωσ, γῆρασ, ἔπειτα νόσοσ καθεῖλε, δύσμαχον ζυγόν· ἀλλ’ οἶνον εὑρ͂ε τῆσ κακῆσ συνωρίδοσ φέρτερον ἡνίοχν· <χανδὸν> πιὼν γὰρ ἤλασεν. προσεσκώφθη δὲ ὑπὸ Σωφίλου τοῦ κωμικοῦ ἐν δράματι Γάμῳ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, B, Kef. ia'. STILPWN

(디오게네스 라에르티오스, Lives of Eminent Philosophers, B, Kef. ia'. STILPWN)

상위

목록

SEARCH

MENU NAVIGATION