헬라어 문장 검색 - ΑριστοπήΩασπσ́10́02́0́

(아리스토파네스, Wasps, Parabasis, parabasis)

νῦν αὖτε λεῲ προσέχετε τὸν νοῦν, εἴπερ καθαρόν τι φιλεῖτε. μέμψασθαι γὰρ τοῖσι θεαταῖσ ὁ ποιητὴσ νῦν ἐπιθυμεῖ. ἀδικεῖσθαι γάρ φησιν πρότεροσ πόλλ’ αὐτοὺσ εὖ πεποιηκώσ, τὰ μὲν οὐ φανερῶσ ἀλλ’ ἐπικουρῶν κρύβδην ἑτέροισι ποιηταῖσ, μιμησάμενοσ τὴν Εὐρυκλέουσ μαντείαν καὶ διάνοιαν, εἰσ ἀλλοτρίασ γαστέρασ ἐνδὺσ κωμῳδικὰ πολλὰ χέασθαι· μετὰ τοῦτο δὲ καὶ φανερῶσ ἤδη κινδυνεύων καθ’ ἑαυτόν, οὐκ ἀλλοτρίων ἀλλ’ οἰκείων Μουσῶν στόμαθ’ ἡνιοχήσασ. ἀρθεὶσ δὲ μέγασ καὶ τιμηθεὶσ ὡσ οὐδεὶσ πώποτ’ ἐν ὑμῖν, οὐκ ἐκτελέσαι φησὶν ἐπαρθεὶσ οὐδ’ ὀγκῶσαι τὸ φρόνημα, οὐδὲ παλαίστρασ περικωμάζειν πειρῶν· οὐδ’ εἴ τισ ἐραστὴσ κωμῳδεῖσθαι παιδίχ’ ἑαυτοῦ μισῶν ἔσπευσε πρὸσ αὐτόν, οὐδενὶ πώποτέ φησι πιθέσθαι, γνώμην τιν’ ἔχων ἐπιεικῆ, ἵνα τὰσ Μούσασ αἷσιν χρῆται μὴ προαγωγοὺσ ἀποφήνῃ. οὐδ’ ὅτε πρῶτόν γ’ ἦρξε διδάσκειν, ἀνθρώποισ φήσ’ ἐπιθέσθαι, ἀλλ’ Ἡρακλέουσ ὀργήν τιν’ ἔχων τοῖσι μεγίστοισ ἐπιχειρεῖν, θρασέωσ ξυστὰσ εὐθὺσ ἀπ’ ἀρχῆσ αὐτῷ τῷ καρχαρόδοντι, οὗ δεινόταται μὲν ἀπ’ ὀφθαλμῶν Κύννησ ἀκτῖνεσ ἔλαμπον, ἑκατὸν δὲ κύκλῳ κεφαλαὶ κολάκων οἰμωξομένων ἐλιχμῶντο περὶ τὴν κεφαλήν, φωνὴν δ’ εἶχεν χαράδρασ ὄλεθρον τετοκυίασ, φώκησ δ’ ὀσμήν, Λαμίασ ὄρχεισ ἀπλύτουσ, πρωκτὸν δὲ καμήλου. τοιοῦτον ἰδὼν τέρασ οὔ φησιν δείσασ καταδωροδοκῆσαι, ἀλλ’ ὑπὲρ ὑμῶν ἔτι καὶ νυνὶ πολεμεῖ· φησίν τε μετ’ αὐτὸν τοῖσ ἠπιάλοισ ἐπιχειρῆσαι πέρυσιν καὶ τοῖσ πυρετοῖσιν, οἳ τοὺσ πατέρασ τ’ ἦγχον νύκτωρ καὶ τοὺσ πάππουσ ἀπέπνιγον, κατακλινόμενοί τ’ ἐπὶ ταῖσ κοίταισ ἐπὶ τοῖσιν ἀπράγμοσιν ὑμῶν ἀντωμοσίασ καὶ προσκλήσεισ καὶ μαρτυρίασ συνεκόλλων, ὥστ’ ἀναπηδᾶν δειμαίνοντασ πολλοὺσ ὡσ τὸν πολέμαρχον. τοιόνδ’ εὑρόντεσ ἀλεξίκακον τῆσ χώρασ τῆσδε καθαρτήν, πέρυσιν καταπροὔδοτε καινοτάταισ σπείραντ’ αὐτὸν διανοίαισ, ἃσ ὑπὸ τοῦ μὴ γνῶναι καθαρῶσ ὑμεῖσ ἐποιήσατ’ ἀναλδεῖσ· καίτοι σπένδων πόλλ’ ἐπὶ πολλοῖσ ὄμνυσιν τὸν Διόνυσον μὴ πώποτ’ ἀμείνον’ ἔπη τούτων κωμῳδικὰ μηδέν’ ἀκοῦσαι. τοῦτο μὲν οὖν ἔσθ’ ὑμῖν αἰσχρὸν τοῖσ μὴ γνοῦσιν παραχρῆμα, ὁ δὲ ποιητὴσ οὐδὲν χείρων παρὰ τοῖσι σοφοῖσ νενόμισται, εἰ παρελαύνων τοὺσ ἀντιπάλουσ τὴν ἐπίνοιαν ξυνέτριψεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Wasps, Parabasis, parabasis

(아리스토파네스, Wasps, Parabasis, parabasis)

상위

목록

SEARCH

MENU NAVIGATION