Aristophanes, Lysistrata, Choral, antistrophe 1

οὐκ ἄρ’ εἰσιόντα σ’ οἴκαδ’ ἡ τεκοῦσα γνώσεται. ἀλλὰ θώμεσθ’ ὦ φίλαι γρᾶεσ ταδί πρῶτον χαμαί. ἡμεῖσ γὰρ ὦ πάντεσ ἀστοὶ λόγων κατάρχομεν τῇ πόλει χρησίμων· εἰκότωσ, ἐπεὶ χλιδῶσαν ἀγλαῶσ ἔθρεψέ με. ἑπτὰ μὲν ἔτη γεγῶσ’ εὐθὺσ ἠρρηφόρουν· εἶτ’ ἀλετρὶσ ἦ δεκέτισ οὖσα τἀρχηγέτι· κᾆτ’ ἔχουσα τὸν κροκωτὸν ἄρκτοσ ἦ Βραυρωνίοισ· κἀκανηφόρουν ποτ’ οὖσα παῖσ καλὴ ’χουσ’ ἰσχάδων ὁρμαθόν·