Aristophanes, Wasps, Choral, trochees 1:

(아리스토파네스, Wasps, Choral, trochees 1:)

εἰᾶ́ νυν ὦ ξυνδικασταὶ σφῆκεσ ὀξυκάρδιοι, οἱ μὲν ἐσ τὸν πρωκτὸν αὐτῶν ἐσπέτεσθ’ ὠργισμένοι, οἱ δὲ τὠφθαλμὼ κύκλῳ κεντεῖτε καὶ τοὺσ δακτύλουσ. ὦ Μίδα καὶ Φρὺξ βοήθει δεῦρο καὶ Μασιντύα, καὶ λάβεσθε τουτουὶ καὶ μὴ μεθῆσθε μηδενί· εἰ δὲ μή, ’ν πέδαισ παχείαισ οὐδὲν ἀριστήσετε. ὡσ ἐγὼ πολλῶν ἀκούσασ οἶδα θρίων τὸν ψόφον. εἰ δὲ μὴ τοῦτον μεθήσεισ, ἔν τί σοι παγήσεται. ὦ Κέκροψ ἡρ́ωσ ἄναξ τὰ πρὸσ ποδῶν Δρακοντίδη, περιορᾷσ οὕτω μ’ ὑπ’ ἀνδρῶν βαρβάρων χειρούμενον, οὓσ ἐγὼ ’δίδαξα κλάειν τέτταρ’ ἐσ τὴν χοίνικα; εἶτα δῆτ’ οὐ πόλλ’ ἔνεστι δεινὰ τῷ γήρᾳ κακά; δηλαδή· καὶ νῦν γε τούτω τὸν παλαιὸν δεσπότην πρὸσ βίαν χειροῦσιν, οὐδὲν τῶν πάλαι μεμνημένοι διφθερῶν κἀξωμίδων, ἃσ οὗτοσ αὐτοῖσ ἠμπόλα, καὶ κυνᾶσ· καὶ τοὺσ πόδασ χειμῶνοσ ὄντοσ ὠφέλει, ὥστε μὴ ῥιγῶν ἑκάστοτ’· ἀλλὰ τούτοισ γ’ οὐκ ἔνι οὐδ’ ἐν ὀφθαλμοῖσιν αἰδὼσ τῶν παλαιῶν ἐμβάδων. οὐκ ἀφήσεισ οὐδὲ νυνί μ’ ὦ κάκιστον θηρίον, οὐδ’ ἀναμνησθεὶσ ὅθ’ εὑρὼν τοὺσ βότρυσ κλέπτοντά σε προσαγαγὼν πρὸσ τὴν ἐλάαν ἐξέδειρ’ εὖ κἀνδρικῶσ, ὥστε σε ζηλωτὸν εἶναι; σὺ δ’ ἀχάριστοσ ἦσθ’ ἄρα. ἀλλ’ ἄνεσ με καὶ σὺ καὶ σύ, πρὶν τὸν υἱὸν ἐκδραμεῖν. ἀλλὰ τούτων μὲν τάχ’ ἡμῖν δώσετον καλὴν δίκην, οὐκέτ’ ἐσ μακρὰν ἵν’ εἰδῆθ’ οἱο͂́σ ἐστ’ ἀνδρῶν τρόποσ ὀξυθύμων καὶ δικαίων καὶ βλεπόντων κάρδαμα. παῖε παἶ ὦ Ξανθία τοὺσ σφῆκασ ἀπὸ τῆσ οἰκίασ. ἀλλὰ δρῶ τοῦτ’· ἀλλὰ καὶ σὺ τῦφε πολλῷ τῷ καπνῷ. οὐχὶ σοῦσθ’; οὐκ ἐσ κόρακασ; οὐκ ἄπιτε; παῖε τῷ ξύλῳ. καὶ σὺ προσθεὶσ Αἰσχίνην ἔντυφε τὸν Σελλαρτίου. ἆρ’ ἐμέλλομέν ποθ’ ὑμᾶσ ἀποσοβήσειν τῷ χρόνῳ.

일치하는 문장이 없습니다.

SEARCH

MENU NAVIGATION