헬라어 문장 검색 - Αρριαν́ΑξιεσΞό

(아리아노스, Acies Contra Alanos)

Ἡγεῖσθαι μὲν τῆσ πάσησ στρατιᾶσ τοὺσ κατασκόπουσ ἱππέασ ἐπὶ δυοῖν τεταγμένουσ σὺν τῷ οἰκείῳ ἡγεμόνι. ἐπὶ τούτοισ δὲ τοὺσ ἱπποτοξότασ τοὺσ Πετραίουσ, καὶ τούτουσ ἐπὶ δυοῖν. ἀγόντων δὲ αὐτοὺσ οἱ δεκάδαρχοι. ἐπὶ δὲ τούτοισ ἐπιτετάχθων οἱ ἀπὸ τῆσ ἴλησ ᾗτινι Αὐριανοὶ ὄνομα. συντετάχθων δὲ αὐτοῖσ οἱ τῆσ σπείρασ τῆσ τετάρτησ τῶν Ῥαιτῶν, ἧσ ἄρχων Δάφνησ Κορίνθιοσ, ἐπὶ τούτοισ δὲ οἱ ἀπὸ τῆσ ἴλησ ᾗ ὄνομα Κολῶνεσ.

συντετάχθων δὲ αὐτοῖσ Ἰτουραῖοι καὶ Κυρηναῖοι καὶ οἱ ἀπὸ τῆσ πρώτησ Ῥαιτικῆσ. συμπάντων δὲ τούτων ἀρχέτω Δημήτριοσ.

ἐπὶ τούτοισ δὲ οἱ Κελτοὶ ἱππῆσ, καὶ οὗτοι ἐπὶ δυοῖν, καὶ τούτων ἡγείσθω ἑκατόνταρχοσ, ὥσπερ ἐπὶ στρατοπέδου. πεζοὶ δὲ ἐπὶ τούτοισ τετάχθων, τὰ σημεῖα ἀνατεταμένα πρὸ σφῶν ἔχοντεσ, οἵ τε Ἰταλοὶ καὶ Κυρηναίων οἱ παρόντεσ.

πάντων δὲ ἡγείσθω Πούλχερ, ὅσπερ ἄρχει τοῖσ Ἰταλοῖσ. Βοσπορανοὶ δὲ ἐπὶ τούτοισ πεζοὶ ἰόντων, ἡγεμόνα παρεχόμενοι Λαμπροκλέα, καὶ οἱ Νομάδεσ ἐπὶ τούτοισ ὑποτεταγμένοι Οὐήρῳ τῷ σφετέρῳ ἄρχοντι. ἡ τάξισ δὲ ἔστω ἐσ ὁπλίτασ τέσσαρασ.

αὐτῶν δὲ τούτων ὅσοι τοξόται ἡγείσθων. τὰσ δὲ πλευρὰσ τῆσ τάξεωσ φυλασσόντων ἑκατέρωθεν οἱ ἱππεῖσ οἱ Ἀκεῖοι. ἐπὶ δὲ τούτοισ οἱ ἐπίλεκτοι ἱππεῖσ ἰόντων, καὶ ἐπὶ τούτοισ οἱ ἀπὸ τῆσ φάλαγγοσ ἱππῆσ, ἔπειτα οἱ καταπέλται, ἔπειτα τὸ σημεῖον τῆσ πεντεκαιδεκάτησ φάλαγγοσ, καὶ ἀμφ̓ αὐτῷ ὁ ἡγεμὼν τῆσ φάλαγγοσ Οὐάλησ, καὶ ὁ ὕπαρχοσ καὶ οἱ χιλίαρχοι οἷσ τέτακται, καὶ οἱ ἑκατόνταρχοι οἱ τῆσ πρώτησ σπείρασ ἐπιστάται. πρὸ δὲ τοῦ σημείου αὖ τῶν πεζῶν οἱ ἀκοντισταὶ τετάχθων.

αὐτοὺσ δὲ τοὺσ πεζοὺσ ἐπὶ τεσσάρων τεταγμένουσ ἰέναι. ἐπὶ δὲ τῇ πεντεκαιδεκάτῃ φάλαγγι τετάχθω τὸ σημεῖον τῆσ δωδεκάτησ φάλαγγοσ, καὶ χιλίαρχοι ἀμφ̓ αὐτῷ καὶ ἑκατόνταρχοι.

ἐπὶ τεσσάρων ὡσαύτωσ καὶ ἥδε ἡ φάλαγξ ἴτω τεταγμένη. ἐπὶ δὲ τῷ ὁπλιτικῷ τετάχθω τὸ συμμαχικόν, οἵ τε ἀπὸ τῆσ σμικρᾶσ Ἀρμενίασ καὶ Τραπεζουντίων, οἱ ὁπλῖται καὶ οἱ Κόλχοι καὶ Ῥιζιανοὶ οἱ λογχοφόροι.

ἐπιτετάχθων δὲ αὐτοῖσ οἱ Ἀπλανοὶ πεζοί.

παντὸσ δὲ τοῦ συμμαχικοῦ ἡγεμὼν ἔστω Σεκουνδῖνοσ, ὅσπερ τῶν Ἀπλανῶν ἡγεῖται. ἐπὶ τούτοισ δὲ τὰ σκευοφόρα ἑπέσθω.

οὐραγείτω δὲ ἡ ἴλη τῶν Γετῶν καὶ ὁ ταύτησ ἴλαρχοσ. τὰσ πλευρὰσ δὲ τοῦ πεζικοῦ κοσμούντων μὲν ἑκατόνταρχοι καὶ οἱ ἐπὶ τῷδε τεταγμένοι, φυλακῆσ δὲ ἕνεκα ἴλη ἡ Ἀλλακτικὴ παριππευέτω ἐπὶ ἕνα στοῖχον ἑκατέρωθεν τεταγμένη, καὶ οἱ τῶν Ἰταλῶν ἱππῆσ.

ὁ δὲ ἴλαρχοσ αὐτῶν ἐπιφοιτάτω ταῖσ πλευραῖσ. ὁ δὲ ἡγεμὼν τῆσ πάσησ στρατιᾶσ Ξενοφῶν τὸ πολὺ μὲν πρὸ τῶν σημείων τῶν πεζικῶν ἡγείσθω, ἐπιφοιτάτω δὲ πάσῃ τῇ τάξει, καὶ ἐπισκοπείτω ὅπωσ τεταγμένοι ἰᾶσι, καὶ τοὺσ μὲν ἀτακτοῦντασ ἐσ τάξιν ἐπαναγέτω, τοὺσ δὲ ἐν κόσμῳ ἰόντασ ἐπαινείτω.

οὕτω μὲν τεταγμένουσ ἰέναι.

ἐλθόντασ δὲ ἐσ τὸ ἀποδεδειγμένον χωρίον, τὴν μὲν ἵππον πᾶσαν περιστῆσαι ἐν κύκλῳ ἐσ τετράγωνον τάξιν, τοὺσ κατασκόπουσ δὲ πέμψαι ἐσ τὰ ὑπερδέξια χωρία σκοπῆσ ἕνεκα τῶν πολεμίων.

ἐνταῦθα δὲ ἀπὸ σημείου ὁπλίζεσθαι σιγῇ, ὁπλισαμένουσ δὲ ἐσ τάξιν καθίστασθαι. ἡ τάξισ δὲ ἔστω ἥδε.

τὸ μὲν κέρασ ἑκάτερον τῶν πεζῶν τὰ ὑπερδέξια ἐχέτω τῶν χωρίων, ὅτι ἐν τοιῷδε ἡ ἔκταξισ ἔσται. ἐπιτετάχθων δὲ τῷ κέρᾳ τῷ μὲν δεξιῷ οἱ ἀμφὶ Οὐασάκην καὶ Ἄρβηλον Ἀρμένιοι, τὸ ὑπερδεξιώτατον τοῦ κέρωσ ἔχοντεσ, ὅτι τοξόται εἰσὶν οἱ σύμπαντεσ. προτετάχθων δὲ αὐτῶν οἱ τῆσ σπείρασ τῆσ Ἰταλικῆσ πεζοί.

πάντων δὲ ἡγείσθω Πούλχερ, ὅσπερ καὶ τῆσ σπείρασ τῆσ Ἰταλικῆσ ἄρχει. καὶ τούτῳ ἐπιτετράφθω αὐτόσ τε ὁ Οὐασάκησ καὶ Ἄρβηλοσ καὶ ἐκείνων ἱππικόν τε καὶ πεζικόν. ἐπὶ δὲ τοῦ ἀριστεροῦ τετάχθων καὶ οὗτοι τὸ ὑπερδεξιώτατον τοῦ κέρωσ ἔχοντεσ οἵ τε ἀπὸ τῆσ σμικρᾶσ Ἀρμενίασ σύμμαχοι καὶ οἱ Τραπεζουντίων γυμνῆτεσ καὶ οἱ Ῥιζιανοὶ λογχοφόροι.

προτετάχθων δὲ τούτων οἱ Ἀπλανοὶ οἱ διακόσιοι, καὶ Κυρηναῖοι οἱ ἑκατόν, ὡσ προβολὴν μὲν εἶναι πρὸ τῶν ἀκοντιστῶν τοὺσ ὁπλίτασ, τοὺσ δὲ ὑπερακοντίζειν ἐκ τοῦ ὑπερδεξιοῦ.

τὸ δὲ ἐν μέσῳ σύμπαν τὸ μὲν δεξιὸν ἐχέτω ἡ πεζικὴ φάλαγξ ἡ πεντεκαιδεκάτη ὑπὲρ τὸ μέσον τοῦ παντὸσ χωρίου, ὅτι πολὺ πλείονεσ πλήθει οὗτοί εἰσι·

τὸ δὲ ὑπόλοιπον τοῦ ἀριστεροῦ ἐκπληρούντων οἱ τῆσ δωδεκάτησ φάλαγγοσ πεζοὶ ἔστε ἐπὶ τὸ ἄκρον τοῦ κέρωσ τοῦ ἀριστεροῦ. τετάχθων δὲ ἐπὶ ὀκτώ, καὶ πυκνὴ αὐτοῖσ ἔστω ἡ σύγκλεισισ.

καὶ αἱ μὲν πρῶται τέσσαρεσ τάξεισ ἔστων κοντοφόρων, ὧν δὴ τοῖσ κοντοῖσ μακρὰ καὶ ἐπίλεπτα τὰ σιδήρια προῆκται. καὶ τούτουσ οἱ μὲν πρωτοστάται ἐσ προβολὴν ἐχόντων, ὡσ εἰ πελάζοιεν αὐτοῖσ οἱ πολέμιοι, κατὰ τὰ στήθη μάλιστα τῶν ἵππων τίθεσθαι τῶν κοντῶν τὸν σίδηρον· οἱ δευτεροστάται δὲ καὶ οἱ τῆσ τρίτησ καὶ τετάρτησ τάξεωσ ἐσ ἀκοντισμὸν προβεβλήσθων τοὺσ κοντοὺσ ὅπου τύχοιεν, καὶ ἵππουσ τρώσοντεσ, καὶ ἱππότην κατακανοῦντεσ, ἢ θυρεῷ καὶ θώρακι ἐμπαγέντοσ τοῦ κοντοῦ καὶ διὰ μαλθακότητα τοῦ σιδήρου ἐπικαμφθέντοσ ἀχρεῖον τὸν ἀναβάτην ποιήσοντεσ.

αἱ δὲ ἐφεξῆσ τάξεισ λογχοφόρων ἔστων. ἐνάτη δὲ ἐπὶ τούτοισ ἔστω τάξισ οἱ πεζοὶ τοξόται, οἱ τῶν Νομάδων καὶ Κυρηναίων καὶ Βοσπορανῶν τε καὶ Ἰτουραίων.

μηχαναὶ δὲ ἐφεστάντων τῷ κέρᾳ ἑκατέρῳ, ὡσ πορρωτάτω προσιόντων τῶν πολεμίων ἐξακοντίζειν, καὶ αὗται κατόπιν τῆσ πάσησ φάλαγγοσ.

Τὸ δὲ ἱππικὸν σύμπαν κατὰ ἴλασ καὶ λόχουσ ὀκτὼ συντεταγμένον ἐφεστάτω τοῖσ πεζοῖσ, τὸ μὲν τοῖσ κέρασιν ἑκατέροισ προβολὴν ἔχον τοὺσ ὁπλίτασ πρὸ σφῶν καὶ τοὺσ τοξότασ, λόχοι δύο·

τὸ δὲ τῇ μέσῃ φάλαγγι, λόχοι ἕξ μημιον.

τούτων δὲ ὅσοι μὲν ἱπποτοξόται πλησίον τῆσ φάλαγγοσ ἐφεστάντων, ὡσ ὑπερτοξεύειν ὑπὲρ αὐτήν·

ὅσοι δὲ λογχοφόροι ἢ κοντοφόροι ἢ μαχαιροφόροι ἢ πελεκοφόροι ἐσ τὰ πλάγιά τε ἑκατέρωθεν ὁρώντων καὶ τὸ σύνθημα προσμενόντων. οἱ δὲ ἐπίλεκτοι ἱππῆσ ἀμφ̓ αὐτὸν Ξενοφῶντα ἔστων, καὶ τῶν ἀπὸ τῆσ φάλαγγοσ πεζῶν ὅσον ἐσ διακοσίουσ, οἱ σωματοφύλακεσ, καὶ ἑκατόνταρχοι ὅσοι τοῖσ ἐπιλέκτοισ συντεταγμένοι, καὶ οἱ τῶν σωματοφυλάκων ἡγεμόνεσ, καὶ δέκαρχοι οἱ τῶν ἐπιλέκτων.

ἔστων δὲ ἀμφ̓ αὐτὸν ασ ἑκατὸν κούφων λογχοφόρων, ὡσ πᾶσαν ἐπιφοιτῶν τὴν φάλαγγα ὅπου τι ἐνδεὲσ καταμανθάνοι, ἐκεῖνο ἴδῃ καὶ θεραπεύσῃ.

ἡγείσθω δὲ τοῦ μὲν δεξιοῦ κέρωσ παντὸσ σὺν τῷ ἱππικῷ Οὐάλησ, ὅσπερ καὶ τῆσ πεντεκαιδεκάτησ φάλαγγοσ ἡγεμών ἐστιν·

τοῦ δὲ ἀριστεροῦ οἱ χιλίαρχοι τῆσ δωδεκάτησ.

οὕτω δὲ ταχθέντων σιγὴ ἔστω ἔστ̓ ἂν πελάσωσιν ἐντὸσ βέλουσ οἱ πολέμιοι·

πελαζόντων δὲ ἤδη ὡσ μέγιστον καὶ φοβερώτατον ἀλαλάζειν σύμπαντασ τῷ Ἐνυαλίῳ, καὶ βέλη τε ἀπὸ μηχανῶν καὶ λίθουσ ἀφίεσθαι καὶ βέλη ἀπὸ τόξων, καὶ τὰσ λόγχασ οἱ λογχοφόροι ἀκοντιζόντων, οἵ τε ψιλοὶ καὶ οἱ θειασταί. φερέσθων δὲ καὶ λίθοι ἐσ τοὺσ πολεμίουσ ἀπὸ τοῦ συμμαχικοῦ ἐκ τῶν ὑπερδεξίων, καὶ τὸ πᾶν ἀκροβολισμὸσ ἔστω πανταχόθεν ὡσ ἔνι πυκνότατοσ ἐσ τάραξίν τε τῶν ἵππων καὶ ὄλεθρον τῶν ἱππέων. καὶ ἐλπὶσ μὲν ὑπὸ ἀδιηγήτου πλήθουσ τῶν βελῶν μὴ ἐπὶ πλέον πελάσειν τῇ πεζικῇ φάλαγγι ἐπελαύνοντασ τοὺσ Σκύθασ·

εἰ δὲ δὴ πελάζοιεν, ἐγχρίμψαντασ ταῖσ ἀσπίσι καὶ τοῖσ ὤμοισ ἀντερείσαντασ δέχεσθαι τὴν προσβολὴν ὡσ καρτερώτατα καὶ τῇ συγκλείσει πυκνοτάτῃ τὰσ πρώτασ τρεῖσ τάξεισ συνερειδούσασ σφίσιν ὡσ βιαιότατον οἱο͂́ν τε· τὴν τετάρτην δὲ ὑπερακοντίζειν τὰσ λόγχασ· καὶ τὴν πρώτην παίειν ἢ ἀκοντίζειν τοῖσ κοντοῖσ ἀφειδῶσ ἔσ τε ἵππουσ καὶ αὐτούσ.

ἀπωσθέντων δὲ εἰ μὲν φυγὴ λαμπρὰ γένοιτο, διαχωρεῖν ἤδη τὰσ πεζικὰσ τάξεισ καὶ ἐπελαύνειν τοὺσ ἱππέασ, μὴ πάντασ τοὺσ λόχουσ ἀλλὰ τοὺσ ἡμίσεασ·

τετάχθαι δὲ πρώτουσ οἵτινεσ καὶ πρῶτοι ἐπελάσουσιν.

τοὺσ δὲ ἄλλουσ ἡμίσεασ ἕπεσθαι μὲν τοῖσ ἐπελαύνουσιν, ἐν τάξει δὲ καὶ μὴ παντελεῖ τῇ διώξει χρωμένουσ, ὡσ εἰ μὲν φυγὴ καρτερὰ κατάσχοι, ἐκδέξασθαι τὴν πρώτην δίωξιν ἀκμήτοισ τοῖσ ἵπποισ, εἰ δέ τισ ἐπιστροφὴ καταλαμβάνοι, ἐπιθέσθαι τοῖσ ἐπιστρέφουσιν. ὁμοῦ δὲ οἵ τε Ἀρμένιοι τοξόται ἐπελαύνοντεσ τοξευόντων, ὡσ μὴ παρασχεῖν ἀναστροφὴν τοῖσ φεύγουσι, καὶ οἱ λογχοφόροι οἱ γυμνῆτεσ δρόμῳ ἑπέσθων·

μένειν δὲ μηδὲ τὴν πεζικὴν τάξιν ἐν χώρᾳ ἔτι, ἀλλὰ προχωρεῖν θᾶττον ἢ βάδην, ὡσ εἴ τι καρτερώτερον ἀπαντῴη ἀπὸ τῶν πολεμίων, αὖθισ εἶναι προβολὴν πρὸ τῶν ἱππέων. τάδε μὲν γίγνεσθαι, εἰ ἀπὸ τὴσ πρώτησ προσβολῆσ φυγὴ κατάσχοι τοὺσ ἐναντίουσ· εἰ δὲ ἐπιστραφέντεσ ἐσ κύκλουσ ὑπὲρ τὰ κέρατα παρελαύνειν ἐθέλοιεν, ἀνατείνεσθαι ἐσ τὰ ὑπερδεξιώτερα ἔτι τὰ κέρατα αὐτῆσ τῆσ ψιλῆσ τοξείασ·

ὡσ οὐ δοκιμάζω μήποτε ἀσθενῆ τῇ ἀνατάσει τὰ κέρατα γιγνόμενα ἰδόντεσ δἰ αὐτῶν ὤσωνται καὶ διακόψωσι τὸ πεζικόν.

ὑπερβαλλόντων δὲ τὰ κέρατα ἑκάτερα ἢ ὁπότερον οὖν,πᾶσα ἤδη ἀνάγκη πλαγίουσ μὲν αὐτοῖσ γίγνεσθαι τοὺσ ἵππουσ, πλαγίουσ δὲ τοὺσ κοντούσ.

ἐνταῦθα δὴ ἐμβαλλόντων ἐσ αὐτοὺσ οἱ ἱππῆσ, μὴ ἀκοντισμῷ ἔτι ἀλλὰ ταῖσ σπάθαισ αὖ συμφερόμενοι, οἳ δὲ τοῖσ πελέκεσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Acies Contra Alanos

(아리아노스, Acies Contra Alanos)

목록

SEARCH

MENU NAVIGATION