Aristophanes, Thesmophoriazusae, Choral, antistrophe 1

τί ἂν οὖν εἴποι πρὸς ταῦτά τις, ὅτε τοιαῦτα ποιῶν ὅδ ἀναισχυντεῖ·? κοὔπω μέντοι γε πέπαυμαι. ἀλλ οὖν ἥκεις γ ὅθεν οὐ φαύλως γ ἀποδρὰς λέξεις οἱο῀ν δράσας διέδυς ἔργον, λήψει δὲ κακόν. τοῦτο μέντοι μὴ γένοιτο μηδαμῶς, ἀπεύχομαι. τίς οὖν σοι, τίς ἂν σύμμαχος ἐκ θεῶν ἀθανάτων ἔλθοι ξὺν ἀδίκοις ἔργοις· μάτην λαλεῖτε: τὴν δ ἐγὼ οὐκ ἀφήσω. ἀλλ οὐ μὰ τὼ θεὼ τάχ οὐ χαίρων ἴσως ἐνυβριεῖς λόγους λέξεις τ ἀνοσίους <ἐπ> ἀθέοις ἔργοις: <καὶ> γὰρ ἀνταμειψόμεσθά ς ὥσπερ εἰκὸς ἀντὶ τῶνδε. τάχα δὲ μεταβαλοῦς ἐπὶ κακὸν ἑτερότροπον ἐπέχει τύχη. ἀλλὰ τάσδε μὲν λαβεῖν χρῆν ς ἐκφέρειν τε τῶν ξύλων, καὶ καταίθειν τὸν πανοῦργον πυρπολεῖν θ ὅσον τάχος.?