헬라어 문장 검색 - ΑριστοπήΩασπσ́04́05́1́

(아리스토파네스, Wasps, Choral, trochees 1:)

ὡσ ἅπανθ’ ὑμῖν τυραννίσ ἐστι καὶ ξυνωμόται, ἤν τε μεῖζον ἤν τ’ ἔλαττον πρᾶγμά τισ κατηγορῇ, ἧσ ἐγὼ οὐκ ἤκουσα τοὔνομ’ οὐδὲ πεντήκοντ’ ἐτῶν· νῦν δὲ πολλῷ τοῦ ταρίχουσ ἐστὶν ἀξιωτέρα, ὥστε καὶ δὴ τοὔνομ’ αὐτῆσ ἐν ἀγορᾷ κυλίνδεται. ἢν μὲν ὠνῆταί τισ ὀρφὼσ μεμβράδασ δὲ μὴ ’θέλῃ, εὐθέωσ εἴρηχ’ ὁ πωλῶν πλησίον τὰσ μεμβράδασ· ’οὗτοσ ὀψωνεῖν ἐοίχ’ ἅνθρωποσ ἐπὶ τυραννίδι. ’ ἢν δὲ γήτειον προσαιτῇ ταῖσ ἀφύαισ ἥδυσμά τι, ἡ λαχανόπωλισ παραβλέψασά φησι θατέρῳ· εἰπέ μοι, γήτειον αἰτεῖσ· πότερον ἐπὶ τυραννίδι, ἢ νομίζεισ τὰσ Ἀθήνασ σοὶ φέρειν ἡδύσματα; κἀμέ γ’ ἡ πόρνη χθὲσ εἰσελθόντα τῆσ μεσημβρίασ, ὅτι κελητίσαι ’κέλευον, ὀξυθυμηθεῖσά μοι ἤρετ’ εἰ τὴν Ἱππίου καθίσταμαι τυραννίδα. ταῦτα γὰρ τούτοισ ἀκούειν ἡδἔ, εἰ καὶ νῦν ἐγὼ τὸν πατέρ’ ὅτι βούλομαι τούτων ἀπαλλαχθέντα τῶν ὀρθροφοιτοσυκοφαντοδικοταλαιπώρων τρόπων ζῆν βίον γενναῖον ὥσπερ Μόρυχοσ, αἰτίαν ἔχω ταῦτα δρᾶν ξυνωμότησ ὢν καὶ φρονῶν τυραννικά. νὴ Δί’ ἐν δίκῃ γ’· ἐγὼ γὰρ οὐδ’ ἂν ὀρνίθων γάλα ἀντὶ τοῦ βίου λάβοιμ’ ἂν οὗ με νῦν ἀποστερεῖσ· οὐδὲ χαίρω βατίσιν οὐδ’ ἐγχέλεσιν, ἀλλ’ ἥδιον ἄν δικίδιον σμικρὸν φάγοιμ’ ἂν ἐν λοπάδι πεπνιγμένον. νὴ Δί’ εἰθίσθησ γὰρ ἥδεσθαι τοιούτοισ πράγμασιν· ἀλλ’ ἐὰν σιγῶν ἀνάσχῃ καὶ μάθῃσ ἁγὼ λέγω, ἀναδιδάξειν οἰόμαί σ’ ὡσ πάντα ταῦθ’ ἁμαρτάνεισ. ἐξαμαρτάνω δικάζων; καταγελώμενοσ μὲν οὖν οὐκ ἐπαϊεισ ὑπ’ ἀνδρῶν, οὓσ σὺ μόνον οὐ προσκυνεῖσ. ἀλλὰ δουλεύων λέληθασ. παῦε δουλείαν λέγων, ὅστισ ἄρχω τῶν ἁπάντων. οὐ σύ γ’, ἀλλ’ ὑπηρετεῖσ οἰόμενοσ ἄρχειν· ἐπεὶ δίδαξον ἡμᾶσ ὦ πάτερ, ἥτισ ἡ τιμή ’στί σοι καρπουμένῳ τὴν Ἑλλάδα. πάνυ γε, καὶ τούτοισί γ’ ἐπιτρέψαι ’θέλω. καὶ μὴν ἐγώ. ἄφετέ νυν ἅπαντεσ αὐτόν. καὶ ξίφοσ γέ μοι δότε. ἢν γὰρ ἡττηθῶ λέγων σου, περιπεσοῦμαι τῷ ξίφει. εἰπέ μοι, τί δ’ ἤν, τὸ δεῖνα, τῇ διαίτῃ μὴ ’μμένῃσ; μηδέποτε πίοιμ’ ἀκράτου μισθὸν ἀγαθοῦ δαίμονοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Wasps, Choral, trochees 1:

(아리스토파네스, Wasps, Choral, trochees 1:)

상위

목록

SEARCH

MENU NAVIGATION