Aristophanes, Wasps, Choral, antistrophe

ἀλλὰ μὰ Δί’ οὐ ῥᾳδίωσ οὕτωσ ἂν αὐτοὺσ διέφυγεσ, εἴπερ ἔτυχον τῶν μελῶν τῶν Φιλοκλέουσ βεβρωκότεσ. ἆρα δῆτ’ οὐκ αὐτὰ δῆλα τοῖσ πένησιν, ἡ τυραννὶσ ὡσ λάθρᾳ γ’ ἐλάνθαν’ ὑπιοῦσά με, εἰ σύ γ’ ὦ πόνῳ πόνηρε καὶ κομηταμυνία τῶν νόμων ἡμᾶσ ἀπείργεισ ὧν ἔθηκεν ἡ πόλισ, οὔτε τιν’ ἔχων πρόφασιν οὔτε λόγον εὐτράπελον, αὐτὸσ ἄρχων μόνοσ; ἔσθ’ ὅπωσ ἄνευ μάχησ καὶ τῆσ κατοξείασ βοῆσ ἐσ λόγουσ ἔλθοιμεν ἀλλήλοισι καὶ διαλλαγάσ; σοὐσ λόγουσ ὦ μισόδημε καὶ μοναρχίασ ἐραστά, καὶ ξυνὼν Βρασίδᾳ καὶ φορῶν κράσπεδα στεμμάτων τήν θ’ ὑπήνην ἄκουρον τρέφων;