호흡부호 보기
강세부호 보기
장단부호 보기
작은 Iota 보기
모든 부호 보기
πολλῶν οὖν ὄντων τῶν ἰχθύων, οὓσ κατὰ τὰσ ἑκάστασ ὡρ́ασ ἐδαινύμεθα, ὦ θαυμασιώτατε Τιμόκρατεσ, κατὰ γὰρ τὸν Σοφοκλέα χορὸσ δ’ ἀναύδων ἰχθύων ἐπερρόθει, σαίνοντεσ οὐραίοισι οὐ τὴν κεκτημένην, ἀλλὰ τὰσ λοπάδασ· καὶ κατὰ τὰσ Ἀχαιοῦ δὲ Μοίρασ· πολὺσ γὰρ ὅμιλοσ ποντίου κύκλου σοβῶν ἐνάλιοσ θεωρία, χραίνοντεσ οὐραίοισιν εὐδίαν ἁλόσ, ἀπομνημονεύσω δέ σοι ἃ περὶ ἑκάστου ἔλεξαν οἱ δειπνοσοφισταί. πάντεσ γὰρ συνεισήνεγκαν εἰσ αὐτοὺσ τὰσ ἐκ βιβλίων συμβολάσ, ὧν τὰ ὀνόματα διὰ τὸ πλῆθοσ παραλείψω. ὅστισ ἀγοράζων ὄψον ἐξὸν ἀπολαύειν ἰχθύων ἀληθινῶν ῥαφανῖδασ ἐπιθυμεῖ πρίασθαι, μαίνεται·
φησὶν Ἄμφισ ἐν Λευκάδι ἵνα δὲ εὐμνημόνευτά σοι γένηται τὰ λεχθέντα, κατὰ στοιχεῖον τάξω τὰ ὀνόματα, καὶ γὰρ Σοφοκλέουσ εἰπόντοσ ἐν Αἰάντι μαστιγοφόρῳ τοὺσ ἰχθῦσ ἑλλοὺσ ἐφῆκεν ἑλλοῖσ ἰχθύσιν διαφθοράν, ἐζήτησέν τισ εἰ καὶ τῶν πρὸ αὐτοῦ τισ τῷ ὀνόματι κέχρηται. πρὸσ ὃν ὁ Ζωίλοσ ἔφη· ἐγὼ δὲ οὐκ ὢν ὀψοφαγίστατόσ ̔ οὕτω γὰρ Ξενοφῶν ὠνόμασεν ἐν Ἀπομνημονεύμασι γράφων οὕτωσ · ̓ οἶδα ὅτι ὁ τὴν Τιτανομαχίαν ποιήσασ, εἴτ’ Εὔμηλόσ ἐστιν ὁ Κορίνθιοσ ἢ Ἀρκτῖνοσ ἢ ὅστισ δήποτε χαίρει ὀνομαζόμενοσ, ἐν τῷ δευτέρῳ οὕτωσ εἴρηκεν ἐν δ’ αὐτῇ πλωτοὶ χρυσώπιδεσ ἰχθύεσ ἑλλοὶ νήχοντεσ παίζουσι δι’ ὕδατοσ ἀμβροσίοιο.
ἔχαιρε δὲ Σοφοκλῆσ τῷ ἐπικῷ κύκλῳ, ὡσ καὶ ὅλα δράματα ποιῆσαι κατακολουθῶν τῇ ἐν τούτῳ μυθοποιίᾳ.
호흡부호 보기
강세부호 보기
장단부호 보기
작은 Iota 보기
모든 부호 보기