헬라어 문장 검색 - ΑριστοπήΤηεσμοπ́03́1́

(아리스토파네스, Thesmophoriazusae, Lyric-Scene, strophe 1)

οὔπω ταύτησ ἤκουσα πολυπλοκωτέρασ γυναικὸσ οὐδὲ δεινότερον λεγούσησ. πάντα γὰρ λέγει δίκαια, πάσασ δ’ ἰδέασ ἐξήτασεν, πάντα δ’ ἐβάστασεν φρενὶ πυκνῶσ τε ποικίλουσ λόγουσ ἀνηῦρεν εὖ διεζητημένουσ· ὥστ’ ἂν εἰ λέγοι παρ’ αὐτὴν Ξενοκλέησ ὁ Καρκίνου, δοκεῖν ἂν αὐτόν, ὡσ ἐγᾦμαι, πᾶσιν ὑμῖν ἄντικρυσ μηδὲν λέγειν. ὀλίγων ἕνεκα καὐτὴ παρῆλθον ῥημάτων. τὰ μὲν γὰρ ἄλλ’ αὕτη κατηγόρηκεν εὖ· ἃ δ’ ἐγὼ πέπονθα, ταῦτα λέξαι βούλομαι. ἐμοὶ γὰρ ἁνὴρ ἀπέθανεν μὲν ἐν Κύπρῳ παιδάρια πέντε καταλιπών, ἁγὼ μόλισ στεφανηπλοκοῦσ’ ἔβοσκον ἐν ταῖσ μυρρίναισ. τέωσ μὲν οὖν ἀλλ’ ἡμικάκωσ ἐβοσκόμην· νῦν δ’ οὗτοσ ἐν ταῖσιν τραγῳδίαισ ποιῶν τοὺσ ἄνδρασ ἀναπέπεικεν οὐκ εἶναι θεούσ· ὥστ’ οὐκέτ’ ἐμπολῶμεν οὐδ’ εἰσ ἥμισυ. νῦν οὖν ἁπάσαισιν παραινῶ καὶ λέγω τοῦτον κολάσαι τὸν ἄνδρα πολλῶν οὕνεκα· ἄγρια γὰρ ἡμᾶσ ὦ γυναῖκεσ δρᾷ κακά, ἅτ’ ἐν ἀγρίοισι τοῖσ λαχάνοισ αὐτὸσ τραφείσ. ἀλλ’ εἰσ ἀγορὰν ἄπειμι· δεῖ γὰρ ἀνδράσιν πλέξαι στεφάνουσ συνθηματιαίουσ εἴκοσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristophanes, Thesmophoriazusae, Lyric-Scene, strophe 1

(아리스토파네스, Thesmophoriazusae, Lyric-Scene, strophe 1)

상위

목록

SEARCH

MENU NAVIGATION