Aristophanes, Lysistrata, Lyric-Scene 1:

(아리스토파네스, Lysistrata, Lyric-Scene 1:)

φιλῶ φιλῶ ’γὼ τοῦτον· ἀλλ’ οὐ βούλεται ὑπ’ ἐμοῦ φιλεῖσθαι. σὺ δ’ ἐμὲ τούτῳ μὴ κάλει. ὦ γλυκύτατον Μυρρινίδιον τί ταῦτα δρᾷσ; κατάβηθι δεῦρο. μὰ Δί’ ἐγὼ μὲν αὐτόσ’ οὔ. ἐμοῦ καλοῦντοσ οὐ καταβήσει Μυρρίνη; οὐ γὰρ δεόμενοσ οὐδὲν ἐκκαλεῖσ ἐμέ. ἐγὼ οὐ δεόμενοσ; ἐπιτετριμμένοσ μὲν οὖν. ἄπειμι. μὴ δῆτ’, ἀλλὰ τῷ γοῦν παιδίῳ ὑπάκουσον· οὗτοσ οὐ καλεῖσ τὴν μαμμίαν; μαμμία, μαμμία, μαμμία. αὕτη τί πάσχεισ; οὐδ’ ἐλεεῖσ τὸ παιδίον ἄλουτον ὂν κἄθηλον ἕκτην ἡμέραν; ἔγωγ’ ἐλεῶ δῆτ’· ἀλλ’ ἀμελὴσ αὐτῷ πατὴρ ἔστιν. κατάβηθ’ ὦ δαιμονία τῷ παιδίῳ. οἱο͂ν τὸ τεκεῖν· καταβατέον. τί γὰρ πάθω; ἐμοὶ γὰρ αὕτη καὶ νεωτέρα δοκεῖ πολλῷ γεγενῆσθαι κἀγανώτερον βλέπειν· χἂ δυσκολαίνει πρὸσ ἐμὲ καὶ βρενθύεται, ταῦτ’ αὐτὰ δή ’σθ’ ἃ κἄμ’ ἐπιτρίβει τῷ πόθῳ. ὦ γλυκύτατον σὺ τεκνίδιον κακοῦ πατρόσ, φέρε σε φιλήσω γλυκύτατον τῇ μαμμίᾳ. τί ὦ πονήρα ταῦτα ποιεῖσ χἀτέραισ πείθει γυναιξί, κἀμέ τ’ ἄχθεσθαι ποιεῖσ αὐτή τε λυπεῖ; μὴ πρόσαγε τὴν χεῖρά μοι. τὰ δ’ ἔνδον ὄντα τἀμὰ καὶ σὰ χρήματα χεῖρον διατίθησ. ὀλίγον αὐτῶν μοι μέλει. ὀλίγον μέλει σοι τῆσ κρόκησ φορουμένησ ὑπὸ τῶν ἀλεκτρυόνων; ἔμοιγε νὴ Δία. τὰ <δὲ> τῆσ Ἀφροδίτησ ἱέρ’ ἀνοργίαστά σοι χρόνον τοσοῦτόν ἐστιν. οὐ βαδιεῖ πάλιν; μὰ Δί’ οὐκ ἔγωγ’, ἢν μὴ διαλλαχθῆτέ γε καὶ τοῦ πολέμου παύσησθε. τοιγάρ, ἢν δοκῇ, ποιήσομεν καὶ ταῦτα. τοιγάρ, ἢν δοκῇ, κἄγωγ’ ἄπειμ’ ἐκεῖσε· νῦν δ’ ἀπομώμοκα. σὺ δ’ ἀλλὰ κατακλίνηθι μετ’ ἐμοῦ διὰ χρόνου. οὐ δῆτα· καίτοι σ’ οὐκ ἐρῶ γ’ ὡσ οὐ φιλῶ. φιλεῖσ; τί οὖν οὐ κατεκλίνησ ὦ Μύρριον; ὦ καταγέλαστ’ ἐναντίον τοῦ παιδίου; μὰ Δί’ ἀλλὰ τοῦτό γ’ οἴκαδ’ ὦ Μανῆ φέρε. ἰδοὺ τὸ μέν σοι παιδίον καὶ δὴ ’κποδών, σὺ δ’ οὐ κατακλίνει. ποῦ γὰρ ἄν τισ καὶ τάλαν δράσειε τοῦθ’; ὅπου; τὸ τοῦ Πανὸσ καλόν. καὶ πῶσ ἔθ’ ἁγνὴ δῆτ’ ἂν ἔλθοιμ’ ἐσ πόλιν; κάλλιστα δήπου λουσαμένη τῇ Κλεψύδρᾳ. ἔπειτ’ ὀμόσασα δῆτ’ ἐπιορκήσω τάλαν;

상위

Lysistrata

목록

일치하는 문장이 없습니다.

SEARCH

MENU NAVIGATION