헬라어 문장 검색 - ΑριστοπήΛψσιστρ́04́9́0́

(아리스토파네스, Lysistrata, Agon, antepirrheme)

ἀλλ’ ἤνπερ ὅ <τε> γλυκύθυμοσ Ἔρωσ χἠ Κυπρογένει’ Ἀφροδίτη ἵμερον ἡμῶν κατὰ τῶν κόλπων καὶ τῶν μηρῶν καταπνεύσῃ, κᾆτ’ ἐντήξῃ τέτανον τερπνὸν τοῖσ ἀνδράσι καὶ ῥοπαλισμούσ, οἶμαί ποτε Λυσιμάχασ ἡμᾶσ ἐν τοῖσ Ἕλλησι καλεῖσθαι. τί ποιησάσασ; ἢν παύσωμεν πρώτιστον μὲν ξὺν ὅπλοισιν ἀγοράζοντασ καὶ μαινομένουσ. νὴ τὴν Παφίαν Ἀφροδίτην. νῦν μὲν γὰρ δὴ κἀν ταῖσι χύτραισ κἀν τοῖσ λαχάνοισιν ὁμοίωσ περιέρχονται κατὰ τὴν ἀγορὰν ξὺν ὅπλοισ ὥσπερ Κορύβαντεσ. νὴ Δία· χρὴ γὰρ τοὺσ ἀνδρείουσ. καὶ μὴν τό γε πρᾶγμα γέλοιον, ὅταν ἀσπίδ’ ἔχων καὶ Γοργόνα τισ κᾆτ’ ὠνῆται κορακίνουσ. νὴ Δί’ ἐγὼ γοῦν ἄνδρα κομήτην φυλαρχοῦντ’ εἶδον ἐφ’ ἵππου ἐσ τὸν χαλκοῦν ἐμβαλλόμενον πῖλον λέκιθον παρὰ γραόσ· ἕτεροσ δ’ <αὖ> Θρᾷξ πέλτην σείων κἀκόντιον ὥσπερ ὁ Τηρεύσ, ἐδεδίσκετο τὴν ἰσχαδόπωλιν καὶ τὰσ δρυπεπεῖσ κατέπινεν. πῶσ οὖν ὑμεῖσ δυναταὶ παῦσαι τεταραγμένα πράγματα πολλὰ ἐν ταῖσ χώραισ καὶ διαλῦσαι; φαύλωσ πάνυ. πῶσ; ἀπόδειξον. ὥσπερ κλωστῆρ’, ὅταν ἡμῖν ᾖ τεταραγμένοσ, ὧδε λαβοῦσαι, ὑπενεγκοῦσαι τοῖσιν ἀτράκτοισ τὸ μὲν ἐνταυθοῖ τὸ δ’ ἐκεῖσε, οὕτωσ καὶ τὸν πόλεμον τοῦτον διαλύσομεν, ἤν τισ ἐάσῃ, διενεγκοῦσαι διὰ πρεσβειῶν τὸ μὲν ἐνταυθοῖ τὸ δ’ ἐκεῖσε. ἐξ ἐρίων δὴ καὶ κλωστήρων καὶ ἀτράκτων πράγματα δεινὰ παύσειν οἰέσθ’ ὦ ἀνόητοι; κἂν ὑμῖν γ’ εἴ τισ ἐνῆν νοῦσ, ἐκ τῶν ἐρίων τῶν ἡμετέρων ἐπολιτεύεσθ’ ἂν ἅπαντα. πῶσ δή; φέρ’ ἴδω. πρῶτον μὲν ἐχρῆν, ὥσπερ πόκου ἐν βαλανείῳ ἐκπλύναντασ τὴν οἰσπώτην, ἐκ τῆσ πόλεωσ ἐπὶ κλίνησ ἐκραβδίζειν τοὺσ μοχθηροὺσ καὶ τοὺσ τριβόλουσ ἀπολέξαι, καὶ τούσ γε συνισταμένουσ τούτουσ καὶ τοὺσ πιλοῦντασ ἑαυτοὺσ ἐπὶ ταῖσ ἀρχαῖσι διαξῆναι καὶ τὰσ κεφαλὰσ ἀποτῖλαι· εἶτα ξαίνειν ἐσ καλαθίσκον κοινὴν εὔνοιαν, ἅπαντασ καταμιγνύντασ τούσ τε μετοίκουσ κεἴ τισ ξένοσ ἢ φίλοσ ὑμῖν, κεἴ τισ ὀφείλει τῷ δημοσίῳ, καὶ τούτουσ ἐγκαταμεῖξαι· καὶ νὴ Δία τάσ γε πόλεισ, ὁπόσαι τῆσ γῆσ τῆσδ’ εἰσὶν ἄποικοι, διαγιγνώσκειν ὅτι ταῦθ’ ἡμῖν ὥσπερ τὰ κατάγματα κεῖται χωρὶσ ἕκαστον· κᾆτ’ ἀπὸ τούτων πάντων τὸ κάταγμα λαβόντασ δεῦρο ξυνάγειν καὶ συναθροίξειν εἰσ ἕν, κἄπειτα ποιῆσαι τολύπην μεγάλην κᾆτ’ ἐκ ταύτησ τῷ δήμῳ χλαῖναν ὑφῆναι. οὔκουν δεινὸν ταυτὶ ταύτασ ῥαβδίξειν καὶ τολυπεύειν, αἶσ οὐδὲ μετῆν πάνυ τοῦ πολέμου; καὶ μὴν ὦ παγκατάρατε πλεῖν ἤ γε διπλοῦν αὐτὸν φέρομεν, πρώτιστον μέν γε τεκοῦσαι κἀκπέμψασαι παῖδασ ὁπλίτασ. σίγα, μὴ μνησικακήσῃσ. εἶθ’ ἡνίκα χρῆν εὐφρανθῆναι καὶ τῆσ ἥβησ ἀπολαῦσαι, μονοκοιτοῦμεν διὰ τὰσ στρατιάσ. καὶ θἠμέτερον μὲν ἐᾶτε, περὶ τῶν δὲ κορῶν ἐν τοῖσ θαλάμοισ γηρασκουσῶν ἀνιῶμαι. οὔκουν χἄνδρεσ γηράσκουσιν; μὰ Δί’ ἀλλ’ οὐκ εἶπασ ὅμοιον. ὁ μὲν ἥκων γάρ, κἂν ᾖ πολιόσ, ταχὺ παῖδα κόρην γεγάμηκεν· τῆσ δὲ γυναικὸσ σμικρὸσ ὁ καιρόσ, κἂν τούτου μὴ ’πιλάβηται, οὐδεὶσ ἐθέλει γῆμαι ταύτην, ὀττευομένη δὲ κάθηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Lysistrata, Agon, antepirrheme

(아리스토파네스, Lysistrata, Agon, antepirrheme)

상위

목록

SEARCH

MENU NAVIGATION