Aristophanes, Peace, Parodos, trochees

(아리스토파네스, Peace, Parodos, trochees)

δεῦρο πᾶσ χώρει προθύμωσ εὐθὺ τῆσ σωτηρίασ. ὦ Πανέλληνεσ βοηθήσωμεν, εἴπερ πώποτε, τάξεων ἀπαλλαγέντεσ καὶ κακῶν φοινικικῶν· ἡμέρα γὰρ ἐξέλαμψεν ἥδε μισολάμαχοσ. πρὸσ τάδ’ ἡμῖν, εἴ τι χρὴ δρᾶν, φράζε κἀρχιτεκτόνει· οὐ γὰρ ἔσθ’ ὅπωσ ἀπειπεῖν ἂν δοκῶ μοι τήμερον, πρὶν μοχλοῖσ καὶ μηχαναῖσιν ἐσ τὸ φῶσ ἀνελκύσαι τὴν θεῶν πασῶν μεγίστην καὶ φιλαμπελωτάτην. οὐ σιωπήσεσθ’, ὅπωσ μὴ περιχαρεῖσ τῷ πράγματι τὸν Πόλεμον ἐκζωπυρήσετ’ ἔνδοθεν κεκραγότεσ; ἀλλ’ ἀκούσαντεσ τοιούτου χαίρομεν κηρύγματοσ. οὐ γὰρ ἦν ἔχοντασ ἥκειν σιτί’ ἡμερῶν τριῶν. εὐλαβεῖσθέ νυν ἐκεῖνον τὸν κάτωθεν Κέρβερον, μὴ παφλάζων καὶ κεκραγὼσ ὥσπερ ἡνίκ’ ἐνθάδ’ ἦν, ἐμποδὼν ἡμῖν γένηται τὴν θεὸν μὴ ’ξελκύσαι. οὔτι καὶ νῦν ἔστιν αὐτὴν ὅστισ ἐξαιρήσεται, ἢν ἅπαξ ἐσ χεῖρασ ἔλθῃ τὰσ ἐμάσ. ἰοῦ ἰοῦ. ἐξολεῖτέ μ’ ὦνδρεσ, εἰ μὴ τῆσ βοῆσ ἀνήσετε· ἐκδραμὼν γὰρ πάντα ταυτὶ συνταράξει τοῖν ποδοῖν. ὡσ κυκάτω καὶ πατείτω πάντα καὶ ταραττέτω, οὐ γὰρ ἂν χαίροντεσ ἡμεῖσ τήμερον παυσαίμεθ’ ἄν. τί τὸ κακόν; τί πάσχετ’ ὦνδρεσ; μηδαμῶσ πρὸσ τῶν θεῶν πρᾶγμα κάλλιστον διαφθείρητε διὰ τὰ σχήματα. ἀλλ’ ἔγωγ’ οὐ σχηματίζειν βούλομ’, ἀλλ’ ὑφ’ ἡδονῆσ οὐκ ἐμοῦ κινοῦντοσ αὐτὼ τὼ σκέλει χορεύετον. μή τι καὶ νυνί γ’ ἔτ’, ἀλλὰ παῦε παῦ’ ὀρχούμενοσ. ἢν ἰδοὺ καὶ δὴ πέπαυμαι. φῄσ γε, παύει δ’ οὐδέπω. ἓν μὲν οὖν τουτί μ’ ἐάσον ἑλκύσαι, καὶ μηκέτι. τοῦτό νυν, καὶ μηκέτ’ ἄλλο μηδὲν ὀρχήσησθ’ ἔτι. οὐκ ἂν ὀρχησαίμεθ’, εἴπερ ὠφελήσαιμέν τί σε. ἀλλ’ ὁρᾶτ’ οὔπω πέπαυσθε. τουτογὶ νὴ τὸν Δία τὸ σκέλοσ ῥίψαντεσ ἤδη λήγομεν τὸ δεξιόν. ἐπιδίδωμι τοῦτό γ’ ὑμῖν ὥστε μὴ λυπεῖν ἔτι. ἀλλὰ καὶ τἀριστερόν τοί μ’ ἐστ’ ἀναγκαίωσ ἔχον. ἥδομαι γὰρ καὶ γέγηθα καὶ πέπορδα καὶ γελῶ μᾶλλον ἢ τὸ γῆρασ ἐκδὺσ ἐκφυγὼν τὴν ἀσπίδα. μή τι καὶ νυνί γε χαίρετ’· οὐ γὰρ ἴστε πω σαφῶσ·

상위

Peace

목록

일치하는 문장이 없습니다.

SEARCH

MENU NAVIGATION