Aristophanes, Frogs, Exodus, anapests

ἄγε δὴ χαίρων Αἰσχύλε χώρει, καὶ σῷζε πόλιν τὴν ἡμετέραν γνώμαισ ἀγαθαῖσ καὶ παίδευσον τοὺσ ἀνοήτουσ· πολλοὶ δ’ εἰσίν· καὶ δὸσ τουτὶ Κλεοφῶντι φέρων καὶ τουτὶ τοῖσι πορισταῖσ Μύρμηκί θ’ ὁμοῦ καὶ Νικομάχῳ, τόδε δ’ Ἀρχενόμῳ· καὶ φράζ’ αὐτοῖσ ταχέωσ ἥκειν ὡσ ἐμὲ δευρὶ καὶ μὴ μέλλειν· κἂν μὴ ταχέωσ ἥκωσιν, ἐγὼ νὴ τὸν Ἀπόλλω στίξασ αὐτοὺσ καὶ συμποδίσασ μετ’ Ἀδειμάντου τοῦ Λευκολόφου κατὰ γῆσ ταχέωσ ἀποπέμψω.