헬라어 문장 검색 - ΑριστοπήΠεαξέ6́02́

(아리스토파네스, Peace, Lyric-Scene, iambics)

ἡ παῖσ λέλουται καὶ τὰ τῆσ πυγῆσ καλά· ὁ πλακοῦσ πέπεπται, σησαμῆ ξυμπλάττεται. καὶ τἄλλ’ ἁπαξάπαντα· τοῦ πέουσ δὲ δεῖ. ἴθι νυν ἀποδῶμεν τήνδε τὴν Θεωρίαν ἀνύσαντε τῇ βουλῇ. τίσ αὑτηί; τί φῄσ; αὕτη Θεωρία ’στίν. ἣν ἡμεῖσ ποτε ἐπαίομεν Βραυρωνάδ’ ὑποπεπωκότεσ; σάφ’ ἴσθι, κἀλήφθη γε μόλισ. ὦ δέσποτα ὅσην ἔχει τὴν πρωκτοπεντετηρίδα. εἰε͂ν, τίσ ἐσθ’ ὑμῶν δίκαιοσ, τίσ ποτε; τίσ διαφυλάξει τήνδε τῇ βουλῇ λαβών; οὗτοσ τί περιγράφεισ; τὸ δεῖν’ εἰσ Ἴσθμια σκηνὴν ἐμαυτοῦ τῷ πέει καταλαμβάνω. οὔπω λέγεθ’ ὑμεῖσ τίσ ὁ φυλάξων. δεῦρο σύ· καταθήσομαι γὰρ αὐτὸσ ἐσ μέσουσ ἄγων. ἐκεινοσὶ νεύει. τίσ; ὅστισ; Ἀριφράδησ, ἄγειν παρ’ αὑτὸν ἀντιβολῶν. ἀλλ’ ὦ μέλε τὸν ζωμὸν αὐτῆσ προσπεσὼν ἐκλάψεται. ἄγε δὴ σὺ κατάθου πρῶτα τὰ σκεύη χαμαί. βουλή, πρυτάνεισ, ὁρᾶτε τὴν Θεωρίαν. σκέψασθ’ ὅσ’ ὑμῖν ἀγαθὰ παραδώσω φέρων, ὥστ’ εὐθέωσ ἄραντασ ὑμᾶσ τὼ σκέλει ταύτησ μετέωρα καταγαγεῖν ἀνάρρυσιν. τουτὶ δ’ ὁρᾶτ’ ὀπτάνιον ἡμῖν ὡσ καλόν. διὰ ταῦτα καὶ κεκάπνικ’ ἄρ’· ἐνταυθοῖ γὰρ <οὖν> πρὸ τοῦ πολέμου τὰ λάσανα τῇ βουλῇ ποτ’ ἦν. ἔπειτ’ ἀγῶνά γ’ εὐθὺσ ἐξέσται ποιεῖν ταύτην ἔχουσιν αὔριον καλὸν πάνυ, ἐπὶ γῆσ παλαίειν, τετραποδηδὸν ἑστάναι, πλαγίαν καταβάλλειν, ἐσ γόνατα κύβδ’ ἑστάναι, καὶ παγκράτιόν γ’ ὑπαλειψαμένοισ νεανικῶσ παίειν ὀρύττειν πὺξ ὁμοῦ καὶ τῷ πέει· τρίτῃ δὲ μετὰ ταῦθ’ ἱπποδρομίαν ἄξετε, ἵνα δὴ κέλησ κέλητα παρακελητιεῖ, ἁρ́ματα δ’ ἐπ’ ἀλλήλοισιν ἀνατετραμμένα φυσῶντα καὶ πνέοντα προσκινήσεται· ἕτεροι δὲ κείσονταί γ’ ἀπεψωλημένοι περὶ ταῖσι καμπαῖσ ἡνίοχοι πεπτωκότεσ. ἀλλ’ ὦ πρυτάνεισ δέχεσθε τὴν Θεωρίαν. θέασ’ ὡσ προθύμωσ ὁ πρύτανισ παρεδέξατο. ἀλλ’ οὐκ ἂν εἴ τι προῖκα προσαγαγεῖν σ’ ἔδει, ἀλλ’ ηὑρ͂ον ἄν σ’ ὑπέχοντα τὴν ἐκεχειρίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Peace, Lyric-Scene, iambics

(아리스토파네스, Peace, Lyric-Scene, iambics)

상위

목록

SEARCH

MENU NAVIGATION