헬라어 문장 검색 - ΑριστοπήΩασπσ́02́01́0́

(아리스토파네스, Wasps, Parodos, prelude)

χώρει πρόβαιν’ ἐρρωμένωσ. ὦ Κωμία βραδύνεισ. μὰ τὸν Δί’ οὐ μέντοι πρὸ τοῦ γ’, ἀλλ’ ἦσθ’ ἱμὰσ κύνειοσ· νυνὶ δὲ κρείττων ἐστί σου Χαρινάδησ βαδίζειν. ὦ Στρυμόδωρε Κονθυλεῦ, βέλτιστε συνδικαστῶν, Εὐεργίδησ ἆρ’ ἐστί που ’νταῦθ’ ἢ Χάβησ ὁ Φλυεύσ; πάρεσθ’ ὃ δὴ λοιπόν γ’ ἔτ’ ἐστίν, ἀππαπαῖ παπαιάξ, ἥβησ ἐκείνησ ἡνίκ’ ἐν Βυζαντίῳ ξυνῆμεν φρουροῦντ’ ἐγώ τε καὶ σύ· κᾆτα περιπατοῦντε νύκτωρ τῆσ ἀρτοπώλιδοσ λαθόντ’ ἐκλέψαμεν τὸν ὅλμον, κᾆθ’ ἥψομεν τοῦ κορκόρου κατασχίσαντεσ αὐτόν. ἀλλ’ ἐγκονῶμεν ὦνδρεσ, ὡσ ἔσται Λάχητι νυνί· σίμβλον δέ φασι χρημάτων ἔχειν ἅπαντεσ αὐτόν. χθὲσ οὖν Κλέων ὁ κηδεμὼν ἡμῖν ἐφεῖτ’ ἐν ὡρ́ᾳ ἥκειν ἔχοντασ ἡμερῶν ὀργὴν τριῶν πονηρὰν ἐπ’ αὐτόν, ὡσ κολωμένουσ ὧν ἠδίκησεν. ἀλλὰ σπεύδωμεν ὦνδρεσ ἥλικεσ πρὶν ἡμέραν γενέσθαι. χωρῶμεν ἅμα τε τῷ λύχνῳ πάντῃ διασκοπῶμεν, μή που λίθοσ τισ ἐμποδὼν ἡμᾶσ κακόν τι δράσῃ. τὸν πηλὸν ὦ πάτερ πάτερ τουτονὶ φύλαξαι. κάρφοσ χαμᾶθέν νυν λαβὼν τὸν λύχνον πρόμυξον. οὔκ, ἀλλὰ τῳδί μοι δοκῶ τὸν λύχνον προβύσειν. τί δὴ μαθὼν τῷ δακτύλῳ τὴν θρυαλλίδ’ ὠθεῖσ, καὶ ταῦτα τοὐλαίου σπανίζοντοσ ὦνόητε; οὐ γὰρ δάκνει σ’, ὅταν δέῃ τίμιον πρίασθαι. εἰ νὴ Δί’ αὖθισ κονδύλοισ νουθετήσεθ’ ἡμᾶσ, ἀποσβέσαντεσ τοὺσ λύχνουσ ἄπιμεν οἴκαδ’ αὐτοί· κἄπειτ’ ἴσωσ ἐν τῷ σκότῳ τουτουὶ στερηθεὶσ τὸν πηλὸν ὥσπερ ἀτταγᾶσ τυρβάσεισ βαδίζων. ἦ μὴν ἐγὼ σοῦ χἀτέρουσ μείζονασ κολάζω. ἀλλ’ οὑτοσί μοι βόρβοροσ φαίνεται πατοῦντι· κοὐκ ἔσθ’ ὅπωσ οὐχ ἡμερῶν τεττάρων τὸ πλεῖστον ὕδωρ ἀναγκαίωσ ἔχει τὸν θεὸν ποιῆσαι. ἔπεισι γοῦν τοῖσιν λύχνοισ οὑτοιὶ μύκητεσ· φιλεῖ δ’, ὅταν τοῦτ’ ᾖ, ποιεῖν ὑετὸν μάλιστα. δεῖται δὲ καὶ τῶν καρπίμων ἅττα μή ’στι πρῷα ὕδωρ γενέσθαι κἀπιπνεῦσαι βόρειον αὐτοῖσ. τί χρῆμ’ ἄρ’ οὑκ τῆσ οἰκίασ τῆσδε συνδικαστὴσ πέπονθεν, ὡσ οὐ φαίνεται δεῦρο πρὸσ τὸ πλῆθοσ; οὐ μὴν πρὸ τοῦ γ’ ἐφολκὸσ ἦν, ἀλλὰ πρῶτοσ ἡμῶν ἡγεῖτ’ ἂν ᾄδων Φρυνίχου· καὶ γάρ ἐστιν ἁνὴρ φιλῳδόσ. ἀλλά μοι δοκεῖ στάντασ ἐνθάδ’ ὦνδρεσ ᾄδοντασ αὐτὸν ἐκκαλεῖν, ἤν τί πωσ ἀκούσασ τοὐμοῦ μέλουσ ὑφ’ ἡδονῆσ ἑρπύσῃ θύραζε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Wasps, Parodos, prelude

(아리스토파네스, Wasps, Parodos, prelude)

상위

목록

SEARCH

MENU NAVIGATION