헬라어 문장 검색 - ΑριστοπήΩασπσ́04́02́

(아리스토파네스, Wasps, Choral, trochees)

Ἡράκλεισ καὶ κέντρ’ ἔχουσιν. οὐχ ὁρᾷσ ὦ δέσποτα; οἷσ γ’ ἀπώλεσαν Φίλιππον ἐν δίκῃ τὸν Γοργίου. καὶ σέ γ’ αὐτοῖσ ἐξολοῦμεν· ἀλλὰ πᾶσ ἐπίστρεφε δεῦρο κἀξείρασ τὸ κέντρον εἶτ’ ἐπ’ αὐτὸν ἱέσο, ξυσταλεὶσ εὔτακτοσ ὀργῆσ καὶ μένουσ ἐμπλήμενοσ, ὡσ ἂν εὖ εἰδῇ τὸ λοιπὸν σμῆνοσ οἱο͂ν ὤργισεν. τοῦτο μέντοι δεινὸν ἤδη νὴ Δί’, εἰ μαχούμεθα· ὡσ ἔγωγ’ αὐτῶν ὁρῶν δέδοικα τὰσ ἐγκεντρίδασ. ἀλλ’ ἀφίει τὸν ἄνδρ’· εἰ δὲ μή, φήμ’ ἐγὼ τὰσ χελώνασ μακαριεῖν σε τοῦ δέρματοσ. εἰᾶ́ νυν ὦ ξυνδικασταὶ σφῆκεσ ὀξυκάρδιοι, οἱ μὲν ἐσ τὸν πρωκτὸν αὐτῶν ἐσπέτεσθ’ ὠργισμένοι, οἱ δὲ τὠφθαλμὼ κύκλῳ κεντεῖτε καὶ τοὺσ δακτύλουσ. ὦ Μίδα καὶ Φρὺξ βοήθει δεῦρο καὶ Μασιντύα, καὶ λάβεσθε τουτουὶ καὶ μὴ μεθῆσθε μηδενί· εἰ δὲ μή, ’ν πέδαισ παχείαισ οὐδὲν ἀριστήσετε. ὡσ ἐγὼ πολλῶν ἀκούσασ οἶδα θρίων τὸν ψόφον. εἰ δὲ μὴ τοῦτον μεθήσεισ, ἔν τί σοι παγήσεται. ὦ Κέκροψ ἡρ́ωσ ἄναξ τὰ πρὸσ ποδῶν Δρακοντίδη, περιορᾷσ οὕτω μ’ ὑπ’ ἀνδρῶν βαρβάρων χειρούμενον, οὓσ ἐγὼ ’δίδαξα κλάειν τέτταρ’ ἐσ τὴν χοίνικα; εἶτα δῆτ’ οὐ πόλλ’ ἔνεστι δεινὰ τῷ γήρᾳ κακά; δηλαδή· καὶ νῦν γε τούτω τὸν παλαιὸν δεσπότην πρὸσ βίαν χειροῦσιν, οὐδὲν τῶν πάλαι μεμνημένοι διφθερῶν κἀξωμίδων, ἃσ οὗτοσ αὐτοῖσ ἠμπόλα, καὶ κυνᾶσ· καὶ τοὺσ πόδασ χειμῶνοσ ὄντοσ ὠφέλει, ὥστε μὴ ῥιγῶν ἑκάστοτ’· ἀλλὰ τούτοισ γ’ οὐκ ἔνι οὐδ’ ἐν ὀφθαλμοῖσιν αἰδὼσ τῶν παλαιῶν ἐμβάδων. οὐκ ἀφήσεισ οὐδὲ νυνί μ’ ὦ κάκιστον θηρίον, οὐδ’ ἀναμνησθεὶσ ὅθ’ εὑρὼν τοὺσ βότρυσ κλέπτοντά σε προσαγαγὼν πρὸσ τὴν ἐλάαν ἐξέδειρ’ εὖ κἀνδρικῶσ, ὥστε σε ζηλωτὸν εἶναι; σὺ δ’ ἀχάριστοσ ἦσθ’ ἄρα. ἀλλ’ ἄνεσ με καὶ σὺ καὶ σύ, πρὶν τὸν υἱὸν ἐκδραμεῖν. ἀλλὰ τούτων μὲν τάχ’ ἡμῖν δώσετον καλὴν δίκην, οὐκέτ’ ἐσ μακρὰν ἵν’ εἰδῆθ’ οἱο͂́σ ἐστ’ ἀνδρῶν τρόποσ ὀξυθύμων καὶ δικαίων καὶ βλεπόντων κάρδαμα. παῖε παἶ ὦ Ξανθία τοὺσ σφῆκασ ἀπὸ τῆσ οἰκίασ. ἀλλὰ δρῶ τοῦτ’· ἀλλὰ καὶ σὺ τῦφε πολλῷ τῷ καπνῷ. οὐχὶ σοῦσθ’; οὐκ ἐσ κόρακασ; οὐκ ἄπιτε; παῖε τῷ ξύλῳ. καὶ σὺ προσθεὶσ Αἰσχίνην ἔντυφε τὸν Σελλαρτίου. ἆρ’ ἐμέλλομέν ποθ’ ὑμᾶσ ἀποσοβήσειν τῷ χρόνῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Wasps, Choral, trochees

(아리스토파네스, Wasps, Choral, trochees)

상위

목록

SEARCH

MENU NAVIGATION