헬라어 문장 검색 - Αρριαν́Αναβασί2́15́

(아리아노스, Anabasis, book 2, chapter 15)

Πρὸσ μὲν Δαρεῖον ταῦτ̓ ἐπέστειλεν. ἐπεὶ δ̓ ἔμαθεν τά τε χρήματα ὅσα σὺν Κωφῆνι τῷ Ἀρταβάζου ἀποπεπόμφει εἰσ Δαμασκὸν Δαρεῖοσ ὅτι ἑάλωκε, καὶ ὅσοι Περσῶν ἀμφ̓ αὐτὰ ἐγκατελείφθησαν ξὺν τῇ ἄλλῃ βασιλικῇ κατασκευῇ ὅτι καὶ οὗτοι ἑάλωσαν, ταῦτα μὲν ὀπίσω κομίσαντα ἐσ Δαμασκὸν Παρμενίωνα φυλάσσειν ἐκέλευε. τοὺσ δὲ πρέσβεισ τῶν Ἑλλήνων οἳ πρὸσ Δαρεῖον πρὸ τῆσ μάχησ ἀφιγμένοι ἦσαν, ἐπεὶ καὶ τούτουσ ἑαλωκέναι ἔμαθεν, παῤ αὑτὸν πέμπειν ἐκέλευεν.

ἦσαν δὲ Εὐθυκλῆσ μὲν Σπαρτιάτησ, Θεσσαλίσκοσ δὲ Ἰσμηνίου καὶ Διονυσόδωροσ Ὀλυμπιονίκησ Θηβαῖοι, Ἰφικράτησ δὲ ὁ Ἰφικράτουσ τοῦ στρατηγοῦ Ἀθηναῖοσ. καὶ οὗτοι ὡσ ἧκον παρὰ Ἀλέξανδρον, Θεσσαλίσκον μὲν καὶ Διονυσόδωρον καίπερ Θηβαίουσ ὄντασ εὐθὺσ ἀφῆκεν, τὸ μέν τι κατοικτίσει τῶν Θηβῶν, τὸ δὲ ὅτι συγγνωστὰ δεδρακέναι ἐφαίνοντο, ἠνδραποδισμένησ ὑπὸ Μακεδόνων τῆσ πατρίδοσ σφίσιν τε ἥντινα ἠδύναντο ὠφέλειαν εὑρισκόμενοι καὶ εἰ δή τινα καὶ τῇ πατρίδι ἐκ Περσῶν καὶ Δαρείου·

ταῦτα μὲν ὑπὲρ ἀμφοῖν ἐπιεικῆ ἐνθυμηθείσ, ἰδίᾳ δὲ Θεσσαλίσκον μὲν αἰδοῖ τοῦ γένουσ ἀφιέναι εἶπεν, ὅτι τῶν ἐπιφανῶν Θηβαίων ἦν, Διονυσόδωρον δὲ ἐπὶ τῇ νίκῃ τῶν Ὀλυμπίων.

Ἰφικράτην δὲ φιλίᾳ τε τῆσ Ἀθηναίων πόλεωσ καὶ μνήμῃ τῆσ δόξησ τοῦ πατρὸσ ζῶντά τε ἀμφ̓ αὑτὸν ἔχων ἐσ τὰ μάλιστα ἐτίμησε καὶ νόσῳ τελευτήσαντοσ τὰ ὀστᾶ ἐσ τὰσ Ἀθήνασ τοῖσ πρὸσ γένουσ ἀπέπεμψεν. Εὐθυκλέα δὲ Λακεδαιμόνιόν τε ὄντα, πόλεωσ περιφανῶσ ἐχθρᾶσ ἐν τῷ τότε, καὶ αὐτὸν οὐδὲν ἰδίᾳ εὑρισκόμενον ἐσ ξυγγνώμην ὅ τι καὶ λόγου ἄξιον, τὰ μὲν πρῶτα ἐν φυλακῇ ἀδέσμῳ εἶχεν, ὕστερον δέ, ὡσ ἐπὶ μέγα εὐτύχει, καὶ τοῦτον ἀφῆκεν.

Ἐκ Μαράθου δὲ ὁρμηθεὶσ Βύβλον τε λαμβάνει ὁμολογίᾳ ἐνδοθεῖσαν καὶ Σιδῶνα αὐτῶν Σιδωνίων ἐπικαλεσαμένων κατὰ ἔχθοσ τὸ Περσῶν καὶ Δαρείου.

ἐντεῦθεν δὲ προὐχώρει ὡσ ἐπὶ Τύρον· καὶ ἐντυγχάνουσιν αὐτῷ κατὰ τὴν ὁδὸν πρέσβεισ Τυρίων ἀπὸ τοῦ κοινοῦ ἐσταλμένοι ὡσ ἐγνωκότων Τυρίων πράσσειν ὅ τι ἂν ἐπαγγέλλῃ Ἀλέξανδροσ. ὁ δὲ τήν τε πόλιν ἐπαινέσασ καὶ τοὺσ πρέσβεισ ̔καὶ γὰρ ἦσαν τῶν ἐπιφανῶν ἐν Τύρῳ οἵ τε ἄλλοι καὶ ὁ τοῦ βασιλέωσ τῶν Τυρίων παῖσ.

αὐτὸσ δὲ ὁ βασιλεὺσ Ἀζέμιλκοσ μετ̓ Αὐτοφραδάτου ἔπλεἰ ἐκέλευσεν ἐπανελθόντασ φράσαι Τυρίοισ, ὅτι ἐθέλοι παρελθὼν ἐσ τὴν πόλιν θῦσαι τῷ Ἡρακλεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 15

(아리아노스, Anabasis, book 2, chapter 15)

상위

목록

SEARCH

MENU NAVIGATION