Aristophanes, Lysistrata, Lyric-Scene, lyric

(아리스토파네스, Lysistrata, Lyric-Scene, lyric)

οἴμοι τί πάθω; τίνα βινήσω τῆσ καλλίστησ πασῶν ψευσθείσ; πῶσ ταυτηνὶ παιδοτροφήσω; ποῦ Κυναλώπηξ; μίσθωσόν μοι τὴν τίτθην. ἐν δεινῷ γ’ ὦ δύστηνε κακῷ τείρει ψυχὴν ἐξαπατηθείσ. κἄγωγ’ οἰκτίρω σ’ αἰαῖ. ποῖοσ γὰρ ἂν ἢ νέφροσ ἀντίσχοι, ποία ψυχή, ποῖοι δ’ ὄρχεισ, ποία δ’ ὀσφῦσ, ποῖοσ δ’ ὄρροσ κατατεινόμενοσ καὶ μὴ βινῶν τοὺσ ὄρθρουσ; ὦ Ζεῦ δεινῶν ἀντισπασμῶν. ταυτὶ μέντοι νυνί σ’ ἐποίησ’ ἡ παμβδελυρὰ καὶ παμμυσαρά. μὰ Δί’ ἀλλὰ φίλη καὶ παγγλυκερά. ποία γλυκερά; μιαρὰ μιαρά. <μιαρὰ> δῆτ’ ὦ Ζεῦ ὦ Ζεῦ· εἴθ’ αὐτὴν ὥσπερ τοὺσ θωμοὺσ μεγάλῳ τυφῷ καὶ πρηστῆρι ξυστρέψασ καὶ ξυγγογγύλασ οἴχοιο φέρων, εἶτα μεθείησ, ἡ δὲ φέροιτ’ αὖ πάλιν ἐσ τὴν γῆν, κᾆτ’ ἐξαίφνησ περὶ τὴν ψωλὴν περιβαίη.

상위

Lysistrata

목록

일치하는 문장이 없습니다.

SEARCH

MENU NAVIGATION