헬라어 문장 검색 - ΑριστοπήΛψσιστρ́09́2́0́

(아리스토파네스, Lysistrata, Lyric-Scene, iambics)

πᾷ τᾶν Ἀσανᾶν ἐστιν ἁ γερωχία ἢ τοὶ πρυτάνιεσ; λῶ τι μυσίξαι νέον. σὺ δ’ εἶ πότερον ἄνθρωποσ ἢ κονίσαλοσ; κᾶρυξ ἐγὼν ὦ κυρσάνιε ναὶ τὼ σιὼ ἔμολον ἀπὸ Σπάρτασ περὶ τᾶν διαλλαγᾶν. κἄπειτα δόρυ δῆθ’ ὑπὸ μάλησ ἥκεισ ἔχων; οὐ τὸν Δί’ οὐκ ἐγών γα. ποῖ μεταστρέφει; τί δὴ προβάλλει τὴν χλαμύδ’; ἢ βουβωνιᾷσ ὑπὸ τῆσ ὁδοῦ; παλαιόρ γα ναὶ τὸν Κάστορα ὥνθρωποσ. ἀλλ’ ἔστυκασ ὦ μιαρώτατε. οὐ τὸν Δί’ οὐκ ἐγών γα· μηδ’ αὖ πλαδδίη. τί δ’ ἐστί σοι τοδί; σκυτάλα Λακωνικά. εἴπερ γε χαὔτη ’στὶ σκυτάλη Λακωνική. ἀλλ’ ὡσ πρὸσ εἰδότ’ ἐμὲ σὺ τἀληθῆ λέγε. τί τὰ πράγμαθ’ ὑμῖν ἐστι τἀν Λακεδαίμονι; ὀρσὰ Λακεδαίμων πᾶα καὶ τοὶ σύμμαχοι ἅπαντεσ ἐστύκαντι· Πελλάνασ δὲ δεῖ. ἀπὸ τοῦ δὲ τουτὶ τὸ κακὸν ὑμῖν ἐνέπεσεν; ἀπὸ Πανόσ; οὔκ, ἀλλ’ ἆρχεν οἰῶ Λαμπιτώ, ἔπειτα τἄλλαι ταὶ κατὰ Σπάρταν ἅμα γυναῖκεσ ᾇπερ ἀπὸ μιᾶσ ὑσπλαγίδοσ ἀπήλααν τὼσ ἄνδρασ ἀπὸ τῶν ὑσσάκων. πῶσ οὖν ἔχετε; μογίομεσ. ἂν γὰρ τὰν πόλιν ᾇπερ λυχνοφορίοντεσ ἐπικεκύφαμεσ. ταὶ γὰρ γυναῖκεσ οὐδὲ τῶ μύρτω σιγεῖν ἐῶντι, πρίν γ’ ἅπαντεσ ἐξ ἑνὸσ λόγω σπονδὰσ ποιησώμεσθα ποττὰν Ἑλλάδα. τουτὶ τὸ πρᾶγμα πανταχόθεν ξυνομώμοται ὑπὸ τῶν γυναικῶν· ἄρτι νυνὶ μανθάνω. ἀλλ’ ὡσ τάχιστα φράζε περὶ διαλλαγῶν αὐτοκράτορασ πρέσβεισ ἀποπέμπειν ἐνθαδί. ἐγὼ δ’ ἑτέρουσ ἐνθένδε τῇ βουλῇ φράσω πρέσβεισ ἑλέσθαι τὸ πέοσ ἐπιδείξασ τοδί. ποτάομαι· κράτιστα γὰρ παντᾷ λέγεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Lysistrata, Lyric-Scene, iambics

(아리스토파네스, Lysistrata, Lyric-Scene, iambics)

상위

목록

SEARCH

MENU NAVIGATION