Aristophanes, Wasps, Choral, trochees 1:

(아리스토파네스, Wasps, Choral, trochees 1:)

ὡσ ἅπανθ’ ὑμῖν τυραννίσ ἐστι καὶ ξυνωμόται, ἤν τε μεῖζον ἤν τ’ ἔλαττον πρᾶγμά τισ κατηγορῇ, ἧσ ἐγὼ οὐκ ἤκουσα τοὔνομ’ οὐδὲ πεντήκοντ’ ἐτῶν· νῦν δὲ πολλῷ τοῦ ταρίχουσ ἐστὶν ἀξιωτέρα, ὥστε καὶ δὴ τοὔνομ’ αὐτῆσ ἐν ἀγορᾷ κυλίνδεται. ἢν μὲν ὠνῆταί τισ ὀρφὼσ μεμβράδασ δὲ μὴ ’θέλῃ, εὐθέωσ εἴρηχ’ ὁ πωλῶν πλησίον τὰσ μεμβράδασ· ’οὗτοσ ὀψωνεῖν ἐοίχ’ ἅνθρωποσ ἐπὶ τυραννίδι. ’ ἢν δὲ γήτειον προσαιτῇ ταῖσ ἀφύαισ ἥδυσμά τι, ἡ λαχανόπωλισ παραβλέψασά φησι θατέρῳ· εἰπέ μοι, γήτειον αἰτεῖσ· πότερον ἐπὶ τυραννίδι, ἢ νομίζεισ τὰσ Ἀθήνασ σοὶ φέρειν ἡδύσματα; κἀμέ γ’ ἡ πόρνη χθὲσ εἰσελθόντα τῆσ μεσημβρίασ, ὅτι κελητίσαι ’κέλευον, ὀξυθυμηθεῖσά μοι ἤρετ’ εἰ τὴν Ἱππίου καθίσταμαι τυραννίδα. ταῦτα γὰρ τούτοισ ἀκούειν ἡδἔ, εἰ καὶ νῦν ἐγὼ τὸν πατέρ’ ὅτι βούλομαι τούτων ἀπαλλαχθέντα τῶν ὀρθροφοιτοσυκοφαντοδικοταλαιπώρων τρόπων ζῆν βίον γενναῖον ὥσπερ Μόρυχοσ, αἰτίαν ἔχω ταῦτα δρᾶν ξυνωμότησ ὢν καὶ φρονῶν τυραννικά. νὴ Δί’ ἐν δίκῃ γ’· ἐγὼ γὰρ οὐδ’ ἂν ὀρνίθων γάλα ἀντὶ τοῦ βίου λάβοιμ’ ἂν οὗ με νῦν ἀποστερεῖσ· οὐδὲ χαίρω βατίσιν οὐδ’ ἐγχέλεσιν, ἀλλ’ ἥδιον ἄν δικίδιον σμικρὸν φάγοιμ’ ἂν ἐν λοπάδι πεπνιγμένον. νὴ Δί’ εἰθίσθησ γὰρ ἥδεσθαι τοιούτοισ πράγμασιν· ἀλλ’ ἐὰν σιγῶν ἀνάσχῃ καὶ μάθῃσ ἁγὼ λέγω, ἀναδιδάξειν οἰόμαί σ’ ὡσ πάντα ταῦθ’ ἁμαρτάνεισ. ἐξαμαρτάνω δικάζων; καταγελώμενοσ μὲν οὖν οὐκ ἐπαϊεισ ὑπ’ ἀνδρῶν, οὓσ σὺ μόνον οὐ προσκυνεῖσ. ἀλλὰ δουλεύων λέληθασ. παῦε δουλείαν λέγων, ὅστισ ἄρχω τῶν ἁπάντων. οὐ σύ γ’, ἀλλ’ ὑπηρετεῖσ οἰόμενοσ ἄρχειν· ἐπεὶ δίδαξον ἡμᾶσ ὦ πάτερ, ἥτισ ἡ τιμή ’στί σοι καρπουμένῳ τὴν Ἑλλάδα. πάνυ γε, καὶ τούτοισί γ’ ἐπιτρέψαι ’θέλω. καὶ μὴν ἐγώ. ἄφετέ νυν ἅπαντεσ αὐτόν. καὶ ξίφοσ γέ μοι δότε. ἢν γὰρ ἡττηθῶ λέγων σου, περιπεσοῦμαι τῷ ξίφει. εἰπέ μοι, τί δ’ ἤν, τὸ δεῖνα, τῇ διαίτῃ μὴ ’μμένῃσ; μηδέποτε πίοιμ’ ἀκράτου μισθὸν ἀγαθοῦ δαίμονοσ.

일치하는 문장이 없습니다.

SEARCH

MENU NAVIGATION