헬라어 문장 검색 - ΑριστοπήΩασπσ́13́00́0́

(아리스토파네스, Wasps, Episode)

ἰὼ χελῶναι μακάριαι τοῦ δέρματοσ, καὶ τρὶσ μακάριαι τοῦ ’πὶ ταῖσ πλευραῖσ τέγουσ. ὡσ εὖ κατηρέψασθε καὶ νουβυστικῶσ κεράμῳ τὸ νῶτον ὥστε τὰσ πληγὰσ στέγειν. ἐγὼ δ’ ἀπόλωλα στιζόμενοσ βακτηρίᾳ. τί δ’ ἔστιν ὦ παῖ; παῖδα γάρ, κἂν ᾖ γέρων, καλεῖν δίκαιον ὅστισ ἂν πληγὰσ λάβῃ. οὐ γὰρ ὁ γέρων ἀτηρότατον ἄρ’ ἦν κακὸν καὶ τῶν ξυνόντων πολὺ παροινικώτατοσ; καίτοι παρῆν Ἵππυλλοσ Ἀντιφῶν Λύκων Λυσίστρατοσ Θούφραστοσ οἱ περὶ Φρύνιχον. τούτων ἁπάντων ἦν ὑβριστότατοσ μακρῷ. εὐθὺσ γὰρ ὡσ ἐνέπλητο πολλῶν κἀγαθῶν, ἐνήλατ’ ἐσκίρτα ’πεπόρδει κατεγέλα ὥσπερ καχρύων ὀνίδιον εὐωχημένον κἄτυπτεν ἐμὲ νεανικῶσ παῖ παῖ καλῶν. εἶτ’ αὐτὸν ὡσ εἶδ’ ᾔκασεν Λυσίστρατοσ· ἐοίκασ ὦ πρεσβῦτα νεοπλούτῳ τρυγὶ κλητῆρί τ’ εἰσ ἀχυρμὸν ἀποδεδρακότι. ὁ δ’ ἀνακραγὼν ἀντῄκασ’ αὐτὸν πάρνοπι τὰ θρῖα τοῦ τρίβωνοσ ἀποβεβληκότι, Σθενέλῳ τε τὰ σκευάρια διακεκαρμένῳ. οἱ δ’ ἀνεκρότησαν, πλήν γε Θουφράστου μόνου· οὗτοσ δὲ διεμύλλαινεν ὡσ δὴ δεξιόσ. ὁ γέρων δὲ τὸν Θούφραστον ἤρετ’· ’εἰπέ μοι, ἐπὶ τῷ κομᾷσ καὶ κομψὸσ εἶναι προσποιεῖ, κωμῳδολοιχῶν περὶ τὸν εὖ πράττοντ’ ἀεί; ’ τοιαῦτα περιύβριζεν αὐτοὺσ ἐν μέρει, σκώπτων ἀγροίκωσ καὶ προσέτι λόγουσ λέγων ἀμαθέστατ’ οὐδὲν εἰκότασ τῷ πράγματι. ἔπειτ’ ἐπειδὴ ’μέθυεν, οἴκαδ’ ἔρχεται τύπτων ἅπαντασ, ἤν τισ αὐτῷ ξυντύχῃ. ὁδὶ δὲ καὶ δὴ σφαλλόμενοσ προσέρχεται. ἀλλ’ ἐκποδὼν ἄπειμι πρὶν πληγὰσ λαβεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Wasps, Episode

(아리스토파네스, Wasps, Episode)

상위

목록

SEARCH

MENU NAVIGATION