헬라어 문장 검색 - ΑριστοπήΠεαξέ7́01́

(아리스토파네스, Peace, Lyric-Scene, strophe 1)

ὡσ πάνθ’ ὅσ’ ἂν θεὸσ θέλῃ χἠ τύχη κατορθοῖ, χωρεῖ κατὰ νοῦν, ἕτερον δ’ ἑτέρῳ τούτων κατὰ καιρὸν ἀπαντᾷ. ὡσ ταῦτα δῆλά γ’ ἔσθ’· ὁ γὰρ βωμὸσ θύρασι καὶ δή. ἐπείγετέ νυν ἐν ὅσῳ σοβαρὰ θεόθεν κατέχει πολέμου μετάτροποσ αὔρα. νῦν γὰρ δαίμων φανερῶσ εἰσ ἀγαθὰ μεταβιβάζει. τὸ κανοῦν πάρεστ’ ὀλὰσ ἔχον καὶ στέμμα καὶ μάχαιραν, καὶ πῦρ γε τουτί, κοὐδὲν ἴσχει πλὴν τὸ πρόβατον ὑμᾶσ. οὔκουν ἁμιλλήσεσθον; ὡσ ἢν Χαῖρισ ὑμᾶσ ἴδῃ, πρόσεισιν αὐλήσων ἄκλητοσ, κᾆτα τοῦτ’ εὖ οἶδ’ ὅτι φυσῶντι καὶ πονουμένῳ προσδώσετε δήπου. ἄγε δὴ τὸ κανοῦν λαβὼν σὺ καὶ τὴν χέρνιβα περίιθι τὸν βωμὸν ταχέωσ ἐπιδέξια. ἰδού· λεγοισ ἂν ἄλλο· περιελήλυθα. φέρε δὴ τὸ δαλίον τόδ’ ἐμβάψω λαβών, σείου σὺ ταχέωσ· σὺ δὲ πρότεινε τῶν ὀλῶν, καὐτόσ γε χερνίπτου παραδοὺσ ταύτην ἐμοί, καὶ τοῖσ θεαταῖσ ῥῖπτε τῶν κριθῶν. ἰδού. ἔδωκασ ἤδη; νὴ τὸν Ἑρμῆν ὥστε γε τούτων ὅσοιπέρ εἰσι τῶν θεωμένων οὐκ ἔστιν οὐδεὶσ ὅστισ οὐ κριθὴν ἔχει. οὐχ αἱ γυναῖκέσ γ’ ἔλαβον. ἀλλ’ εἰσ ἑσπέραν δώσουσιν αὐταῖσ ἅνδρεσ. ἀλλ’ εὐχώμεθα. τίσ τῇδε; ποῦ ποτ’ εἰσὶ πολλοὶ κἀγαθοί; τοισδὶ φέρε δῶ· πολλοὶ γάρ εἰσι κἀγαθοί. τούτουσ ἀγαθοὺσ ἐνόμισασ; οὐ γάρ, οἵτινεσ ἡμῶν καταχεόντων ὕδωρ τοσουτονὶ ἐσ ταὐτὸ τοῦθ’ ἑστᾶσ’ ἰόντεσ χωρίον; ἀλλ’ ὡσ τάχιστ’ εὐχώμεθ’. εὐχώμεσθα δή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristophanes, Peace, Lyric-Scene, strophe 1

(아리스토파네스, Peace, Lyric-Scene, strophe 1)

상위

목록

SEARCH

MENU NAVIGATION