헬라어 문장 검색 - ΑριστοπήΤηεσμοπ́12́4́

(아리스토파네스, Thesmophoriazusae, Lyric-Scene, iambics)

ὦ θεοὶ τίν’ ἐσ γῆν βαρβάρων ἀφίγμεθα ταχεῖ πεδίλῳ; διὰ μέσου γὰρ αἰθέροσ τέμνων κέλευθον πόδα τίθημ’ ὑπόπτερον Περσεὺσ πρὸσ Ἄργοσ ναυστολῶν τὸ Γοργόνοσ κάρα κομίζων. τί λέγι; τὴ Γόργοσ πέρι τὸ γραμματέο σὺ τὴ κεπαλή; τὴν Γοργόνοσ ἔγωγε φημί. Γόργο τοι κἀγὼ λέγι. ἐά· τίν’ ὄχθον τόνδ’ ὁρῶ καὶ παρθένον θεαῖσ ὁμοίαν ναῦν ὅπωσ ὡρμισμένην; ὦ ξένε κατοίκτιρόν με τὴν παναθλίαν, λῦσόν με δεσμῶν. οὐκὶ μὶ λαλῆσι σύ; κατάρατο τολμᾷσ ἀποτανουμένη λαλᾷσ; ὦ παρθέν’ οἰκτίρω σὲ κρεμαμένην ὁρῶν. οὐ παρτέν’ ἐστίν, ἀλλ’ ἀμαρτωλὴ γέρων καὶ κλέπτο καὶ πανοῦργο. ληρεῖσ ὦ Σκύθα. αὕτη γάρ ἐστιν Ἀνδρομέδα παῖσ Κηφέωσ. σκέψαι τὸ κύστο· μή τι μικτὸν παίνεται; φέρε δεῦρό μοι τὴν χεῖρ’, ἵν’ ἅψωμαι κόρησ· φέρε Σκύθ’· ἀνθρώποισι γὰρ νοσήματα ἅπασίν ἐστιν· ἐμὲ δὲ καὐτὸν τῆσ κόρησ ταύτησ ἔρωσ εἴληφεν. οὐ ζηλῶσί σε· ἀτὰρ εἰ τὸ πρωκτὸ δεῦρο περιεστραμμένον, οὐκ ἐπτόνησά σ’ αὐτὸ πυγίζεισ ἄγων. τί δ’ οὐκ ἐᾷσ λύσαντά μ’ αὐτὴν ὦ Σκύθα πεσεῖν ἐσ εὐνὴν καὶ γαμήλιον λέχοσ; εἰ σπόδρ’ ἐπιτυμεῖσ τὴ γέροντο πύγισο, τὴ σανίδο τρήσασ ἐξόπιστο πρώκτισον. μὰ Δί’ ἀλλὰ λύσω δεσμά. μαστιγῶ σ’ ἄρα. καὶ μὴν ποιήσω τοῦτο. τὸ κεπαλή σ’ ἄρα τὸ ξιπομάκαιραν ἀποκεκόψι τουτοϊ. αἰαῖ· τί δράσω; πρὸσ τίνασ στρεφθῶ λόγουσ; ἀλλ’ οὐ <γὰρ> ἂν δέξαιτο βάρβαροσ φύσισ. σκαιοῖσι γάρ τοι καινὰ προσφέρων σοφὰ μάτην ἀναλίσκοισ ἄν, ἀλλ’ ἄλλην τινὰ τούτῳ πρέπουσαν μηχανὴν προσοιστέον. μιαρὸσ ἀλώπηξ, οἰο͂ν ἐπιτήκιζί μοι. μέμνησο Περσεῦ μ’ ὡσ καταλείπεισ ἀθλίαν. ἔτι γὰρ σὺ τὴ μάστιγαν ἐπιτυμεῖσ λαβεῖν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Thesmophoriazusae, Lyric-Scene, iambics

(아리스토파네스, Thesmophoriazusae, Lyric-Scene, iambics)

상위

목록

SEARCH

MENU NAVIGATION